Tifkira ta’
Marija Omm u Xbieha
tal-Knisja
Qari mill-Ktieb �tal-Atti tal-Appostli�(Atti 1, 12-14)
Wara li Ġesù tela s-sema
l-appostli reġgħu lura lejn Ġerusalemm mill-għolja msejħa taż-Żebbuġ, li hi ’l bogħod mill-belt daqs
il-mixja tas-Sibt. Xħin daħlu l-belt, telgħu
fil-kamra ta’ fuq tad-dar fejn kienu joqogħdu. Kienu: Pietru u Ġwanni, Ġakbu u
Indrì, Filippu u Tumas, Bartilmew u Mattew, Ġakbu bin Alfew, u Xmun jgħidulu l-Imħeġġeġ, u Ġuda bin Ġakbu.
U, magħqudin qalb waħda, kienu jitolbu flimkien, ma’ xi nisa u ma’ Marija, omm Ġesù, u ma’ ħutu.
Il-Kelma tal-Mulej.
R:/ Irroddu ħajr lil Alla
Salm Responsorjali
R:/ Ħwejjeġ sbieħ jingħadu dwarek o Belt ta’ Alla!
Il-Mulej bena lil Sijon fuq l-għoljiet imqaddsa;
hu jħobb il-bibien tagħha
aktar mill-għamajjar kollha ta’ Ġakobb.
R:/ Ħwejjeġ sbieħ jingħadu dwarek o Belt ta’ Alla!
O belt ta’ Alla, ħwejjeġ sbieħ hu jgħid fuqek:
U dwar Sijon jingħad:
“Ilkoll, il-wieħed u l-ieħor, twieldu fiha!
U Alla l-Għoli nnifsu jwettaqha f’postha.”
R:/ Ħwejjeġ sbieħ jingħadu dwarek o Belt ta’ Alla!
Jikteb il-Mulej fil-ktieb
tal-popli:
“Dan twieled hemm!”
U jgħannu, huma u jiżfnu,
dawk kollha li jgħammru fik.
R:/ Ħwejjeġ sbieħ jingħadu dwarek o Belt ta’ Alla!
Hallelujah, Hallelujah
O Verġni hienja, li nissilt lill-Mulej; O Omm imbierka tal-Knisja, li tqawwi fina
l-ispirtu tal-Iben tiegħek, Ġesù Kristu.
Hallelujah, Hallelujah
Qari mill-Evanġelju skont
San Ġwann
Ġw 19, 25-34
R:/ Glorja lilek Mulej
F’dak iż-żmien kien hemm wieqfa ħdejn is-salib ta’ Ġesù ommu, oħt ommu, Marija ta’ Kleofa, u Marija ta’ Magdala.
Mela kif Ġesù lemaħ lil ommu u lid-dixxiplu li kien iħobb wieqaf ħdejha, qal lil ommu:
“Mara, hawn hu ibnek.”
Imbagħad qal lid-dixxiplu:
“Hawn hi ommok.”
U minn dak il-ħin
id-dixxiplu ħadha għandu.
Wara dan, Ġesù, billi issa
kien jaf li kollox kien mitmum, biex isseħħ
l-Iskrittura qal:
“Għandi l-għatx!”
Kien hemm bieqja mimlija
bil-ħall; huma xarrbu sponża bil-ħall, waħħluha ma’ qasba tal-issopu, u ressquhielu lejn ħalqu. Kif Ġesù ħa l-ħall, qal:
“Kollox hu mitmum!”
Imbagħad mejjel rasu u radd ruħu. Billi kien Jum
it-Tħejjija tal-Għid, il-Lhud ma ridux li f’jum is-Sibt
l-iġsma jibqgħu fuq is-salib,
għax dak is-Sibt kien jum solenni għalihom. Talbu mela lil Pilatu biex jiksrulhom riġlejhom u jneħħu l-iġsma.
Għalhekk ġew is-suldati u kisru r-riġlejn tal-ewwel u
tat-tieni wieħed li kienu msallbin miegħu.
Iżda meta waslu għal Ġesù, billi raw li kien ġa mejjet, ma kisrulux riġlejh.
Madankollu, wieħed
mis-suldati nifidlu ġenbu b’lanza, u minnufih ħareġ demm u ilma.
Il-Kelma tal-Mulej
R:/ Tifħir lilek Kristu
Tifkira ta’
Marija Omm u Xbieha
tal-Knisja