29 t’ April – Festa ta’
Santa Katerina
ta’ Siena,
verġni, duttur tal-Knisja u
patruna tal-Ewropa
Glorja `l Alla fil-għoli
tas-smewwiet, u paċi fl-art lill-bnedmin ta’ rieda tajba.
Infaħħruk,
inberkuk,
nadurawk,
nagħtuk ġieh.
Inroddulek ħajr
għall-glorja kbira tiegħek. Mulej Alla, Sultan
tas-sema,
Alla Missier li tista’ kollox.
Mulej Iben waħdieni, Ġesù Kristu,
Mulej Alla, Ħaruf ta’ Alla, Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna.
Int li qiegħed fuq il-lemin tal-Missier, ħenn għalina. Għaliex Int waħdek Qaddis, Int waħdek Mulej,
Int waħdek il-għoli,
Ġesu’ Kristu, ma’ l-Ispirtu
s-Santu:
fil-glorja tal-Missier Alla.
Ammen.
29 t’ April – Festa ta’
Santa Katerina
ta’ Siena,
verġni, duttur tal-Knisja u
patruna tal-Ewropa
Qari mill-Ewwel Ittra ta’
San Ġwann Appostlu
1 Ġw 1:5-2:2
Għeżież: Din hi l-aħbar li smajna mingħand Kristu, u li qegħdin inxandrulkom: li Alla hu dawl u li ma hemm fih ebda dlam.
Jekk ngħidu li aħna mseħbin miegħu imma nimxu
fid-dlam, inkunu qegħdin nigdbu u ma nagħmlux
is-sewwa.
Iżda jekk nimxu fid-dawl, kif inhu fid-dawl hu stess, aħna nissieħbu flimkien u
d-demm ta’ Ġesù Kristu Ibnu jnaddafna minn kull dnub.
Jekk ngħidu li ma għandniex dnub, inqarrqu bina nfusna u s-sewwa ma jkunx fina. Jekk nistqarru dnubietna, hu fidil u ġust,
hekk li jaħfrilna dnubietna u jnaddafna minn kull ħażen.
Jekk ngħidu li ma dnibniex, inkunu qegħdin ingiddbuh,
u kelmtu ma tkunx fina.
Uliedi, dan qiegħed niktibhulkom biex ma tidinbux.
Imma jekk xi ħadd jidneb,
aħna għandna difensur quddiem il-Missier, Ġesù Kristu l-ġust.
Huwa hu t-tpattija
għad-dnubiet tagħna,
u mhux għal tagħna
biss, iżda wkoll għal dawk tad-dinja kollha.
Il-Kelma tal-Mulej
R:/ Irroddu ħajr lil Alla
R:/ Bierek, ruħi tiegħi, il-Mulej!
Salm Responsorjali
Bierek, ruħ tiegħi, il-Mulej,
kulma hu ġo fija, bierek
l-isem qaddis tiegħu.
Bierek, ruħ tiegħi, il-Mulej,
u la tinsiex il-ġid kollu li għamel miegħek.
R:/ Bierek, ruħi tiegħi,
il-Mulej!
Hu li jaħfer dnubitek kollha,
li jfejjaq il-mard tiegħek kollu,
li jifdi ’l ħajtek mill-ħofra,
li jdawrek bit-tjieba u
l-ħniena.
R:/ Bierek, ruħi tiegħi,
il-Mulej!
Ħanin u ta’ qalb tajba
l-Mulej,
idum biex jagħdab u kollu mogħdrija.
Mhuwiex dejjem jitlewwem,
anqas dejjem jinkorla.
R:/ Bierek, ruħi tiegħi,
il-Mulej!
Bħalma missier iħenn għal uliedu,
hekk iħenn il-Mulej għal min għandu l-biża’ tiegħu,
għax hu jaf mniex aħna magħġuna,
jiftakar li aħna trab.
R:/ Bierek, ruħi tiegħi,
il-Mulej!
Il-ħniena tal-Mulej minn dejjem sa dejjem
ma’ dawk li għandhom
il-biża’ tiegħu,
u l-ħaqq tiegħu ma’ wlied uliedhom,
ma’ dawk li jħarsu l-patt tiegħu
u li jiftakru fil-preċetti tiegħu biex iħarsuhom.
R:/ Bierek, ruħi tiegħi,
il-Mulej!
Hallelujah, Hallelujah
Inbierek, Missier, Sid
is-sema u l-art,
talli int dawn il-ħwejjeġ għarrafthom lil min hu ċkejken.
Hallelujah, Hallelujah
Qari mill-Evanġelju skont
San Mattew
Mt 11:25-30
R:/ Glorja lilek Mulej
F’dak iż-żmien: Ġesù qabad u qal:
“Infaħħrek, Missier, Sid is-sema u l-art, talli inti, dawn il-ħwejjeġ, ħbejthom lil min hu għaref u lil min jifhem,
u għarrafthom lil min hu ċkejken. Iva, Missier, għax hekk għoġob lir-rieda tiegħek.
Kollox kien mogħti lili minn Missieri, u ħadd ma jagħraf lill-Iben ħlief
il-Missier,
kif ħadd ma jagħraf
lill-Missier ħlief l-Iben u dak li l-Iben irid jgħarrafhulu.
Ejjew għandi, intom ilkoll li tinsabu mħabbtin u mtaqqlin, u jiena
nserraħkom.
Ħudu fuqkom l-madmad tiegħi u tgħallmu minni, għax jien ta’ qalb ħelwa u umli, u intom issibu mistrieħ għal ruħkom.
Għaliex il-madmad tiegħi ħelu u t-toqol tiegħi ħafif”.
Il-Kelma tal-Mulej
R:/ Tifħir lilek Kristu
29 t’ April – Festa ta’
Santa Katerina
ta’ Siena,
verġni, duttur tal-Knisja u
patruna tal-Ewropa