1.

Nggo kita pulung i lebe

Tuhannta si mbelin

Ersadalah totonta e

Ras ‘nde-enden pujin

​

2.

O, Tuhanku si nasa lit

‘Rpematang ibas Kam

E banci kin la kami nggit

Mehaga ndahi Kam ?

3.

Ajaren bujur man paken

Nggo sehku kami kap

Teruslah min ku peraten

Lah ukur nggo tetap

​

1.

Sisembahlah min Tuhan si mbelin

Endekenlah min endenden pujin

Tuhan Dibatanta ingan cicio

Sembahlah Ia ola kita menggo

​

2.

Sipembarkenlah kinimbisanNa

Sinalsal terang e me pakenNa

Megang soraNa bagi lenggur kepe

Kalisung-sung e pe ibentasiNa

3.

Seh kal ulina penjayamenNdu

Terang ras gelap e nuduhkenca

Udan ras lego k’rina kap ndatkenca

Kuasa kekelengenNa mbelin tuhu

Lit.

:

Sangap kal jabu si malang man Tuhan, si nggeluh ngikutken kerina perentahNa.

Perp.

:

Ipanna me ulihna latih, sangap nggeluh, mehuli si kerajangenna.

Lit.

:

Ndeharana bali ras anggur si meramis buahna i bas rumahna, dingen anak-anakna bali ras tunas batang saitun i sekelewet mejana.

Perp.

:

Bage me pasu-pasu Tuhan man kalak si malang man baNa.

Lit.

:

Tuhanlah si masu-masu kam i Sion nari, mbera idahndu kesangapen Jerusalem kidekah umur geluhndu, cawirlah kam metua, maka sempat idahndu kempu-kempundu.

Perp.

:

Bage me kekelengen Tuhan man isi jabu.

1.

Ib’rekenNdu kapen umur si nggedang

Penampat man bangku labo kap kurang

Tiap-tiap wari b’rekenNdu gegeh

Bas ngaturken jabu b’rekenNdu pemeteh

Reff. K’rina kita muji gelar Tuhanta

Alu ukur tutus puji Haleluya

2.

Ib’rekenNdu jine ukur si saber

Ban lias ateNdu tetap nge maler

K’rina cukupiNdu si perlu bangku

SinijujurkenNdu em sikerajangku

Reff. K’rina kita muji gelar Tuhanta

Alu ukur tutus puji Haleluya

3.

La kap terbelasken kerna liasNdu

Simpar seh man bangku kekelengenNdu

Ateku o, Tuhan ras pe jabungku

Tetap nembah baNdu kidekah g’luhku

Reff. K’rina kita muji gelar Tuhanta

Alu ukur tutus puji Haleluya

Lit.

:

Manusia nggeluh i doni si dem alu percuban. Kegeluhen manusia e dem alu erbage-bage keperlun nggeluh si erbahanca erlumba guna ndatkenca. Sura-sura manusia si melala enda jadi perayaken kel, piah dungna i akap jadi kemalemen ate. Erbintuas erdahin tetptep wari, piah dungna kegeluhen i bas jabu pe lanai sempabu.

Lit.

:

Senina ras turang, Dibata tuhu-tuhu ngergaken jabu. Ipersadakenna isi jabu janah idemiNa alu erbage-bage pemere, gelah banci ngaloken pasu-pasu si enggo i sikapken Dibata. Si idah nge sura-sura Dibata e nandangi jabunta?

Perp.

:

Rende KEE 76 : 1

1.

KulebeNdu Dibatangku

Aku nembah ‘rjimpuh pe

Dengkehkenlah min totonku

Nen iluhku mambur e

Lit.

:

Dibata ndemi jabunta salu keleng ateNa si serta, si gejapken nge keleng ate Dibata si mpersadaken kerina isi jabunta?

Perp.

:

Rende KEE 76 : 2

2.

Kuukuri me lagungku

Dosa nari k’rina pe

Nggo terbuang wari-wari

La kupergunaken pe

Lit.

:

Jabu ipake Dibata guna ncidahken kemulianNa ku bas doni enda. Enggo nge si cidahken terang kemulian Tuhan arah jabunta?

Perp.

:

Rende KEE 76 : 3

3.

Rusur nari aku lalar

Ngaku aku o, Tuhan

Amin gia aku Kristen

Dosa lalap nge kuban

Lit.

Selaku persuruhen Dibata, aku nehken kataNa man banta si ngakuken dosa ras kelepakenta, niNa:

“Kualemi dosa si ibahanna, janah nggeluh me ia sabab nggo benar dingen bujur perbahanenna”

(Jeh. 33:16) Amin.

1.

Iban kelengNdu e

Iban liasNdu e

La ‘ku bene

Aku idilo Kam

Bas lias ateNdu

Ku surga e

2.

Bujur ningkami ka

Man baNdu o, Bapa

Si mulia

Si mere dalan e

Arah anakNdu e

Ku surga e

3.

Bahanlah min tetap

Kam kukelengi kap

Rasa lalap

Senang geluhku e

‘Di tanNdu negu pe

Ku surga e

4.

Tergejap me tuhu

Penegu-neguNdu

Senang aku

Mejuah-juah me

Ras isi jabu pe

LiasNdu nge

18.

Erbage-bage pedah man keluarga Kristen

O, kam ndehara, patuhlah man perbulangenndu, sabap bage me arusna ibahanndu selaku kalak Kristen.

19.

O, kam perbulangen, kelengilah ndeharandu janah ula kasar man bana.

20.

O, kam anak-anak, kalak Kristen, patut kam tetap patuh man orang-tuandu sabap bage nge si ngena ate Dibata.

21.

O, kam orang-tua ula rusursa junguti anakndu gelah ula bene ukurna.

22.

O, kam budak-budak patuhlah man tuanndu i bas kai pe. Labo saja tupung ia i je tempa-tempa kam ndarami pujin i bas manusia nari saja; tapi bahanlah e alu ukurndu bulat, erkiteken kemalangenndu man Tuhan.

23.

Kai pe si ibahanndu, dahikenlah e alu tutus, tempa-tempa kam erdahin guna Tuhan, labo guna manusia.

24.

Ingetlah, i bas Tuhan nari kap upahndu. Ialokenndu me kai si nggo isikapken Tuhan man anak-AnakNa. Sabap Kristus nge Tuanndu si tuhu-tuhu, janah kam BudakNa.

25.

Janah kalak si erbahan salah, ise pe jelmana iukum rikutken salahna, sabap kerina manusia la erndobah i lebe-lebe Dibata.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

Lit.

¹⁴"Dage genduari," nina Josua ngumputi rananna, "pehagalah TUHAN janah sembahlah Ia alu tutus ate ras patuh. Pedauhlah dibata si nai isembah nini-ninindu i Mesopotami ras i Mesir, janah man TUHAN sajalah kam ersembah.

Perp.

¹⁵…

Lit.

¹⁴...

Perp.

¹⁵Adi la iakapndu mehuli ersembah man TUHAN, pilihlah sendah ise atendu isembahndu, dibata si isembah nini-ninindu i Mesopotami, ntah dibata kalak Amori si inganindu tanehna genduari. Tapi adi aku ras isi jabungku, TUHAN saja ngenca isembah kami."

Lit.

¹⁶Ngaloi bangsa e Nina "Ndigan pe la kami nggit nadingken TUHAN jenari nembah man dibata si deban!

Perp.

¹⁷TUHAN Dibata kami maba kami ras bapa kami i bas perbudaken nari i Mesir, janah idah kami tanda kuasa si IbahanNa. IjagaiNa kami gelah terkelin ku japa pe kami mentas arah tengah-tengah bangsa-bangsa si ibentasi kami.

Lit.

¹⁸Asum kami merangi taneh enda, ipelawes TUHAN kerina kalak Amori si ringan i jenda. Emaka kami pe nembah man TUHAN. Ia kap Dibata kami."

Perp.

¹⁹Nina Josua man bangsa e, "Tapi ntah labo kam ngasup nembah man BaNa. Ia Dibata si Badia, Sitonggal! Ia Dibata si mecimberu. La IalemiNa dosandu

Lit.

²⁰adi itundaleknndu jenari nembah man dibata-dibata si deban. Tapi erkusur Ia ngelawan kam jenari IukumNa kam. La banci la IkernepkenNa kam, aminna gia mehuli Ia gelgel nari man bandu."

Perp.

²¹Nina bangsa e man Josua, "Lang! Ate kami nembah man TUHAN saja."

Lit.

²²Nina Josua man bana kerina, "Kam jine jadi saksindu maka kam nggo milih TUHAN janah ersembah man BaNa." "Ue," nina kerina, "kami saksina."

Perp.

²³"Adi bage pedauhlah dibata si deban si lit i bas kam," nina Josua ngumputisa, "janah ersumpahlah kam man dirindu jine maka kam setia man TUHAN, Dibata Israel."

Lit.

²⁴Jenari nina bangsa e man Josua, "Ate kami ersembah man TUHAN Dibata kami. Ate kami ngikutken PedahNa."

Lit.

:

“Kukataken bujur man baNdu o Tuhan, alu bulat ukurku. Rende aku muji Kam janah muji gelarNdu, erjimpuh aku ngadap rumahNdu si badia, erkiteken Kam setia dingen tetap kekelengenNdu. Enggo icidahkenNdu maka gelarNdu ras perantah-perantahNdu belinen asang kai pe.”” (Masmur 138 : 1-2)

1.

Seh kal simparna

pemereNdu o, Tuhan.

Mejuah-juah kerina

ibas jabu.

La lit si magin,

pinakit la ertahan.

Ngataken bujur

pusuh kami man baNdu.

2.

Nggo kap mbuah bage

page si nisuan

Janah pe merih

bage manuk ni asuh

Ajari kami

ersembah baNdu, Tuhan

Lah malem ate

ras dame i bas pusuh

3.

Di kiniteken

erbuah bas perlagu

Bas engkelengi

min ola kita medu

Bas si mehuli

lalap min kita mbaru

Tuhan Dibata

tetap si masu-masu

Lit.

Dibata me si masu-masu jabu, ipehagaNa jabu e alu namaken kemulianNa i tengah-tengah jabu e.

Perp.

Erpadan aku o Tuhan, ncidahken sinalsal terang kemulianNdu i tengah-tengah jabu kami alu si ergan i bas jabu ras pe naksikenca ku tengah-tengah doni enda.

Lit.

Dibata ndemi jabu alu erbage-bage pemere guna jadi pasu-pasu man sekelewetna.

Perp.

Erpadan aku o Tuhan, kupersembahken jabungku jadi pasu-pasu man jelma si enterem.

1.

‘Ndiko ulina padan Tuhan e,

Nandangi k’rina isi jabu pe

Sangap kal jabu si malang baNdu

Si nggeluh ngikutken perentahNdu

Reff.

Kam Dibata si ngkelengi tetap

Pasu-pasuNdu simpar kap tetap

2.

‘Ndiko ulina padan Tuhan e,

Nandangi k’rina isi jabu pe

Sialoken ulih kelatihennta

Mehuli me sikerajangenta

Reff.

Kam Dibata si ngkelengi tetap

Pasu-pasuNdu simpar kap tetap

3.

‘Ndiko Tuhan mbelin kelengNdu e,

Nandangi k’rina isi jabu pe

Bapa, Nande, Anak tengah jabu

Sendalanen ‘bas jabu sempabu

Reff.

Kam Dibata si ngkelengi tetap

Pasu-pasuNdu simpar kap tetap

4.

‘Ndiko Tuhan mbelin kelengNdu e,

Nandangi k’rina isi jabu pe

Cawir metua, sangap geluhta

Dame gelah si kerajangenna

Reff.

Kam Dibata si ngkelengi tetap

Pasu-pasuNdu simpar kap tetap

Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam. Itatap Dibata ku kam, janah malem atendu ibahanNa. Amin.

​

Perp. : A....min, A.......min, A......min