1.

Bapa si perkuah

B’re min kami tuah

Ibas t’rang ayoNdu min

Kami ‘rdalin erdahin

​

2.

B’re min teptep wari

Dame ‘bas Kam nari

Aku ban KesahNdu e

Rembak min ku Kristus pe

3.

Kita ’jar-ajarNa

Pujilah gelarNa

Ngena kal ateNa kap

M’reken tuah si tetap

1.

Dibata Bapanta ringan i surga

Sinjaga geluhta i pertibi e

Ernalem man baNa ibas geluhta

Ikutken kataNa suari berngi pe

​

2.

Ibas k’rina paksa kegeluhen e

Pemere Dibata cukup banta pe

Kuga dage ninta man Dibatanta

Sipindo man baNa ola erleka

3.

Di erdua ukur man Tuhanta e

Dungna banci kita sirang rasSa pe

Pebulat ukurta ernalem baNa

I je daten cio cilinggementa

​

Lit.

Turang ras senina, alu perkuah...

...ateNa e itengah-tengah geluhta?

​

​

Lit.

Dibata nggo mereken tanggungjabab..

... Enggo nge ndia idalanken Mamre?

Mamre

...

Mamre

Ngaku kami Tuhan, megati kami lupa nandangi pendiloNdu jadi bapa i tengah jabu. Megati la kami ncidahken tempasNdu, subuk i bas pengerana ras perbahanen. Pengerana si arusna mpegegehi pusuh, megati erban kalak ngelabuh, ...

Mamre

... perbahanen si arusna jadi usihen, megati jadi batu antuken. Selaku imam, megati kami la ngasup mabai jabu kami guna rembak ras Kam. Tuhan, alemi dingen pegegehi min kami.

1.

Manusia nggo erdosa

Meluat mekelesa

Pusuh la bo lit damena

Di sirang ras Dibata

Begikenlah pendiloNa

Ikutkenlah kataNa

Geluh pelimbaruiNa

Rembak kita ras Ia

3.

Di kita la mediate

Man teman ras jabunta

I ja pe la malem ate

Disirang ras Dibata

Begikenlah pendiloNa

Usih perbahanenNa

Sampati turang senina

Dame senang ukurta

Lit.

“Desken remang erpagi-pagi, dosandu enggo Kulesapken, janah salah lepakndu nggo Kusasap desken embun. E maka mulihlah kam kempak Aku, sabab Aku kap Penebusndu. Kupilih kam jadi sikerajangenKu guna ndalanken sura-surangKu. Aku tetap nginget padanKu man bandu ras man kerina kesusurenndu ersundut-sundut janah perpadanen e tetap rasa lalap. Aku jadi Dibatandu ras jadi Dibata sinursurndu.”

2.

Senang me kap si ‘rjabu sada arih

Pehaga Tuhan peratenna ras

Mehuli kal ‘di ise pe la dalih

Berkat ku Minggu ‘lah ertoto ras

‘Di kebiaken gelgel banci salih

‘Di pengerana reh hamatna pe

Bas kehamaten labo ‘rlatih-latih

Ipasu-pasu Tuhan me kepe

3.

Meriah kal iakap orangtua

Adi anakna ikut ajar e

E malem ukur si mesui lupa

‘Di la njuruken lagu anak e

Senangna e ‘di Tuhan si perkuah

Rembak kin rusur ras dahinna e

Ipasu-pasu Tuhan daten tuah

Je malem-malem me ukurna e

1.

Surat enda i bas aku nari, Paulus si nggo ipilih Dibata jadi rasul Kristus Jesus. Aku IsuruhNa pembarken kegeluhen si ipadanken guna ialoken i bas persadanta ras Kristus Jesus.

2.

Surat enda man Timotius, anakku si kukelengi. Dibata Bapa ras Kristus Jesus Tuhanta mereken lias ate, perkuah ate ras kemalemen ate min man bandu.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

​

Perp.

:

(iendeken)

Ha le lu ya, Ha le lu ya, Ha le lu ... ya.

22.

Eli ras anak-anakna

Genduari Eli nggo seh kal tuana. La erngadi-ngadi ibegina kerna kai perbahanen anakna man kalak Israel janah terlebih-lebih sanga ia medem ras diberu-diberu si erdahin i bas dalan bengket ku bas Kemah Perjumpan ras TUHAN.

23.

Emaka nina Eli man bana, "Ngkai maka bage perbahanenndu. Kerina kalak nuriken kejahatenndu man bangku.

24.

Ulanai bage, anakku! Seh kal mejinna si icakapken bangsa TUHAN!

25.

Adi sekalak jelma erdosa man teman manusia banci nge ia isampati Dibata. Tapi uga nina manusia nampati kalak si erdosa man TUHAN?" Tapi la ia nggit megiken bapana, sabap nggo itetapken TUHAN guna munuh ia.

Lit.

:

Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur. (Roma 12 : 1 – 2)

1.

Seh kal simparna

pemereNdu o, Tuhan.

Mejuah-juah kerina

ibas jabu.

La lit si magin,

pinakit la ertahan.

Ngataken bujur

pusuh kami man baNdu.

2.

Nggo kap mbuah bage

page si nisuan

Janah pe merih

bage manuk ni asuh

Ajari kami

ersembah baNdu, Tuhan

Lah malem ate

ras dame i bas pusuh

3.

Di kiniteken

erbuah bas perlagu

Bas engkelengi

min ola kita medu

Bas si mehuli

lalap min kita mbaru

Tuhan Dibata

tetap si masu-masu

Lit.

Turang ras senina, Dibata ndilo Mamre jadi bapa dingen jadi imam, guna mabai isi jabu erkemalangen man Dibata.

Mamre

Erpadan kami Tuhan, ate kami ertanggungjabab jadi bapa, ras jadi imam i tengah jabu.

Lit.

Tole pe Dibata mereken tanggung-... ...-tengah gereja ras masyarakat

Mamre

Erpadan kami Tuhan, makeken diri kami, guna maba kiniulin i doni enda.

Perp.

Kami pe erpadan Tuhan, ngergaken ras nampati mamre gelah ngasup nehken singena ate Dibata.

1.

Pengasup kami o Tuhan

Gelah pedahNdu banci idalanken

Em kap tendang kami bas kegeluhen

KataNdu si man gelemen

Gelah tangkas kata ras perbahanen

Ban min kami tetap bas kebujuren

SurgaNdu kap perayaken

2.

Temani kami o Tuhan

Bengket ku doni si dem keguluten

SampatiNdu kami lako naluken

Dosa si man sirangenken

E maka ola kal kami tadingken

I bas kami ndalani kegeluhen

’lah dat kami kemenangen

“Kupasu-pasu, Kukawali, dingen Kupegegehi kam guna ncikep perpadan e ras bahanlah rikut singena ateKu. Aku tetap ras kam seh ku kedungen jaman.” Amin.

​

Perp. : A....min, A.......min, A......min