Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Marina Br. Ginting, S.Th
Rogate :
“Ertotolah”
05 Mei 2024
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
KATA PENGALO-NGALO
KATA PENARUH
1. | Dibata kap njagaisa gedang berngi, Sangana aku medem nderbih nai, Je medak aku bas erpagi-pagi, GelarNdu kupebelin ras kupuji. Reff. Wari enda wari ni Dibata ale, Sialoken janah m’riahlah ukurta, Dage baNa ‘ndesken keg’luhennta ale, Bas nembah muji g’larNa Sibadia |
KEE No. 235 : 1-2
Perpulungen Tedis
2. | Kawali dage aku gedang wari Meriah ‘tahsa gulut gia sekali Pesalanglah ukurku genduari ‘Lah banci kulakoken si mehuli. Reff. Wari enda wari ni Dibata ale, Sialoken janah m’riahlah ukurta, Dage baNa ‘ndesken keg’luhennta ale, Bas nembah muji g’larNa Sibadia |
KEE No. 235 : 1-2
VOTUM & SALAM
Aku si mperdiateken Rumah Pertoton enda, dingen Aku nggo ersikap megikenca kerina pertoton si itotoken i jenda.
(2 Kronika 7 : 15)
KEE 365 : 1-2
1. | Kudahi Kam Tuhan Dibatangku Kupenangkih totonku man baNdu Kukataken bujur ermengkah ukurku Ibas ngaloken perkuah ateNdu Reff. Nggo tangkas peratenNdu bas geluhku Bujur o Bapa nggo malem ateku |
KEE 365 : 1-2
2. | Ku puji Kam Tuhan Dibatangku Alu rende ku puji GelarNdu Riahna ukurku ibahanNdu Tuhan ‘bas ngaloken keleng ateNdu Tuhan Reff. Nggo tangkas peratenNdu bas geluhku Bujur o Bapa nggo malem ateku |
Perpulungen kundul
Berita kerna kiniulin dingen kekelengen dibata man manusia
Lit. | Turang ras senina, Dibata mereken diriNa jadi inganta nehken pertoton. IA setia jadi inganta ngampeken keguluten ukur. Iangka-Na sora pusuhta gia la siangka nangkeli perbeben geluh. IA si mulahi bangsaNa i bas kepiceten ras kebiaren nari, dingen iteguNa pusuh si kote kempak keriahen. |
Perp. | Kukatekan bujur man baNdu Tuhan. Kam kap inganku cicio, ingan pusuhku nuri-nuri, ingan tendingku pekesahkan |
1. | Kam kap Dibatangku Kam inganku cicio Tegu-tegu aku Begiken pertotonku Reff. Ernalem man baNdu Kam pengarapenku Kidekah geluhku Ku puji Kam Tuhan |
KEE 279 : 1,4
4. | Kupuji Kam Tuhan Rende aku man baNdu Sabab seh ulina PerbahenenNdu bangku Reff. Ernalem man baNdu Kam pengarapenku Kidekah geluhku Ku puji Kam Tuhan |
KEE 279 : 1,4
Kinata kegeluhen manusia i lebe-lebe dibata
Lit. | Pertoton, eme inganta nuriken isi pusuhta man Tuhan. Turikenlah kearun ateta ku adepen Tuhan alu pertotonta. |
Perp. | (Ertoto i bas pusuh sekalak-sekalak) |
Kinata kegeluhen manusia i lebe-lebe dibata
Lit. | Pertoton, eme inganta mpeseh sura-sura geluhta man Dibata. Emaka mari dage situriken sura-suranta i lebe-lebe Dibata arah perotonta. |
Perp. | (Ertoto i bas pusuh sekalak-sekalak) |
Kinata kegeluhen manusia i lebe-lebe dibata
Lit. | Pertoton, eme inganta nginget kerina kalak si ikelengi kita, rikut pe kerina jelma si jadi temanta mpekena-kena doni enda. Mari dage si turiken sura-suranta si mehuli kempak Dibata kerna temanta manusia |
Perp. | (Ertoto i bas pusuh sekalak-sekalak) |
KEE No. 176 : 1-3
Seh man baNdu Tuhanku.
Ajar aku lah ngaloken,
Si mehuli akapNdu.
Pertotonku bagi Yesus,
Sanga bas kinis’ranNa.
Labo peratenku Bapa,
PeratenNdu jadilah.
KEE No. 176 : 1-3
Ibas perbahanenNdu.
Bahan aku la nimbaki,
Ngaloken bas geluhku.
Rehlah dage Kam o, Bapa,
Tegu aku la pulah.
Labo peratenku Bapa,
PeratenNdu jadilah.
KEE No. 176 : 1-3
Iban kekelengenNdu.
Ibas susah sampatiNdu,
Kam kap penalemenku.
Kuakuken bagi Yesus,
Sanga bas kinis’ranNa.
Labo peratenku Bapa,
PeratenNdu jadilah.
Dibata ngaloken pertotonta
Perpulungen Tedis
Lit. | “Ertotolah kita man baNa sabab IA ndeher ras kita. ItimaiNa kita katawari pe, janah italangiNa pinggelNa guna megiken pemindonta, keleng ateNa man banta, icidahkenNa keleng ateNa dingen perpadanenNa man banta rasa lalap” (Matius 5 : 4-5) |
KEE 364 : 1-2
1. | Kukataken bujur baNdu Tuhan, Perban lias ras perkuah ateNdu Tupung aku i k’leweti kinis’ran, Iampang-ampangiNdu aku la ku bene O Bapa Kam ku lebuh, IaloiNdu aku Alu gegehNdu Tuhan IpegegehiNdu aku o Bapa |
KEE 364 : 1-2
2. | Kupersembahken geluhku man baNdu Sebab Kam kap ulu gegeh geluhku Lanai lit kebiaren di ras Tuhan, Kuasa ras kataNdu mb’re aku menang O Bapa Kam ku lebuh, IaloiNdu aku Alu gegehNdu Tuhan I pepalemNdu aku o Tuhanku |
(Perpulungen Kundul)
Ngoge Kata Dibata Perb. 6 : 5–7
(tunggal)
5. | Kerina perpulungen ngaloken kata enda. Emaka ipilihna Istepanus si dem kiniteken dingen Kesah Si Badia. Bage pe ipilihna Pilipus, Prokorus, Nikanor, Timon, Parmenas ras Nikolaus; ia kalak Antiokia si nggo eragama Jahudi. |
6. | Kalak enda me pituna ibabana ku lebe-lebe rasul. Jenari ertoto rasul-rasul e janah kenca bage ipasu-pasuna ia kerina alu namaken tanna ku babona sekalak-sekalak. |
7. | Kata Dibata reh mbarna janah ertambahna kalak si tek i Jerusalem. Bage pe nterem imam ngaloken Berita Si Mehuli e. |
Perb. 6 : 5 – 7
Lit. | : | Ketuahen kalak si megiken Kata Dibata, dingen simakekenca ibas geluhna si teptep wari, Haleluya. |
Perp. | : | (iendeken) Ha le lu ya, Ha le lu ya, Ha le lu ... ya. |
Tema :
“Tuhan Aloi Min Pertotonku”
1 Raja-raja 18 : 36 – 40
(Tunggal)
Pdt. Marina Br. Ginting, S.Th
36. | Kenca seh paksana erbahan persembahen si karaben, ideheri Nabi Elia batar-batar e, jenari ertoto ia, "O TUHAN, Dibata Abraham, Isak, ras Jakup; cidahkenlah genduari maka Kam kap Dibata Israel, janah aku kap suruh-SuruhenNdu. Pebetehkenlah maka kerina kubahan e arah PerentahNdu. |
1 Raja-raja 18 : 36 – 40
37. | Aloi aku, TUHAN, aloilah, gelah ieteh bangsa enda maka Kam TUHAN Dibata kap, maka Kam nge si mabai bangsa enda mulihken man BaNdu." |
38. | Emaka ipesusur TUHAN api; meseng ibahanna persembahen, ras ranting ndai, bage pe kerina batu ras taneh, janah lau si lit i bas parik ndai pe kerah. |
1 Raja-raja 18 : 36 – 40
39. | Asum idah kalak ndai kejadin e, langkem ia minter kerina i babo taneh, janah nina, "TUHAN kap Dibata; TUHAN ngenca Dibata si man sembahen!" |
1 Raja-raja 18 : 36 – 40
40. | Iperentahken Elia man kalak ndai nina, "Tangkap kerina nabi-nabi Baal, sekalak pe ula pulah!" Kenca itangkap kerina nabi-nabi e ibaba Elia ku Lau Kison, i je ibunuhna. |
1 Raja-raja 18 : 36 – 40
Tema :
“Tuhan Aloi Min Pertotonku”
1 Raja-raja 18 : 36 – 40
Pdt. Marina Br. Ginting, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “Kalak si ernalem man Tuhan, bali kap ras Deleng Sion, enteguh la mugur-ugur dingen la terpiser rasa lalap. Bali ras deleng-deleng sekelewet Jerusalem, bage pe pengkeleweti Tuhan bangsaNa genduari nari seh rasa lalap.” (Masmur 125:1-2) |
(Perpulungen Kundul)
1. | Malerlah pasu-pasuNdu Bagi ni padankenNdu Gegeh ras ukur si paguh Tetap iberekenNdu Reff: Pasu-pasuNdu Em ulu gegeh kami Enggo kap maler me tuhu Si ‘ndemi geluh kami |
KEE No. 451 : 1 –
2. | Malerlah pasu-pasu Ndu G’luh kami jadi mbaru Sorana bagi lau maler Mpeteneng ukur kami Reff: Pasu-pasuNdu Em ulu gegeh kami Enggo kap maler me tuhu Si ‘ndemi geluh kami |
KEE No. 451 : 1 –
3. | Malerlah pasu-pasu Ndu Mpetetap ukur kami Rende janah muji g’larndu Segedang-gedang geluh Reff: Pasu-pasuNdu Em ulu gegeh kami Enggo kap maler me tuhu Si ‘ndemi geluh kami |
KEE No. 451 : 1 –
4. | Malerlah pasu-pasuNdu Bagi ni padankenNdu Pusuh kami pe nggo sikap Demi salu liasNdu Reff: Pasu-pasuNdu Em ulu gegeh kami Enggo kap maler me tuhu Si ‘ndemi geluh kami |
KEE No. 451 : 1 –
Lit. | Dibata kap inganta ertoto, inganta nuriken isi pusuh ukurta. |
Perp. | Erpadan aku O Tuhan, ku Kam me kuturiken isi pusuhku, Kam me inganku erpengendes i bas kerina perbeben geluhku. |
Perpadanen Man Dibata
(Perpulungen Tedis)
Lit. | Kalak si setia man Dibata, itegu Dibata kap pusuhna i bas rukur ras ndahiken si mehuli. |
Perp. | Ateku tetap setia man Tuhan. Tuhan kap penggurunku i bas rukur ras ndalani kegeluhenku. |
Perpadanen Man Dibata
Lit. | Kalak si tutus ertoto, ikuhi Dibata alu gegeh ras kepentaren i bas ndalanken si mehuli man kerina jelma. |
Perp. | Ateku tetap nuriken sura-sura pusuhku man Tuhan, gelah ngasup aku jadi pasu-pasu man kerina jelma. |
Perpadanen Man Dibata
1. | KataNdu Tuhan seh kal ergana KataNdu Tuhan seh kal ulina Ergan asa emas ras permata Ulin asa erta doni enda Reff. Ajarilah Tuhan kami ngergakenca Ajarilah Tuhan kami ngertikenca Ajarilah Tuhan kami ngalokenca Ajarilah Tuhan kami ndalankenca |
KEE No. 432 : 1-3
2. | KataNdu Tuhan petetap ukur KataNdu Tuhan paguh la mugur Eme ngenca si la pernah luntur KataNdu e me ku pake rusur Reff. Ajarilah Tuhan kami ngergakenca Ajarilah Tuhan kami ngertikenca Ajarilah Tuhan kami ngalokenca Ajarilah Tuhan kami ndalankenca |
KEE No. 432 : 1-3
3. | KataNdu Tuhan ku gelem tetap Si nepa geluhku jadi sikap Nalsali pusuh si rontang gelap Eme si jadi gegehku tetap Reff. Ajarilah Tuhan kami ngergakenca Ajarilah Tuhan kami ngertikenca Ajarilah Tuhan kami ngalokenca Ajarilah Tuhan kami ndalankenca |
KEE No. 432 : 1-3
“Dibata si mada perkuah ate, si enggo nenahken kam ku kemulianNa si rasa lalap i bas Kristus, njadiken kam serta, tetap megegeh dingen paguh. IA nge si mada kuasa seh rasa lalap”. Amin Perp. : A....min, A.......min, A......min |
Paksa teneng
Selamat Wari Minggu