Is-Sitt Qari
Imxi lejn id-dija
tad-dawl tal-Mulej.
Qari mill-Ktieb tal-
Profeta Baruk
Bar 3, 9-15.32 – 4,4
Isma, Iżrael,
il-kmandamenti tal-ħajja, agħtu widen, tgħallmu
l-għerf!
Għala, Iżrael, għala tinsab f’art l-għedewwa tiegħek? Għala qiegħed tixjieħ f’art barranija?
Għala int imniġġes
mal-mejtin, magħdud fost dawk li jinżlu f’Qiegħ l-Art? Int twarrabt mill-għajn
tal-għerf.
Li kieku mxejt fit-triq ta’ Alla, kont tkun tgħix
fis-sliem għal dejjem! Tgħallem fejn hemm
l-għaqal,
fejn hemm il-qawwa, fejn hemm id-dehen,
biex f’ħin wieħed tagħraf fejn hemm it-tul
tal-għomor u t-tul tal-ħajja,
fejn hemm id-dawl
għall-għajnejn u s-sliem.
Imma min kixef fejn jinsab l-għerf? U min daħal
fl-imħażen tiegħu?
Imma Dak li jaf kollox jaf fejn hu l-għerf, għax sabu bid-dehen tiegħu.
Dak li ħejja l-art għal dejjem, li mlieha
bil-bhejjem li jimxu fl-art;
hu, li jibgħat id-dawl, u dan imur; isejjaħlu, u jisma’ minnu mriegħed; jiddu l-kwiekeb għassiesa f’posthom,
kollhom ferħana; hu jsejħilhom, u huma jwieġbu: “Hawn aħna;”
jiddu ferħana għal dak li għamilhom.
Dan hu Alla tagħna: ħadd ma joqgħod ħdejh! Hu sab it-triq kollha tal-għerf, u tah lil Ġakobb, il-qaddej tiegħu, u lil Iżrael, il-maħbub tiegħu.
Imbagħad dan l-għerf deher fid-dinja u għammar fost
il-bnedmin. Hu ktieb
il-kmandamenti ta’ Alla, hu l-Liġi li tibqa’ għal dejjem;
kull min iħarsu jgħix, dawk li jħalluh imutu.
Erġa’ lura, Ġakobb, u ilqa’ l-għerf,
imxi lejn id-dija ta’dawlu; titlaqx il-glorja tiegħek lil ħaddieħor, lanqas ġieħek lil ġens barrani.
Hienja aħna, Iżrael,
għax dak li jogħġob lil Alla kien mgħarraf lilna.
Il-Kelma tal-Mulej
R:/ Irroddu ħajr lil Alla
R:/ Mulej, inti għandek
il-kliem tal-ħajja
ta’ dejjem
Salm Responsorjali
Il-liġi tal-Mulej perfetta,
u tagħti l-ħajja;
ix-xhieda tal-Mulej hi sewwa,
u tgħallem lil min ma jafx.
R:/ Mulej, inti għandek
il-kliem tal-ħajja
ta’ dejjem
Il-preċetti tal-Mulej dritti,
u jferrħu l-qalb;
il-kmandament tal-Mulej safi,
u jdawwal l-għajnejn.
R:/ Mulej, inti għandek
il-kliem tal-ħajja
ta’ dejjem
Il-biża’ tal-Mulej sinċier,
u jibqa’ għal dejjem;
il-ġudizzji tal-Mulej sewwa,
u mseddqa għal kollox.
R:/ Mulej, inti għandek
il-kliem tal-ħajja
ta’ dejjem
Egħżeż mid-deheb,
mid-deheb l-aktar fin,
oħla mill-għasel u mill-qtar tax-xehda.
R:/ Mulej, inti għandek
il-kliem tal-ħajja
ta’ dejjem
Is-Sitt Qari
Imxi lejn id-dija
tad-dawl tal-Mulej.