1.

Dibata kap njagaisa gedang berngi,

Sangana aku medem nderbih nai,

Je medak aku bas erpagi-pagi,

GelarNdu kupebelin ras kupuji.

Reff. Wari enda wari ni Dibata ale,

Sialoken janah m’riahlah ukurta,

Dage baNa ‘ndesken keg’luhennta ale,

Bas nembah muji g’larNa Sibadia

2.

Kawali dage aku gedang wari

Meriah ‘tahsa gulut gia sekali

Pesalanglah ukurku genduari

‘Lah banci kulakoken si mehuli.

Reff. Wari enda wari ni Dibata ale,

Sialoken janah m’riahlah ukurta,

Dage baNa ‘ndesken keg’luhennta ale,

Bas nembah muji g’larNa Sibadia

1.

Reff :

Pujilah min Dibata

Puji gelarNa si badia

Ibas Kristus nggo siidah

Dibata jine si perkuah

Langit ras doni rendelah

Mungkuk erjimpuh nembahlah

Pasu-pasuNa kap mbelin

Keleng ateNa la erkerin

2.

Reff :

Pujilah min Dibata

Puji gelarNa si badia

Ibas Kristus nggo siidah

Dibata jine si perkuah

O, doni k’rina, suraklah

Tuhan Dibata pujilah

Rikut kulcapi ras gendang

Sampur meriah la teralang

Lit.

:

Perukurenndu bali min ras perukuren Kristus Jesus

Perp.

:

Aminna gia tetap lit i bas IA biak Dibata, erkuasa dingen ermulia IA bali ras Dibata, tapi si enda la ipertahankenNa.

Lit.

:

Arah ukurNa jine itadingkenNa kerina si lit i bas IA. Jadi seri IA ras manusia; nggeluh bagi sekalak juak-juak. Janah teridah bagi sekalak jelma

Perp.

:

Meteruk ukurNa, janah erkemalangen IA man Dibata seh matena pe; e me mate i kayu persilang.

Lit.

:

Erkiteken si e ipehaga Dibata kal IA. Ibereken Dibata man baNa kuasa si meganjangna kal.

Perp.

:

Gelah kerina si nggeluh i surga, i babo doni ras i teruh doni erjimpuh nembah man baNa. Janah ngakuken maka Jesus Kristus e tuhu-tuhu Tuhan, guna kemulian Dibata Bapa

1.

Pujilah Tuhan si Badia

Puji perbahanenNa si mbisa.

Embus suling, terompet

Cawir ban sorana

Puji Tuhan si Mada k’rina tinepa

2.

Suraklah o doni kerina

Rende muliakenlah gelarNa

Bujur perbahanenNa

La pedas merawa

Puji Tuhanta ibas lias ateNa

3.

O tendingku puji Dibata

Alu dem keriahen pujilah

Kerina si erkesah

Ia si madasa

Puji Tuhan si Mada k’rina tinepa

Lit.

:

Dibata enggo reh ku doni enda i bas rupa Kristus gelah tuhu-tuhu banci si tandai IA.

Perp.

:

Ngaku aku Tuhan, megati kal aku la ngergaken keleng ateNdu i bas Kam enggo reh ku doni enda, e maka penandaiku pe kerna Kam lenga bo tangkassa

Lit.

:

Jesus Kristus tuhu-tuhu ngergaken kita e maka nggit IA reh ku doni enda jadi seri ras kita manusia segelah kita ipeganjangNa.

Perp.

:

Ngaku aku Tuhan, megati kal aku la ngergaken kiniulinNdu guna peganjangken aku segelah aku pulah idur dosa nari. Alemilah dosangku o Tuhan

1.

O Bapa, salah lepakku ku ’teh nge.

Dosangku pe rusur kuinget

Man baNdu aku erdosa

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

2.

O Bapa, kubahan rusur si jahat

Patut nge aku i ukumNdu

Bujur nge keputusenNdu

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

3.

O Bapa, geluhku dem alu dosa

Ibas bertin nari pe aku

Enggo ikuasai dosa

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

Lit.

“Marilah maka si dungi cakapta enda. Kam enggo erkubang-kubang ibahan dosa, tapi kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas.”

1.

Anem dosangku mekelat megara

IsalihkenNdu me jadi mbentar

Kam kap erbanca geluh meherga

Kugejap tuhu kelengNdu simpar

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

3.

Sedekah aku nggeluh ibas terang

Ukur meriah pusuh pe salang

Baban si mberat jadi menahang

B’reNdu pengapul dame ras senang

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

1.

Dibata erpadan ngkelini bangsaNa

O Israel, bagenda nina TUHAN si nepa kam, "Ula kam mbiar, sabap la banci lang Kukelini kam. Kudilo kam alu GelarNdu; Aku kap si njadiken kam, janah kam sikerajangenKu.

2.

Adi ikeparindu lau si mbages, Aku ras kam; la kam gedap i bas kesusahen si mesangat. Adi ibentasindu api si gurlah, la meseng kam; la kam talu i bas percuban si mberat.

3.

Sabap Aku kap TUHAN Dibatandu, Dibata si Badia nu Israel, si Engkelinindu. Mesir Kubereken jadi tebusndu, Sudan ras Seba jadi gancihndu.

4.

Perban meherga kal Kuakap kam; medolat, janah keleng ateKu kam, emaka Kubereken kalak si deban jadi gancihndu, janah bangsa-bangsa si deban jadi gancih kesahndu.

5.

Dage ula kam mbiar, sabap Aku kap ras kam. I Timur i Barat nari, kam ras kesusurenndu Kupepulungi.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

2.

Jesus ipermuliaken

Enem wari kenca si ndai Jesus maba Petrus, Jakup ras Johanes ku datas sada deleng si meganjang. I lebe-lebe ajar-AjarNa salih rupa Jesus.

3.

UisNa mbentar erkilat-kilat. La lit sekalak pe i doni enda si ngasup nucisa seh bage mbentarna.

4.

Kenca bage idah ajar-ajar si telu kalak ndai nabi Elia ras Musa sangana ercakap-cakap ras Jesus.

5.

Nina Petrus man Jesus, "O Guru, senang kal i jenda. Ibahan kami saja i jenda telu sapo, sada man BaNdu, sada man Musa janah sada nari man Nabi Elia."

6.

Enda ikataken Petrus, sabap mbiar ia teluna, lanai ietehna kai si man katanken.

7.

Jenari reh embun, ilinggemina ia, lit pe sora i bas embun e nari nina, "Enda me AnakKu si Kukelengi, begikenlah Ia!"

8.

Minter ipernehen ajar-ajar sekelewetna tapi lanai ise pe idahna, seakatan Jesus ras ia teluna.

9.

Sanga kalak ndai nusur i datas deleng e nari, iperentahken Jesus ajar-AjarNa e nina, "Ola kataken man ise pe kai si nggo iidahndu, ope denga Anak Manusia si isuruh Dibata keke i bas si mate nari."

10.

Kai si ikataken Jesus ndai ibegiken ajar-ajar, tapi nungkun ia sapih-sapih ia nina, "Kai kin ertina keke i bas si mate nari?"

11.

Jenari isungkunna Jesus nina, "Ngkai maka ikataken guru-guru agama maka Elia arus leben reh?"

12.

Erjabap Jesus nina, "Tuhu nge nabi Elia leben reh guna nikapken kerinana. Tapi kuga kin si nggo tersurat kerna Anak Manusia si isuruh Dibata, ma Ia denggo ngenanami mbue kiniseran janah igombang-gombangi kalak?

Lit.

:

“Ngataken Bujur e me persembahen si pehagaken Aku janah si patuh ngikutken Aku tentu Kukelini.” (Masmur 50 : 23)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Dibata enggo mpetandaken diriNa alu serta arah kerehenNa ku doni enda i bas Jesus Kristus.

Perp.

Erpadan aku tetap setia ngikutken Jesus Kristus segelah tetap reh tangkasna penandaiku kerna IA.

Lit.

Kerehen Jesus Kristus ku doni enda segelah kita manusia banci ngidah alu serta keleng ateNa.

Perp.

Erpadan aku tetap malang kempak Tuhan Jesus segelah banci ngenanami keleng ateNa dingen ernanam pe kempak kalak si deban.

1.

Ingetlah min gelar Yesus

Susah ntah senang gia

Ia me kap penampatndu

Ku ja pe perlawesndu

Reff. Mehaga gelarna

Pengarapenta k’rina

Mehaga gelarNa

Ermulia gelarNa

2.

Pake tetap min pedahNa

E me kap senjatanta

Kune reh percuban nderpa

Tentu la kita mampa

Reff. Mehaga gelarna

Pengarapenta k’rina

Mehaga gelarNa

Ermulia gelarNa

3.

Bage me kelengNdu bangku

Kam ingeten pusuhku

E maka tetap ukurku

Pemuliaken gelarNdu

Reff. Mehaga gelarna

Pengarapenta k’rina

Mehaga gelarNa

Ermulia gelarNa

Dibata sumbul kemalemen ate e gelah sincukupi keperlunta guna ndalanken si sentudu ras peraten-Na. Janah Dibatalah erdahin i bas kita arah Jesus Kristus gelah kita ngelakoken kai si ngena ateNa, man Kristuslah kemulian seh rasa lalap. Amin.

​

​

Perp. : A....min, A.......min, A......min