1.

Rehlah Kam o Immanuel

Mulahi kami Israel

Si tertaban, labuh ras ndele

Nimai Anak Dibata e

Reff.

Ersuraklah, meriahlah

Reh me Tuhan Immanuel

2.

Tuhan ulu kepentaren,

Pehulilah tinepaNdu

Tuduhken dalin kebenaren

Tegu kami bas dalinNdu

Reff.

Ersuraklah, meriahlah

Reh me Tuhan Immanuel

3.

Rehlah Kam Anak Dibata

Pulahi kami kerina

Bas iketen kuasa dosa

Sinaban kami kerina

Reff.

Ersuraklah, meriahlah

Reh me Tuhan Immanuel

1.

Pujilah Tuhan si Badia

I rumahNa si dem kemulian

KuasaNa i doni ras surga

perbahanenNa si Mbisa

Reff: Kupuji Kam o Dibatangku

Ku puji Kam bas geluhku

Alu sora si megang

rende kupuji Tuhan

surak Haleluya

3.

Pujilah Tuhan Si Badia

Si teridah ibas kemulian

Arah kerina tinepaNa

Ncidahken mbelin kuasaNa

Reff: Kupuji Kam o Dibatangku

Ku puji Kam bas geluhku

Alu sora si megang

rende kupuji Tuhan

surak Haleluya

Lit.

:

Tuhan Dibata kap si mada kegeluhen subuk i doni bage pe i surga

Perp.

:

Terpujilah Kam Tuhan. Kam kap si mada kegeluhen.

Lit.

:

Dibata kap pengarapen, si jadi jaminen keselamaten man kerina manusia.

Perp.

:

Ipuji kami Kam Tuhan, erkiteken Kam enggo mereken keselamaten man kami.

Lit.

:

Padan Dibata tetap kap tahan seh rasa lalap.

Perp.

:

Ipuji kami Kam Tuhan, padanNdu maba ketenengen ku bas pusuh ras ukur kami.

1.

Pujilah Tuhan si Badia

Puji perbahanenNa si mbisa.

Embus suling, terompet

Cawir ban sorana

Puji Tuhan si Mada k’rina tinepa

3.

O tendingku puji Dibata

Alu dem keriahen pujilah

Kerina si erkesah

Ia si madasa

Puji Tuhan si Mada k’rina tinepa

Lit.

:

Mari dage bengket kita ku bas paksa teneng ngakuken man Tuhan kerna pengarapenta si megati kote nandangi kejuah-juahen dingen keselamaten si enggo isikapken Dibata.

Lit.

:

Dibata enggo erpadan reh ku doni enda guna ncidahken kemulianNa man kita manusia. kerehenNa e maba dame ras keselamaten man manusia. Kai ndia sibahan tanda ketutusen ateta i bas nimai kerehen Jesus peduakaliken?

Perp.

​

…

Perp.

:

O Tuhan, ngaku kami, megati denga kote kiniteken ras pengarapen kami. Buen denga kebiaren doni ngaturken perukuren kami, asangken padanNdu si jadi pengarapen kami. O Tuhan, pegegehilah kami.

1.

AlemiNdu aku bas dosangku

AlemiNdu aku bas lepakku

O Tuhan sasap min

O Jesus sasap min

Alemi dosangku

2.

Si la payo dem ibas geluhku

Ngaku aku baNdu o Jesusku

O Tuhan sasap min

O Jesus sasap min

Alemi dosangku

Lit.

“Dage, tutus dingen saberlah kam nimai kerehen Tuhan. Nehenlah sekalak perjuma kuga ia tutus dingen saber nimai seh jumana mereken ulih si erguna. Saber ia nimai udan si reh nandangi merdang ras udan si reh kenca rumpah page. Tetap min kam erpengarapen, sabab wari kerehen Tuhan seh me.”

1.

Ketuahen me, riah ukur me

Ketubuhen ni Jesus e

Sangap me jelma

Reh me Tuhanta

Mari surak, aleplah, Haleluya

2.

Ketuahen me, riah ukur me

Ketubuhen ni Jesus e

Malem me ateta,

‘rdame ras Dibata

Mari surak, aleplah, Haleluya

3.

Ketuahen me, riah ukur me

Ketubuhen ni Jesus e

Jesus Penawarta,

tubuh man gunanta

Mari surak, aleplah, Haleluya

20.

Padan Dibata man Daud

Nuria nari i bas sada pengenehenen, ngerana Kam man suruh-SuruhenNdu si patuh NiNdu, "Nggo Kusampati kalak si mbisa, nggo Kubereken mahkota man kalak si Kupilih i bas bangsa e nari.

21.

Nggo Kujumpai Daud suruh-suruhenku, Kutangkuhken ia alu minak si badia.

22.

Kuasangku si engkawali ia lalap, gegehKu si pegegehi ia.

23.

La ngasup musuh ngimbangi ia, kalak jahat la ngasup naluken ia.

24.

Aku si ngkernepken kerina imbang-imbangna, Kubunuh ise saja si ernembeh ate man bana.

25.

Aku setia dingen tetap ngkelengi ia, jenari erkiteken gelarku Kubereken kemenangen man bana.

26.

Aku si pebelangken kerajanna, daerahna menaken i Lawit Tengah nari seh ku Lau Eprat.

27.

Nina kempak aku, ‘Kam kap Bapangku dingen Dibatangku, Kam kap si kawal dingen si engkelini aku.’

28.

Ia Kujadiken anakku sintua, i bas kerina raja-raja ia si muliana.

29.

Keleng ateKu man bana Kucidahken rasa lalap, dingen perpadanKu man bana tetap rasa lalap.

30.

Kerajanna tetap kidekah langit lit denga kesusurenna lalap jadi raja.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Maranatha.

Perp.

:

(iendeken)

Ma ra na tha, Ma ra na tha, Ma ra na … tha.

46.

Ende-enden pujin Maria

Nina Maria, "Tendingku muji Tuhan.

47.

Meriah ukurku perbahan Dibata Penebusku.

48.

Sabap nggo IngetNa aku, KawanNa si meteruk! Genduari nari kerina kalak ngataken maka aku daten tuah.

49.

Sabap Dibata si Mada Kuasa ncidahken PerbahanenNa man bangku. Badia me GelarNa.

50.

IcidahkenNa perkuah AteNa man kalak si erkemalangen man BaNa.

51.

IcidahkenNa KuasaNa alu perbahanen TanNa, janah IambatiNa gelah ola seh sura-sura kalak si meganjang ukurna.

52.

IpeterukNa raja-raja si erkuasa, janah IpeganjangkenNa kalak si meteruk.

53.

Kalak si melihe IbesuriNa alu kerina si mehuli, janah kalak bayak IsuruhNa lawes ngambe-ngambe.

54.

IngetNa padan si nggo IbahanNa ras nini-nininta, janah reh Ia nampati kalak Israel KawanNa.

55.

La Ia lupa ncidahken perkuah AteNa man Abraham, bage pe man kerina kesusurenna seh rasa lalap."

56.

Kira-kira telu bulan dekahna Maria ringan i rumah Elisabet; emaka mulih ia ku rumahna.

Lit.

:

“O senina-seninangku, nginget perkuah ate Dibata si mbelin si isehkenNa man banta, kupindo man bandu: endeskenlah kulandu man Dibata saja selaku persembahen si nggeluh rikutken si ngena ateNa. Sabab bage arusna kam ersembah man Dibata sue ras biakndu selaku mahluk si rukur.” (Roma 12 : 1)

1.

Babalah persembahen si merimna

Ku adep-adepen Dibatanta

Sehkenlah puji-pujin si mehaga,

Man Tuhan Dibata si Badia

S’bab IA simada kerina,

Si lit bas geluh enda.

Kataken bujur arah g’luhta

Terpuji gelar Tuhan

2.

Ajari kami make pemereNdu,

Guna mpehaga Kam o Tuhanku

Jadi epe pebelangken kataNdu,

I bas kegeluhen doni enda.

‘Lah gegeh ras pengertin kami,

Seh jadi pasu-pasu.

Man krina kegeluhen enda,

Terpuji gelar Tuhan

3.

Kami nehken persembahen o Tuhan,

Mpehaga Kam si mada kerina

Enda me gancih kami Tuhan,

Jadi alatNdu bas doni enda.

Bagepe kegeluhen kami,

I bas pertibi enda.

Jadi persembahen si nggeluh,

Terpuji gelar Tuhan

Lit.

Dibata kap pengarapen si enteguh. IA enggo erpadan njagai dingen mabai kita ku bas kegeluhen si tuhu-tuhu. Reh me IA pagin, maba kemalemen ate, rikutken padan si enggo ibelaskenNa.

Perp.

Erpadan aku Tuhan, kujaga me kinitekenku i bas erpengarapen man baNdu

Lit.

Reh me Dibata peduakaliken, maba kegeluhenta kubas kedamen si rasa lalap.

Perp.

Erpadan aku Tuhan, tetap njaga diringku i bas kedamen si ijujurkenNdu, kumuliaken me Kam, nimai Kam reh engkelini kerina tinepaNdu.

1.

Enggo tetap ukurku

ngikutken Dibatangku

Kugelem me PedahNdu

bas ndalani geluhku

Reff. Kupuji Kam Dibatangku

kelengNdu mbelin me tuhu

Kupuji Kam o Tuhanku

segedang-gedang geluhku

2.

Keke me kap tendingku

Muji lias Dibata

Suari entah berngi pe

La leka aku ikep-kepNa

Reff. Kupuji Kam Dibatangku

kelengNdu mbelin me tuhu

Kupuji Kam o Tuhanku

segedang-gedang geluhku

3.

Lanai mbiar tendingku

Sebab Tuhan temanku

Bujur ningku man baNdu

Segedang-gedang geluhku

Reff. Kupuji Kam Dibatangku

kelengNdu mbelin me tuhu

Kupuji Kam o Tuhanku

segedang-gedang geluhku

Ipasu-pasu janah ikawali Dibata kam; siang ayo Dibata ersinalsal ibabondu janah melias ateNa ngenehen kam. Itatap Dibata ku kam, janah malem atendu ibahanNa. Amin.

​

Perp. : A....min, A.......min, A......min