Qari mill-Ittra ta’
San Pawl Appostlu
lill-Efesin
Efes 3, 14-21
Ħuti, jiena ninżel għarkubbtejja quddiem
il-Missier li minnu tieħu isimha kull familja fis-sema u fl-art,
biex skont l-għana tal-glorja tiegħu, jagħtikom li
bil-qawwa tiegħu permezz tal-Ispirtu tiegħu, tissaħħu fil-bniedem ta’ ġewwa,
u li Kristu jgħammar f’qalbkom permezz tal-fidi, biex tniżżlu l-għeruq tagħkom fl-imħabba u fuqha tibnu ħajjitkom.
B’hekk tkunu tistgħu tifhmu, flimkien mal-qaddisin kollha, x’inhu l-wisa’ u t-tul, l-għoli u l-fond tal-imħabba ta’ Kristu;
tagħrfu kemm din
l-imħabba ta’ Kristu tisboq kull għerf, biex timtlew
bil-milja kollha ta’ Alla.
Lil dak Alla li, bis-setgħa tiegħu li taħdem fina, għandu l-qawwa li jagħmel kollox bil-wisq iżjed milli aħna nistgħu nitolbu jew naħsbu,
lilu l-glorja fil-Knisja u permezz ta’ Kristu Ġesù, għal kemm itulu
ż-żminijiet, għal dejjem
ta’ dejjem. Ammen.
Il-Kelma tal-Mulej
R:/ Irroddu ħajr lil Alla
R:/ Bit-tieba tal-Mulej mimlija l-art
Salm Responsorjali
Għannu, ġusti, �bil-ferħ lill-Mulej;
jixirqilhom ifaħħruh
in-nies sewwa.
Faħħru l-Mulej �bid-daqq taċ-ċetra;
għannulu fuq l-arpa �b’għaxar kordi.
R:/ Bit-tieba tal-Mulej mimlija l-art
Għax sewwa hi l-kelma
tal-Mulej,
kollox bil-fedeltà huwa għamel.
Hu jħobb id-dritt u
s-sewwa;
bit-tjieba tal-Mulej mimlija l-art.
R:/ Bit-tieba tal-Mulej mimlija l-art
Il-fehma tal-Mulej tibqa’ għal dejjem,
minn żmien għal żmien
il-ħsibijiet ta’ moħħu.
Hieni l-ġens li l-Mulej hu Alla tiegħu,
il-poplu li hu għażel
b’wirtu.
R:/ Bit-tieba tal-Mulej mimlija l-art
Ara, għajnejn il-Mulej fuq dawk li jibżgħu minnu,
fuq dawk li jittamaw
fit-tjieba tiegħu,
Biex jeħilsilhom
mill-mewt ħajjithom,
u jaħjihom fi żmien
il-ġuħ.
R:/ Bit-tieba tal-Mulej mimlija l-art
Hallelujah, Hallelujah
Jiena ngħodd kollox bħala telf u knis,
biex nirbaħ lil Kristu,
u nkun ninsab fih.
Hallelujah, Hallelujah
Qari mill-Evanġelju skont
San Luqa
Lq 12, 49-53
R:/ Glorja lilek Mulej
F’dak iż-żmien, Ġesù qal
lid-dixxipli tiegħu:
“Nar ġejt inqiegħed fuq
l-art, u kemm nixtieq
li diġà qabad!
Iżda hemm magħmudija
li biha għandi nitgħammed, u x’diqa għandi sa ma dan iseħħ!
Taħsbu intom li jien ġejt inġib il-paċi fid-dinja?
Le, ngħidilkom, imma
l-firda; għax mil-lum
’il quddiem ħamsa minn nies f’dar waħda jkunu mifruda bejniethom,
tlieta kontra tnejn u tnejn kontra tlieta; jinfirdu
l-missier kontra l-iben u
l-iben kontra l-missier,
l-omm kontra l-bint u
l-bint kontra l-omm, omm ir-raġel kontra mart binha u mart l-iben kontra omm żewġha.”
Il-Kelma tal-Mulej
R:/ Tifħir lilek Kristu