1.

Kudahi rumah persembahen

Se gelah aku jumpa Tuhan

Ban Ia sumbul keriahen

Nggo b’reNa bangku kesangapen

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

3.

Begikenlah kata Dibata

Em kap si nerangi geluhta

Jadikenlah wari-warinta

Penembahennta e man baNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

4.

Mehuli me akap Dibata

Si mesikel pulung i jenda

Tetap metedeh lah ateta

Pulung meriah bas rumahNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

1.

Keleng ateNdu tangkas bangku

Si ku pujiken lalap min

Kam Tuhan Yesus me Rajangku

Si erkeleng man bangku kin

Madin keleng ateNdu ku inget

Asang k’rajang ku me tersinget

4.

GelarNdu e tersurat kapen

Tuhan ibas ateku me

Lah aku sanga kegelapen

‘Ntah keriahen kai kai pe

‘Ntah rukur, ‘ntah ngerana gia

Tetaplah e la sia-sia

Lit.

Dibata kap ulu kegeluhen. IA me nande si mpebelin-belin dingen njagai anak-anakNa gelah nggeluh reh dewasana i bas ndalani kegeluhen

Perp.

Ngaku aku o Tuhan, megati aku nirangken Kam, si njagai aku i bas kinilangasupenku ngantusi perdalanen doni.

Lit.

Dibata kap ulu kegeluhen. IA me Bapa si negu-negu dingen ngajari anak-anakNa i bas ndalani kegeluhen.

Perp.

Ngaku aku o Tuhan, megati aku nirangken Kam, si negu-negu dingen ngajari anak-anakNa i bas ndalani kegeluhen.

L+P

O Tuhan, ola kal pelepasNdu kami lalar, i bas kinilangasupen ras kekoten kami.

1.

Kam kap Dibatangku

Kam inganku cicio

Tegu-tegu aku

Begiken pertotonku

Reff. Ernalem man baNdu

Kam pengarapenku

Kidekah geluhku

Ku puji Kam Tuhan

3.

Entah kai si jadi

Tetapkenlah ukurta

Ras pe megenggenglah

Ndalani kiniseran

Reff. Ernalem man baNdu

Kam pengarapenku

Kidekah geluhku

Ku puji Kam Tuhan

Lit.

“Ola mbiar anakKu, Aminna pe kam kitik dingen la ergegeh bagi gaya, sabab Aku kap si nampati kam : Aku, Dibata nu Israel, Aku si ngkelini kam” (Jesaya 41 : 14)

Perp.

Bujur Tuhan, i bas pergegeh si iberekenNdu. Amin.

1.

Anem dosangku mekelat megara

IsalihkenNdu me jadi mbentar

Kam kap erbanca geluh meherga

Kugejap tuhu kelengNdu simpar

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

2.

Ukur pinter ras bujur nge pindoNdu

Pusuh si getem ngena ateNdu

Demi pusuhku salu liasNdu

Gelah ku pembarken min kataNdu

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

14.

Nggeluh alu kiniteken

Enda me sabapna maka la kami erleja-leja dingen la lesek ate kami. Aminna pe kula kami enda reh burukna reh dekahna, tapi ukur kami tep-tep wari ipelimbarui.

17.

Janah kiniseran si genduari e menahang nge dingen labo ndekah, janah ulihna eme kemulian si rasa lalap si la terturiken beratna ertimbangken kiniseran si menahang e.

18.

Sabap kami labo natap kempak si teridah, tapi kempak si la teridah. Sabap si teridah kentisik nge ngenca; tapi kai si la teridah tetap seh rasa lalap.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

Dil.

²²Dage genduari pesehlah katangKu enda, Aku TUHAN si Erdolat, kempak kalak Israel: Kai si nandangi Kulakoken labo erkiteken kam kalak Israel, tapi guna gelarKu si Badia, si nggo ibahanndu meling i bas tep-tep negeri si idahindu.

Dib.

²³...

Dil.

²²...

Dib.

²³Kenca Kucidahken kebadian gelarKu si mbelin, gelar si nggo icemarkenndu i tengah bangsa-bangsa, kenca bage ieteh bangsa-bangsa emaka Aku kap TUHAN, si Erdolat nggo melasken rananKu. Kupake me kam lako encidahken man bangsa-bangsa maka badia kap Aku.

Dil.

²⁴Kubuat kam i bas kerina bangsa ras negeri nari, Kubaba mulih ku tanehndu jine.

Dib.

²⁵Kupirpirken man bandu lau meciho janah Kubersihken kam i bas berhala-berhala ras kerina perkara-perkara si debanna si nggo ngeliami kam.

Dil.

²⁶Kubereken man bandu pusuh si mbaru ras perukuren si mbaru. Kuagui pusuhndu si mekeng bagi batu, jenari Kubereken man bandu pusuh si nggit patuh.

Dib.

²⁷...

Dil.

²⁶...

Dib.

²⁷KesahKu Kutamaken i bas pusuhndu, janah tetap Kuperdiateken maka ikutkenndu undang-undangKu, janah patuh man perentah si Kubereken man bandu.

Lit.

:

“Sabab bage me arusna kam ersembah man Dibata sue ras biakndu selaku mahluk si rukur.” (Roma 12:1b)

1.

Babalah persembahen si merimna

Ku adep-adepen Dibatanta

Sehkenlah puji-pujin si mehaga,

Man Tuhan Dibata si Badia

S’bab IA simada kerina,

Si lit bas geluh enda.

Kataken bujur arah g’luhta

Terpuji gelar Tuhan

2.

Ajari kami make pemereNdu,

Guna mpehaga Kam o Tuhanku

Jadi epe pebelangken kataNdu,

I bas kegeluhen doni enda.

‘Lah gegeh ras pengertin kami,

Seh jadi pasu-pasu.

Man krina kegeluhen enda,

Terpuji gelar Tuhan

3.

Kami nehken persembahen o Tuhan,

Mpehaga Kam si mada kerina

Enda me gancih kami Tuhan,

Jadi alatNdu bas doni enda.

Bagepe kegeluhen kami,

I bas pertibi enda.

Jadi persembahen si nggeluh,

Terpuji gelar Tuhan

Lit.

Bagi keleng ate Bapa man anak-anakNa, bage kal me pengkelengi Dibata man kalak si erkemalangen man baNa

Perp.

Bujur Tuhan, ateku tetap nggeluh i bas keleng ateNdu

Lit.

Sabab ietehNa i bas kai nari kita itepaNa. IingetNa me maka abu kap kita.

Perp.

Ateku tetap erkemalangen man baNdu

Lit.

Kalak si erkemalangen man Tuhan tetap ikelengiNa. KiniulinNa tetap seh rasa lalap.

P+L

Amin

1.

Bagi keleng ate orang tua

Nandangi kita anak-anakna

Bage me keleng ate Tuhanta

Nangdangi kita buah ateNa

Malem tuhu ban keleng ateNa

3.

Bagi terang matawari bage

Nerangi doni lanai gelap pe

Bage me pasu-pasu Tuhanta

Nangdangi kita buah ateNa

Malem tuhu ban pasu-pasuNa

​

“Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam, itatap Dibata ku kam, janah malem atendu ibahanNa”. Amin

​

Perp. : A....min, A.......min, A......min

​