Lit.

:

Aku me Dibata si milih nini-ninindu Abraham, Ishak ras Jakup si Kupilih guna pasu-pasu bandu, Kupasu-pasu kam kerina jadi bangsa si mbelin, janah Kujadiken kam jadi pasu-pasu man kerina jelma si lit i doni enda.

Perp.

:

Terpujilah gelarNdu o Tuhan, mulialah gelarNdu.

Lit.

:

Aku me Dibata si ngkawali bangsaKu i padang gurun, si mereken kerina keperlunna, Kutaruhken ia mbentasi kematen janah bengket kubas taneh si enggo Kupadanken man bana. Aku pen ngkawali kegeluhenndu, sabab kam me bangsaKu si Kupilih, si erkiniteken man baNgku, man bandu me pasu-pasuNgku Kupesusur.

Perp.

:

....

Perp.

:

Terpujilah gelarNdu o Tuhan, mulialah gelarNdu.

Lit.

:

Aku me Dibata si Masu-masu geluhndu, Kujadiken kam bangsa si ngena ateKu, Kubereken bandu kiniulin-kiniulin geluh man bandu, Kukawali kam alu mereken biak-biak si mehuli man bandu guna nampati kam.

Perp.

:

Terpujilah gelarNdu o Tuhan, mulialah gelarNdu.

1.

Muliakenlah o tendingku,

Muliaken Tuhan Dibata o tendingku

Muliakenlah, muliakenlah,

Muliaken Tuhan o tendiku

Muliakenlah o tendingku,

Muliaken Tuhan Dibata o tendingku

Muliakenlah, muliakenlah,

Muliaken Tuhan o tendiku

​

Lit.

:

Dibata enggo milih kita jadi bangsa si mbelin, dingen masu-masu kita gelah jadi pasu-pasu man kerina jelma. Si gejab nge ndia kita bangsa pilihan Dibata? Sipakeken ndia pasu-pasu Dibata e jadi asamta jadi pasu-pasu nandangi doni enda?

Lit.

:

Adi enggo si gargari pusuhta sekalak-sekalak, akuken dage dosanta iadep-adepen Dibata.

Perp.

:

Ngaku kami O Tuhan kerna kerina kelepaken kami, sampatilah kami o Tuhan, alemi min dosa kami.

1.

AlemiNdu aku bas dosangku

AlemiNdu aku bas lepakku

O Tuhan sasap min

O Yesus sasap min

Alemi dosangku

2.

Si la payo dem ibas geluhku

Ngaku aku baNdu o Yesusku

O Tuhan sasap min

O Yesus sasap min

Alemi dosangku

3.

Ku janari ‘ku baba geluhku

dengkehkenNdu min pingko-pingkoku

O Tuhan sasap min

O Yesus sasap min

Alemi dosangku

Lit.

“Aku me Dibatandu si perkeleng, si tetap ncikep perpadanenKu man bandu janah malem ateku ceda atendu kerna dosa-dosandu, begikenlah katangKu: tadingkenlah kerina perbahanenndu si jahat, Kusasapken dosandu janah Aku tetap mereken perpadanenKu man bandu janah Kukelini kam alu biak-biak si mehuli si Kubereken man bandu.”

1.

Geluhku bas dosa nggo ialemi

Malem me ateku ban ipepalemNdu

Reff. Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

3.

‘di malang man baNdu, ngena ateNdu

‘di ernalem baNdu, tetap ik’lengiNdu

Reff. Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

24.

Alu kata si deban Undang-undang e desken sekalak pengawas si tugasna naruhken kita kempak gurunta, eme kap Kristus, gelah kita iperembakken ras Dibata erdandanken kinitekenta.

25.

Genduari erdandanken nggo seh kita i bas kiniteken e, Undang-undang e lanai erkuasa man banta.

26.

Arah kiniteken me maka kam kerina jadi anak-anak Dibata i bas persadanndu ras Kristus Jesus.

27.

Kam nggo ipersada ras Kristus arah lakon peridin, emaka nggo lit i bas kam biak-biak Kristus e.

28.

Dage lanai bo erndobah kalak Jahudi tah kalak Junani, budak tah kalak bebas, dilaki ras diberu. Sabap kerina nge kam sada i bas Kristus Jesus.

29.

Adi kam sikerajangen Kristus, kesusuren Abraham me kam, janah ialokenndu me kai si nggo ipadanken Dibata.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu… ya.

1.

Katakenlah bujur man TUHAN, momokenlah KemulianNa. Turikenlah PerbahanenNa, ku kerina bangsa-bangsa.

2.

Rendelah muji TUHAN, turikenlah PerbahanenNa si mejin.

3.

Meriahlah ateta sabap Ia kap si mada kita, asa kalak si nembah Ia meriahlah ukurna.

4.

Dahilah TUHAN mindo penampat, sembahlah Ia rasa lalap.

5-

6.

Kam, kesusuren Abraham, suruh-suruhen Dibata, dingen kesusuren Jakup si IpilihNa ingetlah kerina tanda kuasa si IbahanNa, dingen putusen-putusen si nggo IberekenNa.

Lit.

:

“Tapi mbelin kal kekelengen Tuhan man nini-ninindu, emaka ipilihNa kam i bas kerina bangsa-bangsa nari; janah seh asa genduari pe kam tetap denga bangsa pilihenNa.”

(Ul. 10 : 15)

Lit.

Dibata nggo milih dingen masu-masu kam. Nggit nge kam njagai dingen makeken dirindu jadi pasu-pasu nandangi doni enda?

Perp.

Erpadan aku Tuhan, aku tetap makeken geluhku, maba pasu-pasuNdu nandangi doni enda.

Lit.

Dibata ngkuhi kam alu biak-biak si...

Nggit nge kam makeken kepentaren Dibata e ibas kerina kecibalndu.

Perp.

Erpadan aku Tuhan, ateku tetap makeken kepentarenNdu, ibas aku encibalken diringku, subuk ibas keluarga, ibas pendahin ras sekelewetku

1.

Si b’ritaken b’rita si meriah

Ulanai pedekah-dekah

Ku sebelang-belang doni enda

Seh ku kerina bangsa-bangsa

Yesus kap simada persuruhen

Mari dage siberitaken

Reff. Siberitakenlah kata ni Dibata

Kesah si Badia kap si peturahsa

Cidahken arah kata ras perbahanen

Jadi kesaksin man jelma si enterem

3.

Ersinalsal gelah terang Tuhan

Ibas kita perpulungenNa

Si persingeti k’rina temanta

Maka turah nuhit ukurna

Sipeteguhilah kiniteken

Seh kerehen wari Tuhannta

Reff. Siberitakenlah kata ni Dibata

Kesah si Badia kap si peturahsa

Cidahken arah kata ras perbahanen

Jadi kesaksin man jelma si enterem

I pasu-pasu janah ikawali Dibata kam, siang ayo Dibata ersinalsal ibabondu janah melias ateNa ngenehen kam, i tatap Dibata ku kam janah malem atendu ibahanNa. Amin.

​

Perp. : A....min, A.......min, A......min