Aida Tarrío e as irmáns xemelgas Olaia e Sabela Maneiro son tres mulleres cantareiras galegas que forman o trío Tanxungueiras.
As irmáns Olaia e Sabela naceron o 1 de xuño de 1990 en Santiago de Compostela.
Sendo moi pequenas a súa familia trasladouse a Teo onde foron a escola e aprenderon a tocar a pandeireta.
Iniciáronse na música tradicional galega ós catro anos na Asociación cultural A Mámoa de Luou.
Aida Tarrío naceu en 1997 en Ribeira na provincia da Coruña onde comezou a tocar a pandeireta con 10 anos de idade.
No ano 2014 Aida foi estudar a Santiago e ingresou na Asociación onde tocaban Sabela e Olaia.
Ó empezar a tocar xuntas nas foliadas da zona decidiron formar un grupo.
Por se non o sabedes unha foliada tamén chamada serán, ruada, fiadeiro ou baile é unha festa popular na que están presentes o baile e a música tradicional galega.
Unha curiosidade! No ano 2022 o concello de Teo acordou homenaxear ó grupo dándolle o seu nome á área recreativa de Luou que se chamará “Parque das Tanxugueiras”.
O seu primeiro concerto foi na Esmorga Folk de Bandeira na provincia de Pontevedra no ano 2016.
A comezos de 2017 fixéronse “virais” nas redes sociais cun vídeo no que aparecían cantando “As panadeiras” e facendo percusión coas mans.
Na primavera de 2018 editaron o seu primeiro álbum co mesmo nome do grupo: Tanxugueiras.
Este álbum gañou o premio MIN de música independente de disco en galego.
Tamén gañaron o premio Martín Códax da Música na categoría de música tradicional galega e folk en 2019.
Este mesmo ano editaron o seu segundo álbum chamado Contrapunto.
Entre os anos 2020 e 2021 reciben un feixe de premios e recoñecementos.
Van evolucionando cara a fusión entre música tradicional e sons do trap e da música electrónica.
En 2022 participan no Benidorm Fest que é un festival no que se escolle ao representante de España en Eurovisión.
Presentaron o tema Terra, canción baseada no ritmo tradicional dunha muiñeira.
Foron as máis votadas polo público pero non gañaron…
O IMPORTANTE É PARTICIPAR!!
Ese ano publicaron o seu terceiro álbum chamado Diluvio.
Outra curiosidade para rematar: sabedes de onde ven o nome do grupo?
Ven do nome dado ás leiras onde hai teixugos ou tanxugos e de aí tanxugueiras.
NON HAI FRONTEIRAS!!!