Għeluq il-Ktieb
tal-Profeta Mikea
Mik 7, 14-15.18-20
Irgħa l-poplu tiegħek taħt
ix-xettru tiegħek, il-merħla, il-wirt tiegħek, maqtugħa għalija ġol-foresta, fil-qalba ta’ ġnejna sabiħa.
Jalla tirgħa f’Basan u
f’Gilgħad, bħal fiż-żmien
ta’ dari!
Urina għeġubijietek, bħal meta ħriġt mill-Eġittu.
Min hu Alla bħalek li jneħħi l-ħażen, u jaħfer
id-dnub lil fdal wirtu? Hu ma żammx il-korla tiegħu għal dejjem,
għax lilu jogħġbu juri ħniena. U hu jerga’ jħenn għalina, jixħet ħżunitna taħt saqajh, jarmi ħtijietna kollha f’qiegħ il-baħar.
Ġib ruħek ma’ Ġakobb
bil-fedeltà, bil-ħniena ma’ Abraham, bħalma ħlift lil missirijietna żmien
il-qedem.
Il-Kelma tal-Mulej
R:/ Irroddu ħajr lil Alla
R:/ Uri lilna, Mulej,
it-tieba tiegħek
Salm Responsorjali
Urejt imħabbtek, Mulej, �lejn artek; reġġejt ’il �Ġakobb lura mill-jasar.
Neħħejt il-ħtija �tal-poplu tiegħek;
ħfirtilhom dnubiethom kollha.
Reġġajt lura l-qilla tiegħek;
taffejt is-saħna tal-korla tiegħek.
R./ Uri lilna, Mulej,
it-tieba tiegħek
Reġġagħna għal li konna, Alla tas-salvazzjoni tagħna, warrab minn fuqna
l-qilla tiegħek.
Se tibqa’ għal dejjem tinkorla għalina?
Se tibqa’ għal dejjem tagħdab kontrina?
R./ Uri lilna, Mulej,
it-tieba tiegħek
Mhux int li terġa’ tagħtina
l-ħajja,
biex jifrah bik il-poplu tiegħek?
Uri lilna, Mulej, it-tieba tiegħek,
u s-salvazzjoni tiegħek agħtina.
R./ Uri lilna, Mulej,
it-tieba tiegħek
Hallelujah, Hallelujah
Jekk xi ħadd iħobbni, �iħares kelmti, jgħid il-Mulej,
u Missieri jħobbu, u aħna niġu għandu.
Hallelujah, Hallelujah
Qari mill-Evanġelju skont
San Mattew
Mt 12, 46-50
R:/ Glorja lilek Mulej
F’dak iż-żmien, kif Ġesù kien għadu qiegħed
ikellem lin-nies, ġew ommu u ħutu, waqfu barra u fittxew li jkellmuh.
Xi ħadd qallu:
“Ara, ommok u ħutek
qegħdin barra jfittxu
li jkellmuk.”
Izda hu wieġeb lil dak li
kellmu, u qallu:
“Min hi ommi?
U min huma ħuti?”
Imbagħad medd idu lejn
id-dixxipli tiegħu u qal:
“Dawn, araw, huma ommi u ħuti. Għax kull min jagħmel ir-rieda ta’ Missieri li hu smewwiet, dak huwa ħija, o oħti, u ommi.”
Il-Kelma tal-Mulej
R:/ Tifħir lilek Kristu