Академиялық адалдық саясаты

Академиялық адалдықтың қағидаттары

​

1) академиялық жұмыста адалдық пен өзара сыйластықты қалыптастыратын негізгі институционалдық құндылық ретінде академиялық адалдықты қамтамасыз ету;

​

2) жоғары әдеп құндылықтарын қалыптастыруға бағытталған академиялық адалдықтың әділетті және объективті қағидаларын бекіту;

​

3) басқа білім беру ұйымдарының верификацияланатын транскриптері негізінде білім алушының кредиттерін қайта есептеудің нақты тетігін және рәсімін анықтау жолымен білім алушының жүйелі және үздіксіз оқу траекториясын қамтамасыз ету;

4) академиялық мәдениетті қалыптастыруға ықпал ететін оқытушы ретінде білім алушыға құрмет көрсету;

​

5) академиялық адалдықты ілгерілету және қорғау үшін білім беру процесінің қатысушыларын көтермелеу және ынталандыру;

​

​

6) оқытушының пәннің нақты саясатын, білім алушыдан күтілетін талаптарды анықтауы;

7) оқытушының білім алушылардың оқу жетістіктерін бағалаудың нақты параметрлері саясатын анықтауы;

​

8) Қазақстан Республикасының заңнамасына сәйкес Академиялық адалдық қағидаттарын бұзғаны үшін шаралар қабылдау;

​

9) білім алушыларға білім беру, әлеуметтік және психологиялық қолдау көрсететін және академиялық ұждансыздыққа жолбермейтін академиялық ортаны жасау.

Академиялық адалдықты бұзу түрлері

​

Плагиат - басқа дерек көздерінен алынған материалды авторлық құптаусыз немесе дереккөздерді көрсетпей жартылай немесе толық иемдену

Плагиат әр түрлі формада көрінуі мүмкін;

​

-дәйексөзде сәйкес пунктуацияларды (тырнақшалар) қолданбау немесе дерек көздерін көрсетпеу;

​

-ақпарат көздерін көрсетпестен ақпаратты өзгертіп жазу;

​

-басқа біреудің идеясын немесе аргументін авторға сілтеме жасамастан қолдану;

​

-толық немесе жартылай басқа білім алушының орындаған жазбаша жұмысын ұсыну;

​

-интернеттен алынған курстық немесе дипломдық жұмысты, магистрлік диссертацияны (жобаны), докторлық диссертацияны ұсыну;

​

-басқа курс үшін тапсырма ретінде орындалған курстық жұмысты ұсыну.

Сыбайласу - кез келген бағаланатын жұмысты өзге білім алушылар үшін орындау;

​

Алдау:

- бағаланатын жұмысты басқа білім алушылардан көшіріп алу;

​

• бағаланып кеткен жұмысты қайталап көрсету, өткізу;

​

• уақытында орындамаған бағаланатын жұмыс үшін жалған ақталу;

​

• топтық жұмыс қарастырылмағанда бағаланатын жұмысты екі немесе одан да көп білім алушылардың орындауы;

​

• басқа білім алушыларға саналы түрде көмек көрсету, өзінің бағаланатын жұмысынан оған көшіріп алуға мүмкіндік беру;

​

- басқалардың бағаланатын жұмысын өзінің меншігі ретінде көрсету;

Бағаланатын жұмыстардың жауаптарын әділетсіз жолмен алу:

• бағаланатын жұмыстарды орындау кезінде жауаптарды беру;

​

• бағаланатын жұмыстардың жауаптарын өткізілетін мерзімінен бұрын білім алушы, оқытушы немесе оқытушыға теңестірілген тұлғаның көмегі арқылы алу;

​

• бағаланатын жұмыстарды өзінің жұмысы ретінде көрсету үшін оларды сатып алу немесе өзге жолдармен қол жеткізу;

​

- бағаланатын жұмыстарды дайын күйінде сату немесе сатып алуға көмектесу;

Ақпарат пен құрылғыларды заңсыз пайдалану:

​

• қағаз, электронды, цифрлы тасмалдағыштардағы ақпаратты, техникалық құрылғыларды бақылау жұмыстарын, тестілеуді орындау кезінде пайдалану;

​

• бағаланатын жұмысқа қатысты кез келген жауаптарды электронды пошта, компьютер және т.б. жолмен көшіру;

​

- бағаланатын жұмыстарға қатысты материалдарды профессор-оқытушылардың кабинеттерінен немесе компьютерлерінен қағаз не электронды тасымалдаушы құралдар көмегімен алып кету.

Академиялық адалдыққа қатысты тәртіп бұзушылықтың тізімі осымен шектелмейді,қажеттілікке қарай толықтырылып отырады.

Жауапкершілік

​

Білім беру процесіне қатысушылар акдемиялық адалдық қағидаттары­ның бұзылуына моральды жауап беретіндіктерін есте сақтауға міндетті.

​

Плагиат, магистрлік диссертацияны (жобаны), докторлық диссертацияны, дипломдық жұмыс пен курстық жұмысты сатып алу және сату қауымдастыққа қатысты академиялық адалдық қағидаттарын елеулі бұзушылық ретінде қабылданады және бөтендердің материалдарын пайдаланғандығы үшін шара қолданылады.

​

Оқытушылар білім алушылардың жұмыстары плагиатқа веб-жүйелер көмегімен тексеруден өтетіндігі туралы оларды хабардар етуге кепілдік береді.

Кітапханашылар білім алушылар мен оқытушыларды жұмыстарда қолданылатын ресурстарға, библиографияларға, кітаптар көрсетілген сілтемелерге, журналдарға және Интернет-сайттарға қатысты келісімдермен қамтамасыз етеді.