1.

Kudahi rumah persembahen

Se gelah aku jumpa Tuhan

Ban Ia sumbul keriahen

Nggo b’reNa bangku kesangapen

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

2.

Mehuli me akap Dibata

Si mesikel pulung i jenda

Tetap metedeh lah ateta

Pulung meriah bas rumahNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

1.

Kam Tuhan Dibata simada kuasa

Singkelini k’rina doni enda

Badia gelarNdu mulia me tuhu

Kupuji gelarNdu bas geluhku

Kam Tuhan Dibata simada kuasa

Singkelini k’rina doni enda

3.

Kam Tuhan Dibata simada kuasa

Si petetap ukur kami k’rina

Ajar kami nembah ras muji gelarNdu

‘lah metunggung ibas adepenNdu

Kam Tuhan Dibata simada kuasa

Si mpetetap ukur kami k’rina

Lit.

Alu sinik kutimai Dibata ngkelini aku, sabab man baNa saja ngenca aku ernalem.

Perp.

IA ngenca si ngkawali dingen si ngkelini aku, IA penampatku, la ndigan pe aku talu

Lit.

Alu teneng ku timai Dibata, pengarapenku man baNa saja ngenca

Perp.

IA ngenca si ngkawali aku dingen engkelini aku, IA penampatku, la ndigan pe aku talu.

Lit.

IA kap Dibata si ngkelini dingen mereken kemulian bangku, Dibata kap gegehku dingen kecionku

Perp.

O bangsaku, ernalemlah man Dibata katawari pe, turiken isi pusuhndu man baNa, sabab IA kap inganta cicio.

1.

O, Dibata Kam pengarapanku

Malem kal ateku ibahanNdu

Perban e kupuji Kam Tuhanku

Rasa lalap seh rasa lalap

​

2.

O Tuhan, kam me kap kecionku

Tupung aku ‘bas kiniseranku

Perban e ku puji Kam Tuhanku

Rasa lalap seh rasa lalap

3.

Asum ‘ku ngenanami percuban

Ib’reNa gegeh ras dalan pulah

Perban e ku puji Kam Tuhanku

Rasa lalap seh rasa lalap

​

Lit.

Dibata kap ulu kegeluhen. IA me nande si mpebelin-belin dingen njagai anak-anakNa gelah nggeluh reh dewasana i bas ndalani kegeluhen

Perp.

Ngaku aku o Tuhan, megati aku nirang Kam, si njagai aku i bas kinilangasupenku ngantusi perdalanen doni.

Lit.

Dibata kap ulu kegeluhen. IA me Bapa si negu-negu dingen ngajari anak-anakNa i bas ndalani kegeluhen.

Perp.

Ngaku aku O Tuhan, megati aku nirangi Kam, si negu-negu dingen ngajari anak-anakNa i bas ndalani kegeluhen

Lit. + Perp.

O Tuhan, ola kal pelepasNdu kami lalar, i bas kinilangasupen ras kekoten kami.

1.

Ola kal lupaken aku

O, Jesus Tuhan

Amin mbue kal dosangku

Masap k’rina ban

Reff.

Jesus, Jesus, sampat akulah

Bas Kam saja aku pulah

Kep-kep akulah

3.

Aku jimpuh i lebeNdu

Ban tek aku pe

‘Di ras Kam la ku talu

Ban gegehNdu e

Reff.

Jesus, Jesus, sampat akulah

Bas Kam saja aku pulah

Kep-kep akulah

Lit.

“Desken remang erpagi-pagi, dosandu enggo Kulesapken, janah salahndu pe enggo Kusasap desken embun. E maka mulihlah kempak Aku, sabap Aku kap Penebusndu” (Jesaya 44 : 22)

Perp.

Bujur Tuhan, i bas pergegeh si iberekenNdu. Amin.

14.

Padan Dibata man kalak si ibuang

Kata TUHAN seh man bangku nina,

15.

"O manusia si ermasap-masap, kalak si ringan i Jerusalem ncakapken kam ras senina-seninandu kalak Israel si sangana i bas pembuangen. Nina, ‘Kalak buangen e nggo ndauhsa inganna maka ia banci ersembah man TUHAN i Jerusalem enda. TUHAN nggo mereken taneh enda man sikerajangenta!’

16.

Genduari turikenlah man teman-temanndu si ibuang kai si Kukataken enda. Aku nge si mahanca ia ringan i tengah-tengah bangsa-bangsa si ndauh dingen Kupemerap ia i bas negeri-negeri si deban. Amin bage gia kidekah ia ringan i bas negeri inganna ibuang e, Aku nemani ia.

17.

Emaka kataken man bana katangKu, Aku TUHAN si Erdolat. Kataken man bana maka Kupepulung nge ia i bas negeri-negeri e nari, jenari Kubereken man bana mulihi taneh Israel e.

18.

Kenca ia mulih, arus maka iambekkenna kerina gana-gana si macik dingen si ciga ateKu, si ijumpaina.

19.

Kubereken me man bana pusuh si mbaru ras perukuren si mbaru. Kuagui pusuhna si piher bagi batu, jenari Kusambari alu pusuh si patuh man bangKu.

20.

Kenca bage ipatuhina me peraturen-peraturenKu janah alu tutus iikutkenna perentahKu. Ia jadi bangsangKu janah Aku jadi Dibatana.

21.

Tapi Kuukum me kalak si ersembah man gana-gana si macik dingen si ciga ateKu. Kuukum me ia erkiteken kai si nggo ilakokenna." Enda me kata TUHAN si Erdolat.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

1.

Lagu langkah kalak Kristen

Persingetilah ia kerina gelah patuh man pemerentah ras si erkuasa. Ibegikennalah katana, dingen nggit ndalanken kerina dahin si mehuli.

2.

Katakenlah man bana gelah ula ia ncekuraki kalak si deban, tapi erdame dingen meriahlah, janah mehulilah min perbahanenna katawari pe nandangi kerina manusia.

3.

Sabap kita pe nai labo sieteh mehuli, nggit ngelawan dingen erbahan salah. Kita ikuasai kerincuhen kula ras erbage-bage sura-sura. Kita nggeluhken kegeluhen si jahat dingen dem ate cian. Segat ate kalak kita, janah kita pe segat ateta kalak.

4.

Tapi asum Dibata si Engkelini kita nehken perkuah ate ras KiniulinNa man banta,

5.

kita nggo IkeliniNa. Kita IkeliniNa labo erdandanken perbahanenta si mehuli, tapi erdandanken perkuah AteNa nge. Kita ikelini Dibata arah Kesah Si Badia si erbanca kita tubuh peduakaliken gelah sialoken kegeluhen si mbaru alu mbersihken kita.

6.

Dibata nguseken Kesah Si Badia si la ersibar man banta arah Jesus Kristus si Engkelini kita,

7.

gelah erdandanken lias AteNa banci kita rembak ras Ia dingen ngaloken kegeluhen si tuhu-tuhu si la erkeri-kerin, si iarapken kita.

8a.

Kata enda tuhu kap.

Lit.

:

“Ngataken bujur e me persembahen si pehagaken Aku janah si patuh ngikutken Aku tentu Kukelini.” (Masmur 50:23)

1.

Babalah persembahen si merimna

Ku adep-adepen Dibatanta

Sehkenlah puji-pujin si mehaga,

Man Tuhan Dibata si Badia

S’bab IA simada kerina,

Si lit bas geluh enda.

Kataken bujur arah g’luhta

Terpuji gelar Tuhan

2.

Ajari kami make pemereNdu,

Guna mpehaga Kam o Tuhanku

Jadi epe pebelangken kataNdu,

I bas kegeluhen doni enda.

‘Lah gegeh ras pengertin kami,

Seh jadi pasu-pasu.

Man krina kegeluhen enda,

Terpuji gelar Tuhan

3.

Kami nehken persembahen o Tuhan,

Mpehaga Kam si mada kerina

Enda me gancih kami Tuhan,

Jadi alatNdu bas doni enda.

Bagepe kegeluhen kami,

I bas pertibi enda.

Jadi persembahen si nggeluh,

Terpuji gelar Tuhan

Lit.

Bagi keleng ate Bapa man anak-anakNa, bage kal me pengkelengi Dibata man kalak si erkemalangen man baNa

Perp.

Bujur Tuhan, ateku tetap nggeluh i bas keleng ateNdu

Lit.

Sabab ietehNa i bas kai nari kita itepaNa. IingetNa me maka abu kap kita.

Perp.

Erpadan aku tetap erkemalangen man baNdu saja Tuhan

Lit.

Kalak si erkemalangen man Tuhan tetap ikelengiNa. KiniulinNa tetap seh rasa lalap.

P+L

Amin

1.

Sura-sura Jesus bangku

Ersinalsal tetap

Nggeluh bujur ras mehuli

Si ngena atena.

Reff. Ersinalsal terang

Em sinisuraken Jesus

Ersinalsal terang

Ku tetap ersinalsal

2.

Sura-sura Jesus Kristus

Nandangi geluhku

Mpehaga turang senina

Sisampat-sampaten.

Reff. Ersinalsal terang

Em sinisuraken Jesus

Ersinalsal terang

Ku tetap ersinalsal

​

“Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam, itatap Dibata ku kam, janah malem atendu ibahanNa”. Amin

​

Perp. : A....min, A.......min, A......min

​