1.

Wari enda wari badia

Wari meriah jumpa ras Dibata

Gia melala ndube dahinta

Nembah man baNa ola kita lupa.

Reff. Wari-warinta Tuhan empuna

Geluhta pe IA kap si njayamsa

Geluhta pe IA kap si njayamsa

3.

Latih susah lit tiap wari

Tuhan perkuah sikap ngelayasi

K’rina si nasa IA empuna

Si ‘ndesken baNa ukur ras geluhta.

Reff. Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

1.

Tetapkenlah ukurta,

Ngikutken Jesus e.

Sigelemlah pedahNa,

Tutus ateta pe.

Piher tendinta pe,

Ban Ia penalemen.

Kesusahen i doni,

Talu ibanNa pe.

2.

Pertibi enda masap

Isina k’rina pe

Nggo ndeher kedungenna

Paksana seh me pe

Tujunta k’rina min

Ku surga rumah Bapa

I je me ingan senang

Ras Tuhan lalap je

Lit.

:

Nina Dibata, enggo Kuidah kuga serana akap bangsangKu, enggo Kubegi ia nderkuh man bangKu, Kueteh kerina kiniseranna….

1.

Kam kap Dibatangku

Kam inganku cicio

Tegu-tegu aku

Begiken pertotonku

Reff. Ernalem man baNdu

Kam pengarapenku

Kidekah geluhku

Ku puji Kam Tuhan

4.

Kupuji Kam Tuhan

Rende aku man baNdu

Sabab seh ulina

PerbahenenNdu bangku

Reff. Ernalem man baNdu

Kam pengarapenku

Kidekah geluhku

Ku puji Kam Tuhan

Lit.

:

Turang ras Senina mari dage radu ras kita nuriken ketedehen ateta man Dibata

Perp.

:

O Tuhan, asa kai nari dekahna pusuhku ertima nandangi Kam? Asa kai nari dekahna Kam terbuni i bas matangku nari? Asa kai nari dekahna aku nggengken kiniseran? Asa kai nari dekahna mesui pusuhku suari ras berngi?...

Perp.

:

O Tuhanku, O Dibatangku, perdiateken aku, dengkehkenlah pertotonku. Bere gegeh man bangku gelah ola aku bene i bas kinilangasupenku, i bas aku celus. Pulahi min aku o Tuhan. Sabab tetap aku ernalem ku bas keleng ateNdu.

Lit.

:

Kekelengen ni Tuhan, mari si sehken pertotonta sekalak-sekalak mindo penampat man Tuhan i bas paksa teneng.

1.

Rehlah Kam o Immanuel

Mulahi kami Israel

Si tertaban, labuh ras ndele

Nimai Anak Dibata e

Reff.

Ersuraklah, meriahlah

Reh me Tuhan Immanuel

3.

Rehlah Kam Anak Dibata

Pulahi kami kerina

Bas iketen kuasa dosa

Sinaban kami kerina

Reff.

Ersuraklah, meriahlah

Reh me Tuhan Immanuel

Lit.

“Tapi genduari reh me Aku, erkiteken kalak musil enggo itindih dingen kalak si niayak-ayak kelsehen perban suina. Kubereken me man bana ketenenengen si enggo ndekah iarapkenna.”

1.

Kataken bujur man Tuhan

perbahan kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

2.

Meriahlah min ateta,

Sabab kita si k’rajangNa

Meriah dage ukurta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

7.

Saber ras ertoto

Dage o senina-seninangku, saberlah kam ngayak reh Tuhan. Nehenlah sekalak perjuma kuga ia saber nimai seh jumana mereken ulih si erguna. Saber ia nimai udan si reh nandangi merdang ras udan si reh kenca rumpah page.

8.

Kam pe arus saber. Tetap min kam erpengarapen, sabap wari kerehen Tuhan seh me.

9.

O senina-seninangku, ula kam jungut-jungut dingen sisalah-salahen, gelah ula kam iukum Dibata. Hakim e reh me; bengket me Ia.

10.

O seninangku, ingetlah nabi si ngerana nai i bas gelar Tuhan. Usihlah saber atena ras kinigenggengenna i bas ngenanami kiniseran.

11.

Sikataken malem atena erkiteken megenggeng ia. Nggo ibegindu kerna saber ate Jop, bage pe ietehndu maka dungna isampati Tuhan ia. Sabap Tuhan e perkuah dingen dem keleng ate.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Maranatha.

Perp.

:

(iendeken)

Ma ra na tha, Ma ra na tha, Ma ra na … tha.

25.

TUHAN mehuli kap man kerina kalak si ernalem man BaNa.

26.

Emaka madin kita megenggeng, nimai Ia nampati kita.

27.

Janah ulin erlajar megenggeng tupung paksa kita nguda.

28.

Tupung kita i bas kiniseran madin kita kundul sisada alu megenggeng.

29.

Emaka ulin mungkuk alu patuh, sabap i je lit si man arapenken.

30.

Aminna pe iligas ras iisakken la banci lang pulah kita i jenari.

31.

TUHAN perkuah kap emaka labo lalap kita ItulakNa.

32.

IberekenNa gia man banta kiniseran, tapi keleng AteNa man banta tetap ras megegeh.

33.

Sabap labo AteNa ngena, kita ermesui ate dingen rate ceda.

Lit.

:

“Pujilah gelar TUHAN si mulia; babalah persembahen, jenari ngadaplah man baNa ku bas Rumah PertotonNa, sebab TUHAN ncidahken baNa alu kemulianNa, erjimpuhlah i adep-adepenNa.” (1 Kronika 16 : 29)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

1.

Kuikutken me dalanNdu

Dalan dame man bangku

Terkelin me kap geluhku

Itebusi darehNdu

Reff. Ku ikutken me dalanNdu

Ku endesken geluhku

Bas Kam o Jurus’lamatku

Dame senang tendingku

3.

Kupersilahangken bangku

Ngikutken pendiloNdu

Kudalanken peratenNdu

Dat aku pasu-pasu

Reff. Ku ikutken me dalanNdu

Ku endesken geluhku

Bas Kam o Jurus’lamatku

Dame senang tendingku

1.

Ermengkah ukurku, ras ngataken bujur Tuhan

Kelengi min aku, Kam empu geluhku

Enda ngenca Tuhan persembahenku

Kerina geluhku kesah ras kulangku

La kap lit bas aku erta kebayaken

Si cukup meherga ‘lah ku persembahken

Sada ngenca Tuhan lit pemindonku

Aloken min Tuhan persembahenku

Pakeken geluhku jadi perkakasNdu

Segedang geluhku

Lit.

Dibata tetap nehken padanNa man banta si tetap erpengarapen man baNa

Perp.

Erpadan aku Tuhan tetap erpengarapen man baNdu, sabab Kam kap ulu gegehku.

Lit.

Dibata tetap nehken padanNa man banta si ertima nandangi penampatna

Perp.

Erpadan aku Tuhan, tetap nimai kerehenNdu si erbahanca masap kebiarenku.

Lit.

Dibata tetap nehken padanNa man banta manusia si ngarapken gegeh i bas IA nari

Perp.

Erpadan aku Tuhan, tetap nimai kerehenNdu sabab Kam me kap penalemenku.

2.

Mbue si erlebuh bangku

Maka aku min nilah

Tapi ‘nggo tetap ukurku

Kam me kuikutkenlah

Ibas paksa aku kote

Pegegehi aku min

KataNdu gelah kupake

Maka aku terkelin

3.

O, Tuhan mekatep tuhu

Celus aku, guling pe

Je minter dudurken tanNdu

Gelah aku la bene

Jesus gelarNdu kulebuh

Sampat aku o, Tuhan

Ibas tanNdu aku nggeluh

Jadilah bage min ban

4.

Tah suari berngi gia

Amin japa kami pe

Tentu me idahNdu k’rina

Kai si bahan kami e

AjariNdu kami enda

Pasu-pasu gelah min

Malem ate kami k’rina

Man baNdu tama pujin

Dibata , si mada perkuah ate, si enggo nenahken kam ku kemulianNa si rasa lalap i bas Kristus, njadiken kam serta, tetap, megegeh dingen paguh. IA nge si mada kuasa seh rasa lalap. Amin.

​

Perp. : A....min, A.......min, A......min