Solennità tat-Tlugħ il-Mulej fis-Sema
Sena Ċ
“Huwa u jberikhom, kien meħud fis-sema.”
Glorja `l Alla fil-għoli
tas-smewwiet, u paċi fl-art
lill-bnedmin ta’ rieda tajba.
Infaħħruk, inberkuk, nadurawk, nagħtuk ġieh. Inroddulek ħajr għall-glorja kbira tiegħek.
Mulej Alla,
Sultan tas-sema,
Alla Missier li tista’ kollox. Mulej Iben waħdieni,
Ġesù Kristu,
Mulej Alla, Ħaruf ta’ Alla,
Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna. Int li qiegħed fuq il-lemin
tal-Missier, ħenn għalina. Għaliex Int waħdek Qaddis,
Int waħdek Mulej,
Int waħdek il-għoli,
Ġesù Kristu,
ma’ l-Ispirtu s-Santu:
fil-glorja tal-Missier Alla. Ammen.
Solennità tat-Tlugħ il-Mulej fis-Sema
Sena Ċ
“Huwa u jberikhom, kien meħud fis-sema.”
Qari I
Kien meħud ’il fuq waqt li huma kienu jħarsu lejh.
Bidu tal-Ktieb
tal-Atti tal-Appostli. Atti 1:1-11
Fl-ewwel rakkont tiegħi, Teofilu, tkellimt fuq dak kollu li Ġesù kien għamel u għallem minn mindu beda sal-jum
li fih kien meħud fis-sema,
wara li, permezz tal-Ispirtu
s-Santu, ta l-ordnijiet tiegħu lill-appostli li hu kien għażel.
Wara l-passjoni tiegħu dehrilhom u tahom ħafna provi li hu ħaj;
f’erbgħin jum rawh
kemm-il darba u
kellimhom fuq il-ħwejjeġ
tas-Saltna ta’ Alla.
Meta kien għadu magħhom, ordnalhom biex ma jitilqux minn Ġerusalemm,
imma joqogħdu jistennew
sa ma sseħħ il-wegħda
tal-Missier,
“li fuqha” – qalilhom –
“smajtu x’kont għedtilkom: Ġwanni għammed bl-ilma, imma intom,
fi ftit jiem oħra titgħammdu bl-Ispirtu s-Santu”.
Kif kienu flimkien staqsewh: “Mulej, hu dan iż-żmien li fih int se terġa’ twaqqaf is-Saltna ta’ Iżrael?”.
Hu weġibhom:
“Mhijiex biċċa tagħkom li tkunu tafu l-waqt u ż-żmien
li l-Missier għażel bis-setgħa tiegħu.
Imma meta jiġi fuqkom
l-Ispirtu s-Santu,
intom tirċievu l-qawwa,
u tkunu xhieda tiegħi f’Ġerusalemm, fil-Lhudija kollha u s-Samarija u sa truf
l-art”.
Wara li qal dan, huma u jħarsu lejh, kien meħud ’il fuq,
u sħaba ħadithulhom minn quddiem għajnejhom.
Waqt li kienu b’għajnejhom
fis-sema jħarsu lejh sejjer, f’daqqa waħda dehru ħdejhom żewġt irġiel libsin l-abjad,
u qalulhom:
“Irġiel tal-Galilija, x’intom tħarsu lejn is-sema?
Dan Ġesù, li kien meħud
minn magħkom lejn is-sema, għad jerġa’ jiġi kif rajtuh sejjer”.
Il-Kelma tal-Mulej.
℟. Irroddu ħajr lil Alla.
Salm Responsorjali
Salm 46(47):2-3,6-7,8-9
℟. Tela’ Alla b’għajat ta’ ferħ.
Popli kollha, ċapċpu jdejkom,
għajtu b’leħen ta’ ferħ lil Alla!
Għax il-Mulej, l-Għoli,
hu tal-biża’,
sultan kbir fuq l-art kollha.
℟. Tela’ Alla b’għajat ta’ ferħ.
Tela’ Alla b’għajat ta’ ferħ,
il-Mulej bid-daqq tat-trombi.
Għannu lil Alla,
għannu,
għannu lis-sultan tagħna, għannu.
℟. Tela’ Alla b’għajat ta’ ferħ.
Għax Alla s-sultan
tal-art kollha:
għannulu bis-sengħa
għanja sabiħa.
Isaltan Alla fuq il-ġnus kollha,
joqgħod Alla fuq it-tron imqaddes tiegħu.
℟. Tela’ Alla b’għajat ta’ ferħ.
Qari II �Kristu daħal fis-sema stess.
Qari
mill-Ittra lil-Lhud Lhud 9:24-28; 10:19-23
Kristu ma daħalx f’santwarju magħmul b’idejn il-bnedmin
li hu biss xbieha tas-santwarju veru,
imma daħal fis-sema stess, biex issa jidher għalina quddiem Alla.
U daħal hemm mhux biex minn żmien għal żmien joffri lilu nnifsu bħalma
l-qassis il-kbir jidħol kull sena fis-santwarju biex joffri demm ħaddieħor.
Li kieku kien hekk,
kien ikollu jbati ħafna drabi
sa mill-ħolqien tad-dinja.
Iżda issa deher darba għal dejjem, meta waslet il-milja taż-żminijiet,
biex ineħħi d-dnub
bis-sagrifiċċju tiegħu nnifsu.
U kif hu miktub
għall-bnedmin li għandhom imutu darba biss,
u wara dan isir il-ġudizzju,
hekk ukoll Kristu,
wara li offra lilu nnifsu
darba biss biex jitgħabba
bid-dnubiet tal-kotra,
għad jerġa’ jidher darb’oħra, mhux biex ineħħi d-dnubiet,
imma biex isalva lil dawk li qegħdin jistennewh bil-ħerqa.
Ladarba, ħuti, għandna
l-fiduċja li nidħlu
fis-Santwarju bis-saħħa
tad-demm ta’ Ġesù billi ngħaddu mit-triq,
ġdida u ħajja, li hu fetħilna
’l ġewwa mill-velu,
li hu l-ġisem tiegħu stess;
u ladarba għandna dan
il-qassis il-kbir imqiegħed
fuq il-familja ta’ Alla,
ejjew nersqu b’qalb sinċiera
u b’fidi sħiħa,
bi qlubna mnaddfin minn kuxjenza ħażina u l-ġisem tagħna maħsul b’ilma safi.
Inżommu sħiħ fl-istqarrija qawwija tat-tama tagħna,
għax ta’ kelmtu huwa dak li għamlilna l-wegħda.
Il-Kelma tal-Mulej.
℟. Irroddu ħajr lil Alla.
Hallelujah, Hallelujah
Mt 28:19a,20b
Morru agħmlu dixxipli
mill-ġnus kollha,
jgħid il-Mulej.
Jiena magħkom dejjem,
sal-aħħar taż-żmien.
Hallelujah, Hallelujah
Evanġelju
Huwa u jberikhom, kien meħud fis-sema.
skont San Luqa Lq 24:46-53
F’dak iż-żmien,
Ġesù qal lid-dixxipli tiegħu:
“Hekk kien miktub,
li l-Messija jbati u
fit-tielet jum iqum
mill-imwiet,
u li l-indiema għall-maħfra tad-dnubiet tixxandar f’ismu lill-ġnus kollha, ibda minn Ġerusalemm.
Intom xhud ta’ dan.
U jiena, araw, nibgħat fuqkom lil dak li wiegħed Missieri.
Imma intom ibqgħu fil-belt,
sa ma Alla jkun libbiskom
bil-qawwa tiegħu”.
Imbagħad ħadhom sa ħdejn Betanja, u rafa’ jdejh
u berikhom.
U ġara li, huwa u jberikhom, infired minnhom u kien meħud fis-sema.
Huma nxteħtu fl-art jagħtuh qima, u mimlijin b’ferħ kbir reġgħu lura lejn Ġerusalemm, u qagħdu l-ħin kollu fit-tempju jbierku lil Alla.
Il-Kelma tal-Mulej.
℟. It-tifħir lilek Kristu.
Solennità tat-Tlugħ il-Mulej fis-Sema
Sena Ċ
“Huwa u jberikhom, kien meħud fis-sema.”
Jiena nemmen f’Alla wieħed,
il-Missier li jista’ kollox,
li ħalaq is-sema u
l-art, dak kollu li jidher
u dak li ma jidhirx.
U f’Mulej wieħed Ġesù Kristu, Iben waħdieni ta’ Alla,
imnissel mill-Missier
qabel kull żmien.
Alla minn Alla, dawl minn dawl, Alla veru minn Alla veru, imnissel mhux magħmul, natura waħda mal-Missier
u bih sar kollox.
Niżel mis-smewwiet għalina
l-bnedmin u għall-fidwa
tagħna. U ħa l-ġisem
bis-setgħa tal-Ispirtu
s-Santu minn Marija Verġni
u sar bniedem. Sallbuh għalina, bata taħt Ponzju Pilatu, miet u difnuh,
u fit-tielet jum qam
minn bejn l-imwiet, skont
il-Kotba mqaddsa,
u tela’ s-sema, u qieghed fuq
il-lemin tal-Missier.
U għandu jerġa jiġi
bil-glorja biex jagħmel ħaqq
mill-ħajjin u mill-mejtin, u
s-saltna tiegħu ma jkollhiex tmiem. U fl-Ispirtu s-Santu, Mulej li jagħti l-ħajja li ġej mill-Missier u mill-Iben:
li Hu meqjum u mweġġah flimkien mal-Missier u
mal-Iben. Hu li tkellem b’fomm il-profeti.
U fi Knisja waħda,
qaddisa, kattolika,appostolika.
Nistqarr magħmudija waħda
għall-maħfra tad-dnubiet.
U nistenna l-qawma
mill-imwiet, u l-ħajja
taż-żmien li ġej.
Ammen.
Solennità tat-Tlugħ il-Mulej fis-Sema
Sena Ċ
“Huwa u jberikhom, kien meħud fis-sema.”