საქართველოში ორინტირების განვითარების შესაძლებლობების�გაძლიერება
საგანმანათლებლო პროგრამა გაგრძელდება შემდეგი ეტაპებით:
პროექტის ფარგლებში შეიქმნა ასევე :
2026 წლის 7 ივნისს სპორტული ორიენტირების მწვრთნელთა საგანმანათლებლო პროგრამის პირველი ეტაპი წარმატებით დასრულდა.�პროგრამის პირველი ეტაპის დასკვნითი ფაზა გაიმართა, რითაც მონაწილეებმა დაასრულეს სასწავლო ციკლის საწყისი ნაწილი. ტრენინგის ფარგლებში მათ მიიღეს როგორც თეორიული, ისე პრაქტიკული ცოდნა სპორტული ორიენტირების მიმართულებით, შეისწავლეს სპორტული ორიენტირების საფუძვლები, რუკების კითხვა, ძირითადი სიმბოლოები და სპორტის სხვადასხვა დისციპლინა.�პირველი ეტაპის დასრულების შემდეგ მონაწილეებმა გაიარეს შეფასება და ტესტირება, რის საფუძველზეც მათ შესაბამისი სერტიფიკატები გადაეცათ.�დასკვნითი ეტაპის განსაკუთრებული ნაწილი იყო მონაწილეთა ჩართულობა თბილისის თასის შეჯიბრებაში, სადაც მათ შესაძლებლობა ჰქონდათ პრაქტიკაში გამოეყენებინათ მიღებული ცოდნა და გამოცდილება, საკუთარი შესაძლებლობები გამოეცადათ როგორც გამოცდილ, ისე მოყვარულ სპორტსმენებთან ერთად.�პროგრამის პირველი ეტაპი მონაწილეებისთვის მნიშვნელოვანი გამოცდილება, ახალი ცოდნა და პროფესიული განვითარების შესაძლებლობა გახდა. თუმცა ეს მხოლოდ დასაწყისია — პროექტის შემდეგი ეტაპი ნოემბერში გაგრძელდება, სადაც მონაწილეები კიდევ უფრო ღრმა პრაქტიკულ და საგანმანათლებლო აქტივობებში ჩაერთვებიან.�პროგრამაში მონაწილეობდნენ ფიზიკური აღზრდისა და სპორტის მასწავლებლები თბილისის, ბათუმის, რუსთავისა და ქობულეთის სკოლებიდან, რომლებმაც შეისწავლეს სპორტული ორიენტირების საფუძვლები, რუკასთან მუშაობა, აქტივობების დაგეგმვა და სპორტული ორიენტირების სასკოლო გარემოში ინტეგრირების შესაძლებლობები.�
რა არის სპორტული ორიენტირება?
სპორტული ორიენტირება არის სპორტის სახეობა, რომელიც აერთიანებს მოძრაობას, ნავიგაციას, რუკის კითხვას და სწრაფი გადაწყვეტილებების მიღებას. მონაწილეები რუკის გამოყენებით პოულობენ საკონტროლო პუნქტებს განსაზღვრული თანმიმდევრობით — ტყეში, პარკში, სკოლის ეზოში ან ურბანულ სივრცეში. სპორტული ორიენტირება ავითარებს როგორც ფიზიკურ აქტივობას, ისე აზროვნების უნარებს, რაც მას განსაკუთრებით გამოსადეგს ხდის როგორც სპორტული, ისე საგანმანათლებლო მიზნებისთვის.
სპორტული ორიენტირება საერთაშორისო დონეზე აღიარებული სპორტია. საერთაშორისო ოლიმპიურმა კომიტეტმა სპორტული ორიენტირების საერთაშორისო ფედერაცია 1977 წელს აღიარა. რეგულარულად ტარდება საერთაშორისო შეჯიბრებები, მათ შორის მსოფლიო და ევროპის ჩემპიონატები. სპორტული ორიენტირება ასევე წარმოდგენილია საუნივერსიტეტო და სასკოლო სპორტის საერთაშორისო სისტემაში.