1.

Reh lah min o, Tuhan,

sikap kami k’rina,

Ersembah man baNdu jenda.

Nusurlah min Tuhan,

bahan sikap k’rina,

Ukur kami pebadia.

O, Bapa b’re gelah,

daten pasu-pasu,

Kami k’rina enda.

2.

Tuhan Dibatanta

lit bas rumah enda,

Nembah kita k’rina baNa.

Alu kehamaten

mungkuklah man baNa,

Kula, tendi pe kerina.

Aloken KataNa

ras pasu-pasuNa,

UsekenNa banta.

6.

Aloken pemere,

janah kami rende,

Alu ukur tutus jine.

La pekulah-kulah

ban ukur meriah,

Tuhan terpujilah min gelah.

M’riahlah kerina

pujilah Dibata,

Bapa si mulia.

1.

Teman si sada perukur

Si ndarami senang je

Ku bas Jesus legi ukur

Maka jumpa dame e

Ia kapen ikutenta

Kita kap ngawanNa e

Tuhan Jesus kap Gurunta

Kita ajar-ajarNa e

2.

Tanda perkuah ateNa

Mbages ras meganjang pe

Bekas perkeleng ateNa

La tersipati kepe

Itemani Dibatanta

Ban keleng ateNa e

Tuhan Jesus pe temanta

Kita si tek baNa e

3.

Kam me si mpersada kami

K’rina si tek bandu e

Gelah sikeleng-kelengen

Ngikutken pedahNdu e

Tudu kubas kebenaren

E me kap ateNdu pe

Kam me jadi Penalemen

Gelah kami la bene

Lit.

Dibata enggo mereken pemere si pelain-lain man banta kerina selaku perpulungen. Pemere si pelain-lain e desken ring-ring i bas sada kula. Ring-ring si pelain-lain enda irakut i bas sada takal, e me Kristus Jesus. I bas kiniersadanta ras Kristus me Gereja jadi megegeh i bas ndahiken si mehuli nandangi doni enda.

1.

Perpulungen ersadalah,

Ngikutken PedahNa.

Bas kiniteken tetaplah,

Man Tuhan Dibata.

Bas si mehuli ayaklah,

Sisampat-sampaten.

Bage kap pedah Dibata,

Sikeleng-kelengen.

4.

Erbage-bage pemere,

Man banta kerina.

Tujunna sada me kepe:

Terpuji Dibata.

Ersada ukur me jine,

O, Kristen japa pe.

Anem melala ringring pe,

Sada kula kepe.

5.

Kerina daten pemere,

Dat pasu-pasu pe.

Mejingkat k’rina min dage,

Ndahiken dahin e.

Meteruk ukur k’rinalah,

Em pedah Tuhan e.

Em jadi man ikutenlah,

Ibas kelengNa e.

Lit.

Dibata enggo njujurken pemerena si pelain-lain man banta, gelah reh tambahna gegehta maba kiniulin nandangi doni enda. Enggo nge ndia si pake pemere Dibata e sipake jadi pasu-pasu ras pengerakut si mehuli i bas Kristus?

Lit.

Dibata enggo njujurken erbage si mehuli nandangi dirinta, gelah dirinta jadi dalan Dibata natang perdalanen gerejaNa. Enggo nge ndia si pake dirinta jadi dalan Dibata mpekena-kena gerejaNa?

Lit.

Mari dage siakuken salah lepakta man Dibata.

Perp.

Ngaku aku o Tuhan, lenga kugegehi makeken pemereNdu, guna kemulianNdu, bagepe guna kiniulin gerejaNdu. Melance perdalanen gerejaNdu erkiteken kurangna kepentarenku. O Tuhan, alemi min aku.

1.

AlemiNdu aku bas dosangku

AlemiNdu aku bas lepakku

O Tuhan sasap min

O Yesus sasap min

Alemi dosangku

2.

Si la payo dem ibas geluhku

Ngaku aku baNdu o Yesusku

O Tuhan sasap min

O Yesus sasap min

Alemi dosangku

3.

Ku janari ‘ku baba geluhku

dengkehkenNdu min pingko-pingkoku

O Tuhan sasap min

O Yesus sasap min

Alemi dosangku

Lit.

“Amin bage gia, Aku kap Dibata si nasapken dosa-dosandu; janah si e Kulakoken erkiteken bage kin biakKu. Lanai Kupeinget-inget kerina dosa-dosandu.” Amin.

(Jesaya 43:25).

2.

Mari ku Jesus, mungkuklah min

Perbahanenndu si la uli

IsasapkenNa dosandu e

Alu darehNa e

Senang m’riah ukurta kepe

Adi masap k’rina dosa e

Mari me kita ku surga

Ku kesenangen e

3.

Mari ku Jesus, dahi pedas

Maka dosandu min ‘nggo kelas

Jesus perkeleng, melias pe

Malem ukurndu e

Senang m’riah ukurta kepe

Adi masap k’rina dosa e

Mari me kita ku surga e

Ku kesenangen e

Lit.

¹"O, langit ras doni, begikenlah perkatanku. Dengkehkenlah kai si kubelasken.

Perp.

²Pengajarenku ndabuh bagi taktak udan sehkenca i bas taneh salih jadi embun. Perkatanku ndabuh bagi udan rintik-rintik ku babo sinuan-sinuan si nguda denga bagi udan remang ku babo dukut si ertunas.

Lit.

³Ateku muji gelar TUHAN, janah BangsaNa nuriken KehaganNa.

Perp.

⁴TUHAN kap pengawalndu si mbisa, serta Ia i bas kerina PerbahanenNa. Dibatandu setia dingen bujur; IlakokenNa kai si mehuli dingen patut.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

11.

Pedah-pedah man Timotius

Tapi kam, o suruh-suruhen Dibata, tadingkenlah si enda ndai kerina. Usahakenlah ndalanken si ngena ate Dibata, tutus ersembah man BaNa, tetap ernalem ku Ia, cidahken keleng atendu, megenggeng dingen lemah lembut!

12.

Erlumbalah asa gegehndu i bas perlumban kiniteken, guna ndatken kegeluhen si tuhu-tuhu man gunandu. Sabap guna kegeluhen si e me maka ipilih Dibata kam asum iakukenndu kinitekenndu i lebe-lebe nterem saksi.

13.

I lebe-lebe Dibata, si mereken kegeluhen man si nasa lit bage pe i lebe-lebe Kristus Jesus, si erbahan pengakun si tuhu-tuhu i lebe-lebe Pontius Pilatus, kukataken man bandu gelah

14.

ikutkenlah pedah-pedah e dingen jagalah gelah tetap bersih dingen la ceda, seh ku warina Tuhanta Jesus Kristus reh peduakaliken.

15.

KerehenNa pagi Dibata ngaturkenca i bas paksana. Dibata Pemerentah Si Tonggal dingen Badia, Raja i bas kerina raja, dingen Tuhan i bas kerina tuan.

16.

Dibata ngenca nggeluh rasa lalap. Ia nggeluh i bas sinalsal si ise pe la ngasup ndeherisa. Ise pe la pernah ngidah Ia, ise pe la banci ngidah Ia, terpujilah Ia janah iakuilah KuasaNa seh rasa lalap! Amin.

Lit.

:

I bas keriahen ukurta kerna penemani Tuhan, genduari seh paksana kita ncidahken pengataken bujurta man Tuhan arah persembahenta. Si jadi palas man banta guna persembahen e me :

“Nembahlah man Tuhan alu ukur meriah, dahilah ku adep-adepenNa janah rende meriah”.

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Dibata enggo mereken pemere man banta sekalak-sekalak.

Perp.

Erpadan aku Tuhan, ateku makeken pemereNdu, raduken ras isi jabungku, bage pe raduken perpulungenNdu, guna natang perdalanen gerejaNdu.

1.

Tetapkenlah ukurta,

Ngikutken Jesus e.

Sigelemlah pedahNa,

Tutus ateta pe.

Piher tendinta pe,

Ban Ia penalemen.

Kesusahen i doni,

Talu ibanNa pe.

3.

Piherkenlah ukurta

Ngelawan dosa e

Pinterkenlah dalinta

Ngikutken Jesus e

Kesikel dosa e

Em kap man tadingenken

Tudu ras Kata Tuhan

Si ngepkep kita kin

“Dibata si mada perkuah ate, si enggo nenahkan kam ku kemulianNa si rasa lalap i bas Kristus, njadiken kam serta, megegeh dingen paguh. IA nge si mada Kuasa seh rasa lalap” Amin.

​

Perp. : A....min, A.......min, A......min