1.

Kudahi rumah persembahen

Se gelah aku jumpa Tuhan

Ban Ia sumbul keriahen

Nggo b’reNa bangku kesangapen

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

2.

I adep-adepen Dibata

Siakukenlah k’rina dosa

Je robah kita dingen jera

Si gejap me pengalemiNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

1.

‘bas toto kuendesken geluhku,

ku Tuhan si njayam kegeluhen.

Begiken min pingko-pingkoku Tuhan.

latih mberat baban kegeluhenku

2.

Ku bas tanNdu ku ‘ndesken geluhku

Ku ampeken me k’rina susahku

Jaga kawali o Tuhanku

‘lah ula ndabuh ibas dosa aku

3.

Malem tuhu adi ku endesken

K’rina perdalanen kegeluhen

Sebab Kam si negu-negu anakNdu

Si tetap setia ernalem baNdu

Lit.

:

Nina Pemasmur: “Dibata kap kecion dingen gegehta, lalap IA sikap nampati katawari kita i bas kesusahen. E maka la kita gentar, aminna pe doni mundu-undu, janah deleng-deleng gedap ku teruh lawit; Aminna pe lawit ergelumbang dingen rugup-ugup, dingen deleng-deleng pe kumetter itendengna. (Masmur 46 : 2-4).

Perp.

:

Terpujilah Kam Tuhan i bas keleng ateNdu si engkelini aku.

Lit.

:

IA ngenca singkawali aku dingen engkelini aku, IA penampatku, la ndigan pe aku talu. IA kap Dibata si ngkelini dingen mereken kemulian bangku, Dibata kap gegehku dingen kecionku. (Masmur 62 : 7-8)

Perp.

:

Terpujilah Kam Tuhan i bas keleng ateNdu si engkelini aku.

Lit.

:

Bagi Tuhan megiken penderkuh bangsa Israel i bas perbudaken Mesir janah ...... .......pertoton Hanna, diberu si la mupus, janah arah pertotonna e Dibata mereken Samuel, Imam si Mbelin tubuh arah bertinna. Bageme Dibata ngangkai kuga perbeben geluhta janah Dibata mereken dalan.

Perp.

:

Terpujilah Kam Tuhan i bas keleng ateNdu si engkelini aku.

1.

Kataken bujur ban Tuhan Mehuli

Tetap rasa lalap Keleng ateNa

Malem kal ateta rembak ras IA

Kataken bujur baNa

​

3.

Kataken bujur penegu-neguNa

Tetap rasa lalap keleng ateNa

Malem kal ateta nggeluh ras IA

Kataken bujur baNa

4.

Kataken bujur ban kam sampatiNa

Tetap rasa lalap keleng ateNa

Bas perbebenndu kam isampatiNa

Kataken bujur baNa

Lit.

:

Tuhu melala kebiaren i bas ndalani kegeluhen enda. Kebiaren e megati mabai kita ndabuh ku bas perukuren si ndauh i bas Dibata nari. Tempa-tempa perbebenta e gegehen asangken gegeh Dibata, bagi Daud si aru atena sanga iayak-ayak Raja Saul. Bagi kalak Israel si eraru ate sanga iayak-ayak tentera Paro i laut Teberau si erbahanca kalak Israel jungut-jungut man Dibata, lupa ia kerna rencana Dibata janah tempa-tempa Dibata la banci mulahi bangsaNa.

Lit.

:

Megati pe manusia nadingken Dibata jenari erpenalem nandangi kuasa-kuasa doni enda. Talu kita i bas perbeben geluh seh maka lupa kita padan Dibata man banta.

Perp.

:

Ngaku aku O Tuhan, kerna kelangasupen ras kelepakenku. Perbeben geluh si arusna mpebayak kinitekenku, megati enggo naluken aku. Megati kutundalken Kam erkiteken ndarami ingan cio sideban.

Perp.

:

Tuhan sampati aku i bas ernalem man baNdu. Alemilah salah lepakku.

Lit.

:

Mari tole siakuken dosanta arah ende-endenta...

Perp.

:

O Bapa, megati bera-bera ukur kami maka Kam selaku Bapa kami si megiken perbeben geluh kami. Rusur kami kiam ndarami ingan cicio si lit i bas doni. Iasamken kami me teman-teman kami, kade-kade, erta, kepentaren doni enda jadi penampat i bas geluh kami. Ngaku kami O Tuhan dingen alemilah salah ras dosa kami.

Lit.

:

Marilah kita sekalak-sekalak ertoto i bas pusuhta guna kerina kesalahen-kesalahenta i lebe-lebe Dibata.

Lit.

“La ateKu kam mate i bas dosa; tedeh ateKu kam ngakuken dosa-dosandu, sabab Aku me Tuhan Dibatandu si setia janah erkeleng ate man kalak si ngakuken dosana. Aku me Dibata si megiken pingko-pingkondu, si ngidah perbebendu, si mperdiateken kearun atendu, si mulahi kam i bas kiniseranndu nari, bagi Aku mulahi bangsaKu i bas perbudaken Mesir nari,

Lit.

bage me pe kam Ku pulahi i bas perbudaken dosa nari. Kusasapken salah ras dosandu. Emaka nggeluh lah alu setia iadep-adepenKu, ula mbiar sabab Aku si milih kam, la kam Kutadingken. Ingetlah padanKu man bandu jadi gegehndu.”

1.

Perban kekelengenNdu,

tebusiNdu dosangku.

Alu mambur darehNdu,

Geluhku jadi mbaru

Reff. Asa ngasup gegehku,

kuikutken kataNdu

Yesus kam si perkuah.

kupuji ras kusembah.

2.

Perban kekelengenNdu

ibabaiNdu dalanku

Ku dalan kesenangen

Gelah aku terkelin

Reff. Asa ngasup gegehku,

kuikutken kataNdu

Yesus kam si perkuah.

kupuji ras kusembah.

3.

Perban kekelengenNdu

jadikenNdu geluhku

Meherga ras erguna

Desken batu permata

Reff. Asa ngasup gegehku,

kuikutken kataNdu

Yesus kam si perkuah.

kupuji ras kusembah.

32.

Kalak si nterem erkusik-kusik kerna Jesus. Si enda ibegi kalak Parisi, emaka arih-arih ia ras imam-imam si mbelin; jenari isuruhna piga-piga kalak si njaga Rumah Pertoton e nangkap Jesus.

33.

Tapi nina Jesus, "Kentisik nari ngenca Aku ras kam. Kenca bage mulih Aku ndahi si nuruh Aku.

34.

Idaramindu pagi Aku, tapi la idatndu, sabap labo kam banci ku ingan si Kudahi e."

35.

Emaka sisungkun-sungkunen kalak Jahudi si erkuasa e sapih-sapih ia nina, "Ku ja kin ndia Ia pagi lawes maka la Ia si dat? Ntah kin AteNa lawes ku kuta-kuta Junani si lit i je ringan kalak Jahudi guna ngajari kalak Junani?

36.

Kai nge maksudna maka nina, ‘Idaramindu pagi Aku tapi la idatndu. Labo kam banci ku ingan si Kudahi e?’"

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

L.

²Mekuah min AteNdu aku, o Dibata, mekuah min AteNdu, sabap man BaNdu kap aku cicio. Aku cebuni i teruh KabengNdu, seh ngadi angin kaba-kaba si meter e.

P.

³Erlebuh aku man Dibata si Meganjang, man Dibata si ngkuhi kerina keperlunku.

L.

⁴I Surga nari IbegikenNa aku jenari IkeliniNa, ItalukenNa kalak si nindih aku. Icidahken Dibata maka tetap AteNa keleng man bangku dingen melias AteNa kempak aku.

P.

⁵Aku ikepung musuh, bali ras singa si ngerigep manusia. Ipenna desken lembing ras panah, dilahna desken pedang si entelap.

L.

⁶O Dibata cidahken min KemulianNdu i langit, dingen KemulianNdu i belang-belang doni enda.

P.

⁷Itogeng imbangku siding man bangku, lanai kal tanggung biarna aku. Ikalina lubang i bas dalanku, tapi ia jine gedap ku bas.

L.

⁶O Dibata cidahken min KemulianNdu i langit, dingen KemulianNdu i belang-belang doni enda.

P.

⁷Itogeng imbangku siding man bangku, lanai kal tanggung biarna aku. Ikalina lubang i bas dalanku, tapi ia jine gedap ku bas.

L.

⁸Nggo tetap ukurku, o Dibata, nggo tetap, rende aku kupuji Kam.

P.

⁹Kekelah, o tendingku, kuitlah murdap ras kulcapingku, kupekeke ateku matawari.

L.

¹⁰O TUHAN, ngataken bujur ateku man BaNdu, i tengah bangsa-bangsa. Kupuji ateku Kam, i tengah-tengah bangsa manusia.

P.

¹¹Keleng AteNdu si tetap seh ku langit, KesetianNdu seh ku awang-awang.

L.

¹²O Dibata, cidahken min KemulianNdu i langit, dingen KemulianNdu i belang-belang doni enda.

Lit.

:

Kelengilah Tuhan Dibatandu asa ukurndu, asa tendindu, asa gegehndu lit. (Ulangen 6 : 5)

Lit.

Kita enggo ipilih Dibata jadi anakNa janah enggo i sikapkenNa pe man banta si mehuli si jadi kerajangenta gelah kita ngasup naluken perbeben geluh, janah tetap erpengarapen man Dibata

Perp.

......

Perp.

Ateku tetap ras Tuhan rasa lalap, tetap nggeluh i bas rencana Dibata sienggo isikapkenNa man bangku, aminna pe melala perbebenku, erpadan aku tetap erpengendes man Tuhan

Lit.

Tuhan enggo mereken jaminen man banta maka IA me ingan cicionta si megiken pingko-pingkonta, uga dage ninta?

Perp.

......

Perp.

Tetap aku tek ras alu nteguh kucikep padan Dibata man bangku. Erpadan aku nginget perkuah ate Dibata i bas aku menaken dahinku tep-tep wari. Man Tuhan saja kuendesken perbebenku, janah kuberitaken gelarNa eme Dibata si setia ras si erkeleng ate man bangku arah perbahanenku tep-tep wari.

1.

O, Tuhan Kam me Penampat

ibas geluhku

O, Tuhan Kam cicionku

bas aru ateku

Angin meter udan meder

Kam me kubunku

O, Tuhan Kam me ikutenku

segedang geluhku

2.

Enterem imbang-imbangku

bas pertibi e

Si atena nirangkenku

ras Kam kap Tuhanku

Kawali min, cikeplah min,

lah la ku bene

O, Tuhan Kam me pengarapen segedang geluhku

Laweslah, ersaksilah kita kerna Dibata i bas kerina dampar kegeluhenta, dingen alokenlah pasu-pasuNa :

​

“IA me Dibatanta si enggo milih kita jadi persuruhenNa. Ula mbiar, ipasu-pasuNa kita, ikawalina kita janah ipegegehiNa kita guna ndahiken si ngena ateNa. IA tetap ras kita seh ku kedungen jaman”. Amin

​

Perp. : A....min, A.......min, A......min

​