IES DO CASTRO �- VIGO-

ACOSO ESCOLAR.

Calquera forma de vexación ou malos tratos continuados no tempo recibida por un alumno ou unha alumna por parte dun, dunha ou de máis iguais, de carácter verbal, físico ou psicolóxico, incluído o illamento ou baleiro social, con independencia do lugar onde se produza. Terán a mesma consideración as condutas realizadas a través de medios electrónicos, telemáticos ou tecnolóxicos que teñan causa nunha relación que xurda no ámbito escolar.

​

​

CIBERACOSO ESCOLAR.

Modalidade de acoso producido a través das TRIC (Tecnologías en la Relación la Información y Comunicación), como poden ser a mensaxaría instantánea, as redes sociais ou internet en xeral. Pode incluír a difusión de rumores a través da rede, a publicación de información falsa, a suplantación da identidade, o acoso sexual ou o envío de mensaxes ameazantes, humillantes ou insultantes a través de internet…

​

Moitas das accións vinculadas ao ciberacoso, sempre que sexan cometidas coa intención de acosar directamente a vítima, poden ser consideradas delitos. Algúns exemplos son os seguintes:

Publicación de imaxes comprometidas ou de datos delicados.

• Creación de perfís falsos.
• Alta da vítima en servizos en liña.
• Obtención das claves persoais suplantando a identidade da vítima.
• Roubo de sesións abertas en equipamentos compartidos.
• Creación ou publicación de información ou imaxes de carácter vexatorio a través da intelixencia artificial.

​

​

Por iso, para determinar se hai ou non acoso ou ciberacoso escolar cómpre analizar globalmente as circunstancias de cada caso, as repercusións da problemática creada para as persoas implicadas e a súa evolución no tempo, para poder emitir un xuízo de valor concluínte e fundamentado respecto da existencia ou non de acoso.

​

Describimos algunhas das posibles características, sendo a continuidade no tempo unha condición indispensable para ser considerado acoso ou ciberacoso escolar:

• Desigualdade. Desequilibrio de poder físico, psicolóxico, numérico e/ou social, incluíndo o derivado do dominio das TRIC, entre a vítima e a persoa acosadora, de xeito que a vítima non sexa quen de defenderse.
• Intencionalidade. Exprésase na intención consciente de facer dano (físico, verbal ou psicolóxico) a unha persoa co obxectivo de convertela en vítima. Non se trata dun dun acto fortuíto.
• Personalización. Os ataques prodúcense cara a unha mesma persoa, que é colocada desta forma nunha situación de indefensión.
• Repetición. A vítima recibe de forma continuada e sistemática ataques de diferente tipo, desde unha ou varias frontes e durante un tempo continuado. A repetición e a frecuencia están na base da definición de acoso.
•  Indefensión. A reacción típica da persoa agredida é non dicir nada. Tamén hai unha indefensión allea, ao non atopar ningunha axuda do grupo para saír da situación.
•  Humillación. Perséguese que a vítima quede humillada e danada a súa posición grupal.
•  Rexeitamento. As accións realizadas non son aceptadas pola vítima, pese a que o agresor ou a agresora as describan como unha broma ou un xogo.
•  Invisibilidade. As accións calcúlanse para se realizar en espazos -físicos ou virtuais- pouco frecuentados polas persoas adultas e en tempos escolares con menor supervisión.
•  Inhibición das persoas observadoras. As situacións de acoso normalmente son coñecidas por terceiras persoas que non contribúen suficientemente para que cese a agresión. A vítima está soa fronte a quen a agrede, e poucas ou ningunha das persoas observadoras a apoian ou a defenden.

​

​

TIPOS DE ACOSOS:

​

Acoso físico: pode ser directo (sobre a propia vítima: golpes, empurróns, beliscos etc.) ou indirecto (danos ás súas propiedades ou a outras persoas próximas a ela –irmán/s menores.

Acoso verbal: pode ser directo (insultos, alcumes, ofensas, berros, burlas, humillacións etc.) ou indirecto (difusión de rumores negativos, discriminación etc.).

Acoso psicolóxico: ameazas, intimidación, manipulación, chantaxe ou extorsión. Este tipo de acoso tamén abrangue a exclusión social, a través da cal se impide a participación e/ou a inclusión da vítima, ou se ignora a súa presenza no grupo.

Acoso sexual: calquera acto violento ou agresión baseados nunha situación de desigualdade no marco dun sistema de relacións de dominación que teña ou poida ter como consecuencia un dano físico, sexual ou psicolóxico.

​

TIPOS DE MALTRATO:

​

• Fisico: golpes, patadas, empuxóns.
• Psicolóxico: humillacións, por en ridículo, difundir rumores,
• Verbal: insultos, motes, ameazas, … .
• Social: rexeitos continuos, facer o vacío, aillamento, non permitirlle participar e comunicarse no grupo, …

​

Persoas implicadas.

• As vítimas: son as persoas que sofren as consecuencias da situación de maltrato por parte dunha ou de varias persoas agresoras. A súa actitude pode ser activa -tratando de se enfrontar á persoa ou ás persoas acosadoras- ou pasiva -reaccionando de xeito submisa ante a situación.
• As persoas acosadoras: Son as responsables de actos que abranguen o acoso ou o ciberacoso escolar.
• As persoas espectadoras: Son todas as persoas da comunidade educativa que actúan como testemuñas da situación de acoso. Poden ser compañeiros/as da vítima ou formar parte do profesorado, do persoal non docente ou das familias.

​

Vítima

Persoa acosadora

As persoas espectadoras

TRATA SEMPRE AS COMPAÑEIRAS E COMPAÑEIROS COMO CHE GUSTARÍA QUE TE TRATASEN A TI

​

Practica os valores positivos :

●Sé dialogante. O diálogo é a mellor forma de resolver as  diferenzas entre  persoas.

● Respecta as normas, tanto as do centro como as do grupo. Facilitan a  convivencia.

● Sé tolerante. Respecta as persoas, independentemente das súas ideas, crenzas ou formas de manifestarse.

​

● Practica a solidariedade. Todas as persoas necesitamos dos demais.

​

● Sé xusto na valoración dos feitos que observes. Sé imparcial.

​