L-Erbgħa
tat-Tielet Ġimgħa
tal-Avvent
Qari mill-Ktieb tal-
Profeta Iżaija
Iż 45, 6b-8.18.21b-25
“Jiena l-Mulej, m’hemmx ieħor ħliefi. Jien sawwart id-dawl u ħlaqt id-dlam;
jien nagħmel ir-riżq u noħloq id-deni;
jiena l-Mulej, li nagħmel dan kollu. Qattru, smewwiet, mill-għoli, u jraxxax is-sħab il-ġustizzja;
tinfetaħ l-art u tinbet
is-salvazzjoni, u tinbet magħha l-ġustizzja.
Jiena l-Mulej, jien ħlaqtha.”
Għax dan jgħid il-Mulej
li ħalaq is-smewwiet;
Hu li hu tassew Alla, li sawwar l-art, għamilha u wettaqha,
ma ħalaqhiex għall-baħħ, sawwarha biex jgħammru fiha:
“Jien hu l-Mulej, u m’hemm ħadd ħliefi! Mhux jien il-Mulej? U ma hemm ebda Alla ħliefi;
Alla ġust u salvatur, ma hemm ħadd għajri.
Duru lejja mill-ġdid, truf kollha tal-art, u intom tkunu salvi!
għax jien hu Alla, u ma hemm ħadd ħliefi! Bija nnifsi ˙lift, minn fommi ħarġet il-ġustizzja, u
l-kelma ma terġax lura:
għax quddiemi tiltewa kull irkoppa, bija jaħlef kull ilsien.”
Għalija għad jgħidu:
‘Fil-Mulej waħdu hemm
il-ħaqq u l-qawwa!’
Għandu għad jiġu, kollhom mistħija, dawk kollha li nkurlaw għalih.
Fil-Mulej isib il-ġustizzja
u jitfaħar in-nisel kollu ta’ Iżrael.
Il-Kelma tal-Mulej
R:/ Irroddu ħajr lil Alla
R./ Qattru, smewwiet, mill-għoli, u jraxxax
is-sħab il-ġustizzja
Salm Responsorjali
Ħa nisma’ xi jgħid Alla;
il-Mulej is-sliem ixandar.
Qrib hi tassew
is-salvazzjoni tiegħu għal dawk li jibżgħu minnu,
biex jgħammar is-sebħ f’artna.
R./ Qattru, smewwiet, mill-għoli, u jraxxax
is-sħab il-ġustizzja
It-tieba u l-fedeltà jiltaqgħu,
il-ġustizzja u s-sliem jitbewsu.
Il-fedeltà mill-art tinbet,
u l-ġustizzja mis-sema tixref.
R./ Qattru, smewwiet, mill-għoli, u jraxxax
is-sħab il-ġustizzja
Il-Mulej ukoll jagħti ġid tiegħu,
u artna tagħti l-frott tagħha.
Il-ġustizzja quddiemu timxi,
u s-sliem fuq il-passi tiegħu.
R./ Qattru, smewwiet, mill-għoli, u jraxxax
is-sħab il-ġustizzja
Hallelujah, Hallelujah
Għolli leħnek bil-qawwa kollha,
int li tagħti l-aħbar it-tajba;
hawn hu Sidi l-Mulej, li ġej bil-qawwa.
Hallelujah, Hallelujah
Qari mill-Evanġelju skont
San Luqa
Lq 7, 19-23
R:/ Glorja lilek Mulej
F’dak iż-żmien, Ġwanni sejjaħ tnejn mid-dixxipli tiegħu u bagħathom għand il-Mulej biex jistaqsuh:
“Inti huwa dak li għandu
jiġi, jew nistennew lil ħaddieħor?”
Kif dawk it-tnejn waslu ħdejh qalulu:
“Ġwanni l-Battista bagħatna għandek biex nistaqsuk:
‘Inti huwa dak li għandu jiġi, jew nistennew lil ħaddieħor?’ ”
Dak il-ħin stess Ġesù fejjaq ħafna nies mill-mard,
mit-tbatijiet u mill-ispirti ħżiena, u lil bosta għomja għoġbu jagħtihom id-dawl.
Imbagħad wieġeb u qalilhom:
“Morru agħtu lil Ġwanni
l-aħbar ta’dak li rajtu u smajtu; kif l-għomja qegħdin jerġgħu jaraw,
iz-zopop jimxu,
l-lebbrużi jfiqu, it-torox jisimgħu, il-mejtin iqumu, u kif il-bxara t-tajba qiegħda tixxandar lill-fqar.
Hieni hu min ma jitfixkilx
minħabba fija!”
Il-Kelma tal-Mulej
R:/ Tifħir lilek Kristu
L-Erbgħa
tat-Tielet Ġimgħa
tal-Avvent