Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Junita Br. Surbakti, S.Th.
Minggu xx kenca TRINITATIS
(Minggu zending)
22 Oktober 2023
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
Kata Pengalo-ngalo
Kata Penaruh
1. | Pujilah Tuhan si Badia I rumahNa si dem kemulian KuasaNa i doni ras surga perbahanenNa si Mbisa Reff: Kupuji Kam o Dibatangku Ku puji Kam bas geluhku Alu sora si megang rende kupuji Tuhan surak Haleluya |
KEE No. 448 : 1 – 2
Perpulungen Tedis
2. | Pujilah Tuhan Si Badia Si kundul i kursi kemulian Ibas ingan simeganjangna Malekat pe muji Tuhan Reff: Kupuji Kam o Dibatangku Ku puji Kam bas geluhku Alu sora si megang rende kupuji Tuhan surak Haleluya |
KEE No. 448 : 1 – 2
VOTUM & SALAM
Emaka jagailah dirindu dingen jagai pe kerina kalak si nggo itetapken Kesah Si Badia man kepkepenndu. Permakanilah perpulungen Tuhan si nggo ItebusiNa alu engkorbanken DiriNa seh mate.
(Perb. 20 : 28)
1. | Ku sembah Kam bas geluhku o Tuhanku PedahNdu me tetap jadi gelemenku Dame geluhku adi ras Kam o Tuhanku Lalit kebiaren malem tuhu pusuhku Pasu-pasuNdu tetaplah min ras aku |
KEE No. 433 : 1,3
3. | Kam min tetap si ngiani pusuhku Kam min tetap si ngajari ukurku Demi min geluhku alu lias ateNdu Jadi t’rang si ersinalsal sekelewetku BereNdu gegeh man bangku o Tuhanku |
KEE No. 433 : 1,3
Perpulungen kundul
Pujin man tuhan
Lit. | Perbahanen ras kekelengen Tuhan tuhu-tuhu mbelin man doni enda alu nuruh AnakNa ku doni enda lako nebusi dosa manusia gelah terkelin. |
Perp. | Ngataken bujur kami man baNdu o Tuhan, sabab enggo aloken kami berita perkuah AteNdu si mbelin si nebusi dosa kami seh maka kami tek dingen terkelin |
Pujin man tuhan
Lit. | Tuhan si dem alu perkuah ate ... ...sipuji Tuhan si enggo nuduhken keleng ate ras kemulianNa erkelang-kelangken Perberita si meriah si enggo reh kutengah-tengahta |
Perp. | Ipuji dingen isembah kami Kam Tuhan, sabab i idah dingen igejapken kami keleng ate ras kemulianNdu, arah Perberita si meriah si enggo isuruhNdu. |
Pujin man tuhan
Lit. | Kesah si Badia erdahin guna pengasup gerejaNa nehken Berita si Meriah e ku kerina tinepaNa. |
Perp. | Bujur o Tuhan, i bas Kam enggo mereken Kesah si Badia si mpengasup kami guna ersaksi kerna keterkelinen si enggo ipadankenNdu man kerina tinepaNdu. |
1. | Si pujilah Dibata Peb’linken gelarNa Kataken bujur bas k’rina paksa Senang tah susah kataken bujur Reff: Inget Dibata inget kekelengenNa Geluhta enda IA sinepasa Inget Dibata inget kuasaNa lalit metahat ilebe-lebeNa |
KEE No. 421 : 1,3
3. | Pehagalah Dibata IA kap si Badia Sembah pujiNta man baNa saja Peganjang IA bas si nasaNa Reff: Inget Dibata inget kekelengenNa Geluhta enda IA sinepasa Inget Dibata inget kuasaNa lalit metahat ilebe-lebeNa |
KEE No. 421 : 1,3
Kinilangasupen guna erberita
Lit. | Ngidah belinna kekelengen Tuhan man banta, maka i bas kesempaten enda, mari tulihken ku bas pusuhta. Kuga nge sedekah enda i bas kita nggejapken kuasa ras keleng ate Tuhan, jenari ertutus ate ngayuken pendilo Dibata guna meritaken kuasa, keleng ateNa, ras meritaken Berita si Meriah |
PAKSA TENENG
KEE No. 417 : 1-2
1. | Kam Yesus Tuhanku palas kegeluhenku Reh aku ngadap man baNdu Tegulah min aku ibas ndalani geluhku ‘Lah ula celus nahengku Reff. Dengkehken sorangku erlebuh o Tuhan Ngendesken pingko-pingkoku Alemi min salah dosangku o Tuhan ‘Lah atan bas kiniulin |
KEE No. 417 : 1-2
2. | Kam Yesus Tuhanku, sampati min geluhku Alemi Tuhan dosangku La kap lit terligen ibas adep-adepenNdu Kerina salah lepakku Reff. Dengkehken sorangku erlebuh o Tuhan Ngendesken pingko-pingkoku Alemi min salah dosangku o Tuhan ‘Lah atan bas kiniulin |
Lit. | : | Kata Dibata si mpengasup kita guna erberita si Meriah: “Kupindoken man Dibata i bas kinibayakenNa si la ersibar iberekenNa man banta kuasa arah KesahNa guna mpegegehi pusuh peratenta” (Bdk. Epesus 3:16). |
Perpulungen tedis
Pedah dibata si mpengasup kita guna erberita si meriah
1. | O Tuhan Kam si nemani aku, Kukataken lalap bujur baNdu, Gegeh kuasaNdu benteng geluhku Dame ban keleng ateNdu Ras ngaloken pasu-pasuNdu |
KEE 373 : 1-2
2. | O Tuhan mbelin kal kuasaNdu B’reNdu denga tetap gegeh bangku Geluhku ibas keleng ateNdu Tetap dame teneng tendingku Tetap dame teneng tendingku |
KEE 373 : 1-2
Ngoge Kata Dibata Jesaya 40 : 6 – 9
(Tunggal)
Perpulungen kundul
6. | Lit sora erlebuh nina, "Momokenlah!" Ningku nungkunsa, "Kai si man momonken?" "Momokenlah maka kerina manusia desken dukut-dukut ngenca; bagi rudang-rudang i mbal-mbal kiniulinna kentisik ngenca. |
7. | Dukut-dukut kerah, rudang-rudang pe melus, adi isuruh TUHAN ku je angin rembus. Tuhu, jelma manusia desken dukut saja kap ngenca. |
8. | Dukut-dukut ras rudang-rudang pe melus kap, tapi kata Dibatanta tahan rasa lalap. |
jesaya 40 : 6 – 9
9. | O Jerusalem, nangkihlah deleng si meganjang, momoken berita si mehuli. O Sion erlebuhlah alu sora megang, momoken berita si mehuli Momokenlah ula mbiar. Momoken man kuta-kuta Juda. "Dibatandu nggo reh." |
jesaya 40 : 6 – 9
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Jesus Tetap ras PersuruhenNa”
Johanes 12 : 20 - 26
(Tunggal)
Pdt. Junita Br. Surbakti, S.Th.
20. | I bas jelma si nterem si lawes ku Jerusalem guna ngikuti kebaktin i bas wari raya e, lit piga-piga kalak Junani. |
21 | Ijumpaina Pilipus (ia i Betsaida daerah Galilea nari) jenari nina, "O, tuan mesikel kal kami jumpa ras Jesus." |
Johanes 12 : 20 – 26
22. | Idahi Pilipus si Andereas, jenari iturikenna sura-sura kalak Junani e man bana. Kenca bage duana ia lawes ngatakenca man Jesus. |
23 | Ngaloi Jesus man bana duana, "Genduari nggo seh paksana, Aku, Anak Manusia persuruhen Dibata ipermuliaken. |
Johanes 12 : 20 – 26
24. | Kukataken man bandu: Si tuhuna sengkebuah page labo reh buena adi la kin isuanken dingen mate. Adi benih e isuanken dingen mate, melala me buahna. |
Johanes 12 : 20 – 26
25. | Kalak si engkelengi geluhna si i doni enda, bene kap kegeluhenna e. Tapi kalak si nembeh atena geluhna si i bas doni enda, kegeluhen si tuhu-tuhu dingen si rasa lalap tetap jadi sikerajangenna. |
Johanes 12 : 20 – 26
26. | Ise atena jadi persuruhenKu, ikutkennalah Aku; gelah persuruhenKu tetap ras Aku amin i japa pe Aku ringan janah persuruhenKu ipehaga BapangKu." |
Johanes 12 : 20 – 26
Tema :
“Jesus Tetap ras PersuruhenNa”
Johanes 12 : 20 - 26
Pdt. Junita Br. Surbakti, S.Th.
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “O senina-seninangku, nginget perkuah ate Dibata si mbelin si isehkenNa man banta, kupindo man bandu: endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur” (Roma 12 : 1) |
(Perpulungen Kundul)
1. | Nginget perkuah Dibata si mbelin Si isehkenNa man banta k’rina kin Ibas kerina dampar kegeluhen I doni si dem alu keguluten Reff. Endeskenlah kulanta man Dibata Kerinana si lit ibas geluhta Selaku persembahenta si nggeluh Em persembahen si ngena ateNa |
KEE No. 302 : 1 –
2. | Sabab bage me arusna kita kin Ersembah man Dibatanta si mejin Si nggo m’reken man banta manusia Keg’luhen si mehuli ras badia Reff. Endeskenlah kulanta man Dibata Kerinana si lit ibas geluhta Selaku persembahenta si nggeluh Em persembahen si ngena ateNa |
KEE No. 302 : 1 –
3. | Marilah k’rina sipuji Dibata Janah sipeteruk ka pe ukurta Alu bage si dat sura-suraNa Kai si mehuli ras ngena ateNa Reff. Endeskenlah kulanta man Dibata Kerinana si lit ibas geluhta Selaku persembahenta si nggeluh Em persembahen si ngena ateNa |
KEE No. 302 : 1 –
Lit. | Turang ras senina, enggo si idah kuga belinna keleng ate ras kuasa Dibata si engkelini geluhta |
Perp. | Erpadan kami Tuhan tetap nginget dingen nggejapken perkuah AteNdu si mbelin si nemani geluh kami. |
Perpadanen man dibata
Perpulungen tedis
Lit. | Keleng ate ras kuasa Tuhan tetap… … Si Meriah. Pemberkenlah Berita e, subuk tengteng ras la tengteng paksana. Teruskenlah erberita! |
Perp. | Erpadan kami Tuhan, iergaken kami rumat Perberita Si Meriah alu ngayuken pendiloNdu, meritaken keleng ate, kuasaNdu ras Berita Si Meriah. Ijenda aku Tuhan, suruhlah aku! |
Perpadanen man dibata
1. | Si b’ritaken b’rita si meriah Ulanai pedekah-dekah Ku sebelang-belang doni enda Seh ku kerina bangsa-bangsa Yesus kap simada persuruhen Mari dage siberitaken Reff. Siberitakenlah kata ni Dibata Kesah si Badia kap si peturahsa Cidahken arah kata ras perbahanen Jadi kesaksin man jelma si enterem |
KEE No. 400 : 1,3
3. | Ersinalsal gelah terang Tuhan Ibas kita perpulungenNa Si persingeti k’rina temanta Maka turah nuhit ukurna Sipeteguhilah kiniteken Seh kerehen wari Tuhannta Reff. Siberitakenlah kata ni Dibata Kesah si Badia kap si peturahsa Cidahken arah kata ras perbahanen Jadi kesaksin man jelma si enterem |
KEE No. 400 : 1,3
Laweslah ku kerina bangsa manusia, bahanlah ia jadi ajar-ajarku... ... Guna si e, alokenlah pasu-pasu idur Dibata nari : “Dibata si mada perkuah ate, si enggo nenahken kam ku kemulianNa si rasa lalap i bas Kristus, sinjadiken kam serta, tetap, megegeh dingen paguh. IA me si Mada Kuasa seh rasa lalap”. Amin. Perp. : A....min, A.......min, A......min |
Paksa teneng
Selamat Wari Minggu