Is-Sibt
tal-Ottava tal-Għid
Glorja `l Alla fil-għoli
tas-smewwiet, u paċi fl-art lill-bnedmin ta’ rieda tajba.
Infaħħruk,
inberkuk,
nadurawk,
nagħtuk ġieh.
Inroddulek ħajr
għall-glorja kbira tiegħek. Mulej Alla, Sultan
tas-sema,
Alla Missier li tista’ kollox.
Mulej Iben waħdieni, Ġesù Kristu,
Mulej Alla, Ħaruf ta’ Alla, Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna.
Int li qiegħed fuq il-lemin tal-Missier, ħenn għalina. Għaliex Int waħdek Qaddis, Int waħdek Mulej,
Int waħdek il-għoli,
Ġesu’ Kristu, ma’ l-Ispirtu
s-Santu:
fil-glorja tal-Missier Alla.
Ammen.
Is-Sibt
tal-Ottava tal-Għid
Qari mill-Ktieb�tal-Atti tal-Appostli�Atti 4, 13-21�
F’dak iż-żmien, il-kapijiet tal-Lhud u x-xjuħ u
l-kittieba, meta raw
il-kuraġġ li bih Pietru u Ġwanni kienu tkellmu,
baqgħu mistagħġba bihom, għax kienu jafu kemm dawn kienu nies sempliċi u bla tagħlim, u fehmu sewwa li kienu nies ta’
madwar Ġesù; imma meta raw ir-raġel li kien imfejjaq, wieqaf hemm ħdejhom, ma kellhom ħila jwieġbu xejn.
Imbagħad ġagħluhom joħorġu barra
mis-Sinedriju, qagħdu jitħaddtu bejniethom u bdew jgħidu:
“X’se nagħmlu bihom dawn in-nies? Għax in-nies kollha ta’ Ġerusalemm jafu li dan il-miraklu sar permezz tagħhom;
u dan aħna ma nistgħux niċħduh.
Imma, biex dan ma jixteridx aktar fost
il-poplu, ejjew nhedduhom biex ma jsemmu dan l-isem ma’ ħadd iżjed”.
Għalhekk reġgħu sejħulhom, u ordnawlhom biex b’ebda mod ma jitkellmu jew jgħallmu fl-isem ta’ Ġesù.
Imma Pietru u Ġwanni weġbuhom:
“Għidulna intom jekk hux
sewwa quddiem Alla li aħna nisimgħu aktar minnkom milli minn Alla;
għax aħna ma nistgħux ma nitkellmux fuq dak li rajnau smajna”.
Imbagħad reġgħu hedduhom u telquhom, għaliex minħabba l-poplu ma għarfux kif jaqbdu jikkastigawhom,
għax kulħadd kien qiegħed jagħti glorja lil Alla għal dak li ġara.
Il-Kelma tal-Mulej
R:/ Irroddu ħajr lil Alla
R:/ Niżżik ħajr, Mulej, talli weġibtni
Salm Responsorjali
Faħħru l-Mulej, għaliex hu tajjeb, għax għal dejjem
it-tieba tiegħu!
Qawwa tiegħi u għana tiegħi l-Mulej;
hu kien għalija
s-salvazzjoni tiegħi.
Għajjat ta’ ferħ u rebħ
fl-għerejjex tat-tajbin:
il-leminija tal-Mulej għamlet ħwejjeġ ta’ ħila!
R:/ Niżżik ħajr, Mulej,
talli weġibtni
Il-leminija tal-Mulej ’il fuq merfugħa,
il-leminija tal-Mulej għamlet ħwejjeġ ta’ ħila.
Ma mmutx, imma nibqa’ ngħix, u nħabbar
L-għemejjel tal-Mulej. Ħaqarni tassew il-Mulej, iżda ma telaqnix għall-mewt.
R:/ Niżżik ħajr, Mulej,
talli weġibtni
Iftħuli l-bibien
tal-ġustizzja; ħa nidħol minnhom u rrodd ħajr
lill-Mulej.
Dan hu bieb il-Mulej;
il-ġusti jidħlu minnu.
Niżżik ħajr talli weġibtni
u kont għalija s-salvazzjoni tiegħi.
R:/ Niżżik ħajr, Mulej, talli weġibtni
Hallelujah, Hallelujah
Dan hu l-jum li għamel
il-Mulej;
ħa nifirħu u nithennew fih!
Hallelujah, Hallelujah
Qari mill-Evanġelju skont
San Mark
Mk 16, 9-15
R:/ Glorja lilek Mulej
Wara li qam mill-mewt filgħodu kmieni fl-ewwel jum tal-ġimgħa Ġesù deher l-ewwel lil Marija ta’ Magdala,
li minnha kien keċċa seba’xjaten. Din marret tħabbar kollox lil sħabu, li kienu qalbhom sewda u jibku.
Imma dawn, meta semgħuha tgħid li hu kien ħaj u li ratu, ma emmnuhiex.
Wara dan, wera ruħu taħt sura oħra lil tnejn minnhom huma u sejrin bil-mixi lejn ir-raba’.
U huma reġgħu lura u taw
l-aħbar lill-oħrajn, imma anqas lil dawn ma emmnuhom.
Fl-aħħar wera ruħu
lill-Ħdax stess waqt li kienu fuq il-mejda,
u ċanfarhom talli kienu nieqsa mill-fidi u hekk rashom iebsa li ma emmnux lil dawk li kienu rawh wara li qam mill-mewt. U qalilhom:
“Morru fid-dinja kollha, xandru l-Evanġelju
lill-ħolqien kollu”.
Il-Kelma tal-Mulej
R:/ Tifħir lilek Kristu
Is-Sibt
tal-Ottava tal-Għid