It-Twelid ta’ Sidna Ġesù Kristu
Quddiesa tas-Sebħ
Glorja `l Alla fil-għoli
tas-smewwiet, u paċi fl-art
lill-bnedmin ta’ rieda tajba.
Infaħħruk, inberkuk, nadurawk, nagħtuk ġieh. Inroddulek ħajr għall-glorja kbira tiegħek.
Mulej Alla,
Sultan tas-sema,
Alla Missier li tista’ kollox. Mulej Iben waħdieni,
Ġesù Kristu,
Mulej Alla, Ħaruf ta’ Alla,
Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna. Int li qiegħed fuq il-lemin
tal-Missier, ħenn għalina. Għaliex Int waħdek Qaddis,
Int waħdek Mulej,
Int waħdek il-għoli,
Ġesù Kristu,
ma’ l-Ispirtu s-Santu:
fil-glorja tal-Missier Alla. Ammen.
It-Twelid ta’ Sidna Ġesù Kristu
Quddiesa tas-Sebħ
��
Qari I
Arah ġej is-Salvatur tiegħek.
Qari mill-Ktieb
tal- Profeta Isaija Is 62, 11-12
Araw, il-Mulej isamma’
leħnu sa truf l-art:
“Għidu lil bint Sijon:
Arah, ġej is-salvatur tiegħek!
Arah bil-prezz f’idu
u l-ħlas quddiemu.
U jibdew isejħulhom
Poplu qaddis,
il-Mifdijin tal-Mulej.
U lilek isejħulek l-Imfittxija,
il-Belt qatt abbandunata”.
Il-Kelma tal-Mulej
℟ Irroddu ħajr lill Alla
Salm Responsorjali
Salm 96 (97), 1.6. 11-12
℟ Illum jiddi fuqna d-dawl, għax twildilna l-Mulej
Il-Mulej isaltan!
Ħa taqbeż l-art bil-ferħ,
u jifirħu l-ħafna gżejjer!
Ixandru s-smewwiet
il-ġustizzja tiegħu;
jaraw il-popli kollha
s-sebħ tiegħu.
℟ Illum jiddi fuqna d-dawl, għax twildilna l-Mulej
Ifeġġ id-dawl fuq il-ġust,
u l-hena għal qalb
in-nies sewwa.
Ifirħu, ġusti, fil-Mulej,
u faħħru l-isem qaddis tiegħu.
℟ Illum jiddi fuqna d-dawl, għax twildilna l-Mulej
Qari II
Hu salvana minħabba fil-ħniena tiegħu.
Qari mill-Ittra ta’
San Pawl Appostlu lil Titu Tit 3, 4-7
Għażiż, meta feġġet it-tjieba
ta’ Alla, Salvatur tagħna,
u l-imħabba tiegħu
għall-bnedmin,
hu salvana bil-ħasil ta’
twelid ġdid u t-tiġdid
tal-Ispirtu s-Santu,
mhux minħabba l-opri
tajba li stajna għamilna aħna,
iżda minħabba
l-ħniena tiegħu.
Dan l-Ispirtu hu xerrdu
bil-kotra fuqna
b’Ġesù Kristu,
is-Salvatur tagħna,
biex bis-saħħa
tal-grazzja tiegħu
nitqaddsu u nsiru werrieta
tal-ħajja ta’ dejjem
skont it-tama li għandna.
Il-Kelma tal-Mulej
℟ Irroddu ħajr lill Alla
Hallelujah
Hallelujah
Glorja lil Alla fl-ogħla
tas-smewwiet,
u sliem fl-art lill-bnedmin
li jogħġbu lilu!
Hallelujah
Hallelujah
Evanġelju
Sabu lil Marija u lil Ġużeppi u t-tarbija.
✠ Evanġelju skont
San Luqa Lq 2, 15-20
Meta mbagħad l-anġli ħallewhom u telgħu s-sema,
ir-rgħajja bdew jgħidu lil xulxin: “Ejjew immorru Betlehem ħa naraw x’ġara kif għarrafna l-Mulej”.
Marru mela jgħaġġlu,
u sabu lil Marija u lil Ġużeppi bit-tarbija mimduda f’maxtura.
Kif raw dan, bdew jgħarrfu b’kulma kien intqal lilhom dwar dik it-tarbija,
u kull min semagħhom baqa’ mistagħġeb b’dak li qalulhom ir-rgħajja.
Marija, min-naħa tagħha, baqgħet tgħożż f’qalbha dawn il-ħwejjeġ kollha u taħseb fuqhom bejnha u bejn ruħha.
Ir-rgħajja mbagħad reġgħu lura,isebbħu u jfaħħru lil Alla għal kulma kienu raw u semgħu, kif l-anġlu kien qalilhom.
Il-Kelma tal-Mulej
℟ Tifħir lilek Kristu
It-Twelid ta’ Sidna Ġesù Kristu
Quddiesa tas-Sebħ
Jiena nemmen f’Alla wieħed,
il-Missier li jista’ kollox,
li ħalaq is-sema u
l-art, dak kollu li jidher
u dak li ma jidhirx.
U f’Mulej wieħed Ġesù Kristu, Iben waħdieni ta’ Alla,
imnissel mill-Missier
qabel kull żmien.
Alla minn Alla, dawl minn dawl, Alla veru minn Alla veru, imnissel mhux magħmul, natura waħda mal-Missier
u bih sar kollox.
Niżel mis-smewwiet għalina
l-bnedmin u għall-fidwa
tagħna. U ħa l-ġisem
bis-setgħa tal-Ispirtu
s-Santu minn Marija Verġni
u sar bniedem. Sallbuh għalina, bata taħt Ponzju Pilatu, miet u difnuh,
u fit-tielet jum qam
minn bejn l-imwiet, skont
il-Kotba mqaddsa,
u tela’ s-sema, u qieghed fuq
il-lemin tal-Missier.
U għandu jerġa jiġi
bil-glorja biex jagħmel ħaqq
mill-ħajjin u mill-mejtin, u
s-saltna tiegħu ma jkollhiex tmiem. U fl-Ispirtu s-Santu, Mulej li jagħti l-ħajja li ġej mill-Missier u mill-Iben:
li Hu meqjum u mweġġah flimkien mal-Missier u
mal-Iben. Hu li tkellem b’fomm il-profeti.
U fi Knisja waħda,
qaddisa, kattolika,appostolika.
Nistqarr magħmudija waħda
għall-maħfra tad-dnubiet.
U nistenna l-qawma
mill-imwiet, u l-ħajja
taż-żmien li ġej.
Ammen.
It-Twelid ta’ Sidna Ġesù Kristu
Quddiesa tas-Sebħ
AWGURI