1.

Puji Tuhan Haleluya

Wari enda wari Dibata

Pulung kita k’rina jenda

Rende nembah muji gelarNa

Reff. Haleluya, haleluya

Puji gelarNa

Haleluya, haleluya

Puji gelarNa

2.

Asa Kristen japa gia

Puji Tuhan si perkeleng e

Ia si nangtangi kita

I bas kuasa si gelap e

Reff. Haleluya, haleluya

Puji gelarNa

Haleluya, haleluya

Puji gelarNa

1.

Man baNdu Raja G’reja,

isehken kami bujur

Kam kap si njayamsa

Geluh perpulungenNdu

Pasu-pasuNdu Tuhan

Kuse min bagi udan

Maka serayanNdu Idemi kuasandu

Latih ia la mbiar Ukurna tetap nggintar

Kek’lengenNdu simpar

B’ritaNdu jadi mbincar

2.

Bahanlah min o,

Tuhan erdolat serayanNdu

Ngayu ras tersuan ngaloken pendiloNdu

Ukur, pengarapenna

man baNdu saja ngenca

Tutus ras setia, kataNdu la tersia

Lagu langkah muliah,

e Kam si pesikapsa

Tutus kal ateNa

mbarken kata Dibata

Lit.

:

Alu Kuasa Dibata, itetapkenNa serayanNa guna nehken sura-suraNa ku doni enda. Adi si tulihken ku bas perdalanen geluhta, kuga nge ndia ketutusenta i bas ngikutken pendiloNa

Serayan

:

...

Serayan

:

Ngaku kami Tuhan, kurang denga waktu kami, ertoto alu tutus kerna dahin-dahin gerejaNdu, bage pe notoken kerina serayanNdu. Mekatep kami lupa, maka kami serayanNdu, arus nggeluh sitatangen i bas toto. O Tuhan alemilah kami.

Nora/

Naras

:

.....

Nora/

Naras

:

Ngaku kami o Tuhan, kami pe selaku nora ras naras, kurang denga waktu kami, ertoto guna kiniulin dahin serayanNdu. O Tuhan alemilah kami.

Perp.

:

Selaku perpulungenNdu, kami pe ngaku o Tuhan, maka kurang denga kami natang serayanNdu i bas pertoton, gelah megegeh ia ndahiken dahin gerejaNdu. O Tuhan alemilah kami.

1.

O Tuhanku o, Dibatangku

Rusur aku nimbak pedahNdu

Nggo meluat k’rina geluhku

Labo dame banna pusuhku

​

2.

O Tuhanku o, Dibatangku

Kutungtungken ukurku baNdu

Ras mekuah ateNdu aku

Sasapkenlah salah dosangku

3.

O Tuhanku o, Dibatangku

Kuikutken pedah-pedahNdu

Ras pembarken kinirajaNdu

Janah tetap jadi saksiNdu

​

Lit.

:

Kenca bage sada i bas malekat Serafim ndai nari kabang ndahi aku. Ibabana rara si ibuatna i bas batar-batar persembahen nari alu jepit-jepit. Ikuitna biberku alu rara ndai, jenari nina, “Rara enda enggo ngkenai biberndu, e maka genduari salahndu enggo masap janah dosandu enggo ialemi”. (Yesaya 6:6-7)

1.

Anem dosangku mekelat megara

IsalihkenNdu me jadi mbentar

Kam kap erbanca geluh meherga

Kugejap tuhu kelengNdu simpar

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

2.

Ukur pinter ras bujur nge pindoNdu

Pusuh si getem ngena ateNdu

Demi pusuhku alu liasNdu

Gelah ku pembarken min kataNdu

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

Lit.

³³O TUHAN, ajarken bangku pengertin undang-UndangNdu, gelah kuikutken seh kedungenna.

Perp.

³⁴Terangken bangku undang-UndangNdu, maka kuikutken, kudalanken alu bulat ukurku.

Lit

³⁵Bahan maka kuerti dingen kupatuhi undang-UndangNdu, sabap i bas matuhisa dat aku kemalemen ate.

Perp.

³⁶Bereken bangku kerincuhen ngikutken undang-UndangNdu, lebihen asangken kerincuhen jadi kalak bayak.

Lit

³⁷Jagai min aku maka ula kuayaki si sea-sea, pegeluh min aku sue ras PadanNdu.

Perp.

³⁸Cikeplah enteguh PadanNdu man bangku suruh-SuruhenNdu, padan si IbahanNdu man kalak si erkemalangen man BaNdu.

Lit

³⁹Pedauh min i bas aku nari penaling-nalingen si kubiari, andiko jilena keputusen-KeputusenNdu.

Perp.

⁴⁰Metedeh ateku aturen-AturenNdu, bereken bangku kegeluhen si mbaru, erkiteken KebenarenNdu.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

​

Perp.

:

(iendeken)

Ha le lu ya, Ha le lu ya, Ha le lu ... ya.

23.

Kenca Petrus ras Johanes ibebasken, minter ia lawes ndahi teman-temanna. Iturikenna man teman-temanna e kai si nggo ikataken imam-imam si mbelin ras pertua-pertua.

24.

Kenca teman-temanna megi si e, ertoto ia kerina ras-ras man Dibata nina, "O Tuhan, Kam kap si njadiken langit, doni, ras lawit bage pe kerina isina.

25.

I bas Kesah Si Badia nggo ngerana Kam arah nini kami Daud PersuruhenNdu, asum nina, ‘Ngkai maka merawa ate bangsa-bangsa si deban; ngkai maka ia erbahan rencana si sia-sia?

26.

Raja-raja doni nggo ersikap janah kalak si erkuasa nggo pulung guna ngelawan Tuhan Dibata ras Si Engkelini si nggo IpilihNa.’

27.

Tuhu nggo pulung i bas kuta enda Herodes, Pontius Pilatus ras bangsa-bangsa si deban bage pe bangsa Israel guna ngelawan Jesus, PersuruhenNdu si Badia, si nggo ItetapkenNdu jadi Raja.

28.

Pulung ia guna ndalanken kerina si nggo ItetapkenNdu nai nari alu kuasa ras PeratenNdu.

29.

Janah genduari, o Tuhan, perdiatekenlah kuga ancamen nandangi serayanndu, janah berelah kami suruh-SuruhenNdu, guna meritaken KataNdu alu la biar-biaren.

30.

Dudurken TanNdu guna pepalem kalak si penakiten janah bahanlah maka jadi tanda-tanda sengget si mbelin i bas gelar Jesus PersuruhenNdu si Badia e."

31.

Kenca dung kalak e ertoto, mugur-mugur rumah inganna pulung e. Kerina ia dem alu Kesah Si Badia jenari alu ukur si tetap iberitakenna kata Dibata.

Lit.

:

“Bahan persembahen man bangKu. Janah Kualoken me persembahen si ibereken kalak alu ukur ersuruh.

(Keluaren 25:2)

1.

Kita k’rina anak-anak Tuhan

Ersada arih ibas perpulungen

Pandita pertua ras diaken

Tutus ngelai raduken perpulungen

Cidahkenlah dage kegeluhen

Sentudu kata ras perbahanen

Dage dalankenlah si isuruh Tuhan

​

2.

Nggeluh ‘lah kita jadi saksiNa

Ersada tetap ibas perpulungen

Ibas nehken kinitekenta pe

kekelengenNa jadiken persukuten

Sehkenlah sura-sura Tuhanta

Ngelai, ersaksi bas persadan

Malem me ateta ibas kegeluhen

Lit.

:

Dibata enggo milih dingen ndilo kam jadi serayanNa guna nehken sura-suraNa i doni enda.

Serayan

:

Erpadan kami Tuhan, tutus ateku ngikutken pendiloNdu, dingen ertanggungjabab ndahiken dahin si enggo iampekenNdu man bangku

Lit.

:

Dibata empersadaken kita i bas kula ni Kristus. IdiloNa kita guna natang serayanNa arah pertoton.

Nora/ Naras

:

Erpadan kami o Tuhan, ertutus ate notoken serayanNdu, gelah serayanNdu pentar dingen setia i bas ndahiken dahin gerejaNdu.

Lit.

:

Perpulungen eme rarasen dingen keluarga Kristus. Perpulungen pe idilo Dibata natang serayanNa i bas pertoton, gelah megegeh ras pentar i bas ndahiken dahin Tuhan.

Perp.

:

...

Perp.

:

Erpadan kami o Tuhan, tutus ate kami notoken serayanNdu ras jabu serayanNdu, gelah ngasup ia ras keluargana, gelah reh ngasupna ia ndahiken dahin Tuhan. Jabuna jadi kemulian man baNdu, dingen jadi pasu-pasu man perpulungenNdu.

1.

Yahwe me Permakanku

Tendingku nggo menang

ItaruhkenNa geluhku

La kai pe sikurang

​

5.

Sedekah umur geluhku

LiasNdu tergejap

Ingan tetap seh sidikku

Bas Kam rasa lalap

Berkatlah kita ndalani kegeluhenta, megenggenglah kita i bas meritaken berita si Meriah, sabab Dibata si enggo milih kita ndahiken dahin e, dingen alokenlah pasu-pasu idur Dibata nari :

​

Ipasu-pasu janah ikawali Dibata kita, siang ayo Dibata ersinalsal ibabonta. Janah melias ateNa ngenehen kita. Itatap Dibata ku kita, janah malem ateta ibahan-Na. Amin.

​

Perp. : A....min, A.......min, A......min