1.

Pulung m’riah kal kami kerina

Jumpa ibas rumah si Badia

Aloken min Bapa kami enda,

’lah kerina Badia jadina.

Reff: Salsali pusuh kami

Layasi ukur kami

Pengarapen reh teguhna

Kiniteken reh paguhna

2.

Wari ras berngi nggo ibentasi

Keleng ateNdu tetap nemani

I bas mberat Kam lalap nampati

I bas susah Kam si ngelayasi.

Reff: Salsali pusuh kami

Layasi ukur kami

Pengarapen reh teguhna

Kiniteken reh paguhna

1.

Meriah kita ras k’rina

Sipuji Dibatanta.

Perban lias ateNa e,

IsehkenNa man banta pe.

Nggo pulung kita k’rina pe,

Ibas ingan enda,

Ibas ingan enda.

2.

Dage gegehi bantalah,

Muji Tuhan perkuah.

Ibas keleng ateNa nge,

Seh banta keriahen e.

Gundari subuk ras pagin,

Tuhu meriah min,

Tuhu meriah min

​

Lit.

:

Dibatanta enggo empetandaken ...

Doni inganta nggeluh ras kerina tinepa enda, eme tanda kuasa ras ulina rancangen Dibatanta.

Perp.

:

Ipuji kami Kam Tuhan, kiniulin tinepaNdu naksiken kuasa ras kiniulinNdu.

Lit.

:

ItepaNa pe kegeluhen rikut ...,

dingen reh buena dalan manusia ngenanami kiniulin Dibata.

Perp

:

Bujur Tuhan, ibahanNdu kami bagi ring-ring i bas sada kula, bagi anak i bas sada keluarga. Kuh kal dalan kami, ngenanami kiniulinNdu. Pengasup kami ngergai ras makeken pemereNdu si mehuli.

1.

Sipujilah Tuhanta e

Dibatanta si erkuasa

La ersibar kuasaNa

LiasNa ‘nggo tetap.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

2.

Sipujilah Tuhanta e

Singerajaisa kerinana

Emaka kerajang jelma

Mehuli jadina.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

Lit.

:

Adi doni enda eme saksi kiniulin...

, kuga nge pengerganta kerna kiniulin Dibata i sekelewetta? Ras i bas dirinta?

Perp.

:

Ngaku aku Tuhan, megati kal la ku ergaken kiniulinNdu si lit isekelewetku, ibas diringku, bagepe i bas temanku manusia.

Lit.

:

Kuga nge pengerganta kerna kiniulin Dibata i bas dirinta ras i bas temanta manusia?

Perp.

:

Ngaku aku Tuhan, megati kal la ku ergaken kiniulinNdu si lit i bas diringku, bagepe i bas temanku manusia. Alemilah dosangku o Tuhan!

1.

KulebeNdu Dibatangku

Aku nembah ‘rjimpuh pe

Dengkehkenlah min totonku

Nen iluhku mambur e

2.

Kuukuri me lagungku

Dosa nari k’rina pe

Nggo terbuang wari-wari

La kupergunaken pe

3.

Rusur nari aku lalar

Ngaku aku o, Tuhan

Amin gia aku Kristen

Gatin dosa nge kuban

Lit.

“Kalak singkelengi Aku, dingen si engkelengi kerina tinepangKu, Kukelini me ia, dingen kalak singakui Aku kap Tuhan, Kukawali me ia rasa lalap.”

1.

Mari ku Jesus dahi pedas

Begi pedahNa bahan bujur

Mari ku Jesus dahi terus

Ia me Penebus

Senang m’riah ukurta kepe

Adi masap k’rina dosa e

Mari me kita ku surga e

Ku kesenangen e

2.

Mari ku Jesus, mungkuklah min

Perbahanenndu si la uli

IsasapkenNa dosandu e

Alu darehNa e

Senang m’riah ukurta kepe

Adi masap k’rina dosa e

Mari me kita ku surga

Ku kesenangen e

3.

Mari ku Jesus, dahi pedas

Maka dosandu min ‘nggo kelas

Jesus perkeleng, melias pe

Malem ukurndu e

Senang m’riah ukurta kepe

Adi masap k’rina dosa e

Mari me kita ku surga e

Ku kesenangen e

Lit.

¹Ende-enden pujin

Mari kita rende muji TUHAN, ersurak-surak man Dibata kecionta!

Perp.

²Ota kita ngadap man Dibata ngataken bujur, janahta ngendeken ende-enden pujin si meriah.

Lit.

³Sabap TUHAN kap Dibata si mbisa, Raja si mbisa, ganjangen asangken kerina dibata-dibata.

Perp.

⁴Ia nge si ngkuasai doni enda kerina, i bas bagin si mbagesna nari terus ku deleng-deleng si meganjangna.

Lit.

⁵Ia erkuasa i babo lawit si nggo ItepaNa, janah kendit enda pe bekas TanNa erbahanca.

Perp.

⁶Ota nembah mungkuk man BaNa, erjimpuh i adep-adepen TUHAN, Si Nepa kita.

Lit.

⁷Sabap Ia kap Dibatanta, kita bangsa si IkelengiNa. Kita desken rarasen biri-biri si IpermakaniNa. Emaka wari enda dengkehkenlah SoraNa,

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

12.

Kiam kempak tujun

Labo kukataken maka aku nggo ndatken si enda ntah pe nggo serta. Aku tetap erpala-pala guna ndatken hadiah si nggo isikapken Kristus Jesus. Guna si eme aku IteguNa janah IjadikenNa jadi SikerajangenNa.

13.

Situhuna o senina-senina, labo aku erpengakap maka nggo aku ndatken hadiah e. Tapi sada ngenca si kubahan, eme ngelupaken kai si arah pudingku janah erpala-pala ndatken si arah lebe.

14.

Emaka pinter aku kiam ku tujun guna ndatken hadiah e, eme pendilo Dibata guna kegeluhen i Surga, si IpesehNa man bangku arah Kristus Jesus.

Lit.

:

“Dibata si simpar alu kebayaken si lit i bas Kristus Jesus mereken kerina keperlunndu.” (Pilipi 4 : 19)

1.

Lalap sikataken bujur

Beritaken kemulianna

Mbelin pemereNa banta

Puji gelarNa

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

2.

K’leng ateNa kapen nusur

Lalaplah ngataken bujur

Ingetlah pedahNa rusur

Segedang umur

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

3.

Adi seh sura-suranta

Labo e perban gegehta

Maka ola kita lupa

Ia m’rekenca

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

Lit.

Kiniulin tinepa Dibata i sekelewetta, eme tanda kehadiren Dibata i bas doni enda.

Perp.

Erpadan aku Tuhan, tetap njagai kiniulin tinepaNdu, sabab kuidah kerehenNdu arah kiniulin tinepaNdu i sekelewetku.

Lit.

Kehadiren Gereja, eme tanda kehadiren Dibata i tengah-tengah doni enda.

Perp.

Erpadan aku Tuhan, tetap aku njaga kiniulin gerejaNdu, sabab gerejaNdu me dalan kami ngaloken gegeh, ras keleng ateNdu i bas kegeluhen kami.

Lit.

Kita itepa tudu ras tempas Dibata. Kita eme tanda kehadiren Dibata i bas doni enda.

Perp.

Erpadan aku Tuhan, tetap njagai rupaNdu i bas rupangku, pusuhNdu i bas pusuhku, gelah idah doni enda, maka Kam engkelengi doni enda, erkelang-kelangken diringku.

1.

Kuikutken me dalanNdu

Dalan dame man bangku

Terkelin me kap geluhku

Itebusi darehNdu

Reff. Ku ikutken me dalanNdu

Ku endesken geluhku

Bas Kam o Jurus’lamatku

Dame senang tendingku

3.

Kupersilahangken bangku

Ngikutken pendiloNdu

Kudalanken peratenNdu

Dat aku pasu-pasu

Reff. Ku ikutken me dalanNdu

Ku endesken geluhku

Bas Kam o Jurus’lamatku

Dame senang tendingku

Dibata sumbul kemalemen ate e gelah sincukupi keperlunta guna ndalanken si sentudu ras peraten-Na. Janah Dibatalah erdahin i bas kita arah Jesus Kristus gelah kita ngelakoken kai si ngena ateNa, man Kristuslah kemulian seh rasa lalap. Amin.

​

​

Perp. : A....min, A.......min, A......min