1.

Pesikaplah ukurta

Adi ndahi Dibata

Ukur si serbut, Si lit bas ‘bas kita

Endeskenlah man baNa

​

Reff. Ban Ia si mereken pengadin

Makana kita dorek min terkelin

‘Di Jesuslah si bahan Temanta

E tentu malem kal ateta

2.

Pesalanglah pusuhta

Adi nembah man baNa

Pusuh si gulut, si ndongkelisa

Endeskenlah man baNa

​

Reff. Ban Ia si mereken pengadin

Makana kita dorek min terkelin

‘Di Jesuslah si bahan Temanta

E tentu malem kal ateta

3.

Gejapkenlah dosanta

Adi ngadap Tuhanta

Pusuh si runut, si ngampang kita

Ampekenlah kempakSa

​

Reff. Ban Ia si mereken pengadin

Makana kita dorek min terkelin

‘Di Jesuslah si bahan Temanta

E tentu malem kal ateta

1.

Mari surak muji Tuhan

Endesken ‘nde-enden m’riah,

O surga doni ersurak kerina,

Mari rende muji Ia

Alu ukur si meriah,

Puji gelarNa si Badia.

Reff. La ‘rngadi ngadi kupuji kam Tuhan,

bas k’rina dampar kegeluhen,

ersurak m’riah pusuhku ibas kam,

terpuji Tuhan rasa lalap.

2.

Mari k’rina manusia

sipuji dage Dibata

Rendelah ersuraklah kita k’rina

Ersadalah ukurta e

mujiken gelar Dibata

Ersurak dage kita k’rina

Reff. La ‘rngadi ngadi kupuji kam Tuhan,

bas k’rina dampar kegeluhen,

ersurak m’riah pusuhku ibas kam,

terpuji Tuhan rasa lalap.

3.

Mari surak puji Tuhan

Alu ukur ras tendinta

Sabab Kam mehuli kap o Dibata

pulahiNdu aku

ibas kiniseran doni enda

Kupuji Tuhan haleluya

Reff. La ‘rngadi ngadi kupuji kam Tuhan,

bas k’rina dampar kegeluhen,

ersurak m’riah pusuhku ibas kam,

terpuji Tuhan rasa lalap.

Lit.

Turang ras senina, bagi Tuhan enggo mulahi bangsa Israel i Mesir nari, jenari itegu-teguNa seh ku Jerusalem. Labo itimai Dibata manusia ngasup mulahi bana i bas iketen kesusahen nari, tapi leben IA nampati ope denga manusia beluh nampati bana.

Perp.

Tuhu mehuli kal Kam O Dibata, igejabken kami penampatNdu i bas kekoten kami.

Lit.

Marilah siakuken salah dosanta i adep-adepen Dibata

Perp.

Ngaku kami O Tuhan, megati kal mberat akap kami ngalaken perbeben, erkiteken lupa kami nandangi janji ras keleng ateNdu. Megati pe ernalem kami man gegeh ras pemeteh kami. O Tuhan alemi kal kami.

1.

Kuakuken kerina salahku,

IadepenNdu Tuhanku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

Lit.

“Ketuahen kalak si erceda ate erkiteken dosa; sabab Dibata me ngapuli IA. Ketuahen kalak si meteruk ukurna; sabab isehken Dibata me padanNa man bana” (Matius 5 : 4-5)

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

2.

Tendingku enggo itebusi Tuhan

Iblis lanai ngerim-rim aku

Gundari geluhku isambariNa

Tuhan ngerajai aku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

6.

Ula aru atendu kerna kai pe, tapi i bas kerina pertotonndu, pindolah man Dibata kai si iperlukenndu, janah pindolah rusur man BaNa alu pusuh si dem pengataken bujur.

7.

Kemalemen ate si rehna i bas Dibata nari, si la terukuri manusia, ngarak-ngarak pusuh ras ukurndu erdandanken persadanndu ras Kristus Jesus.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

Lit

¹Pertoton guna kemenangen.

Masmur Daud.

Perp.

²Dibatalah si mperdiateken kam tupung i bas kiniseran! Dibata nu Jakuplah si ngkawali kam!

Lit

³IsampatiNalah kam i bas RumahNa si badia nari, IberekenNalah penampat i Deleng Sion nari.

Perp.

⁴IalokenNalah kerina persembahenndu, dingen merim IakapNa persembahen tutungenndu.

Lit

⁵IsehkenNalah kerina sura-surandu, dingen sangap kam i bas si irencanakenndu.

Perp.

⁶Gelah ersurak kami perbahan riahna, dingen erbahan kerja meriah kerna kemenangenndu, alu rende muji Dibata. Iperdiateken Dibatalah kerina pemindonndu.

Lit

⁷Genduari kueteh maka TUHAN si mereken kemenangen man raja PilihenNa, i Surga nari TUHAN ngaloi ia; alu kuasa TUHAN IberekenNa man raja kemenangen si mbelin.

Perp.

⁸Lit kalak si ernalemken gereta perangna, lit ka si ernalem man kudana. Tapi kita la bage; kita ernalem man gegeh TUHAN Dibata.

Lit

⁹Kalak si ernalem man gereta perang ras kudana, la banci la terantuk dingen guling. Tapi kita si ernalem man TUHAN, kekelah dingen tedis paguh.

Lit.

:

“Nembahlah man Tuhan alu ukur meriah, dahilah ku adep-adepenNa janah rende meriah.” (Masmur 100:2)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Tuhan enggo mbebasken manusia i bas iketen perbeben nari. IdiloNa kam gelah tetap njaga kemerdekaan si enggo ijujurkenNa

Perp.

O Tuhan, tetap ateku nginget keleng ateNdu. Ersurak me aku naksiken kinimbisanNdu

Lit.

Tuhan tetap setia njagai kegeluhen anak-anakNa. IA negu dingen encukupi keperlun geluh kalak si erkemalangen man baNa

Perp.

Erpadan aku Tuhan, kujaga me kinitekenku gelah tetap enteguh. La nai aru ateku kerna kegeluhen enda.

1.

Perkuah ate si mbelin,

Nemani geluhku.

Ije me aku erdalin,

Teruh perkuahNdu.

5.

Perkuah ate si mbelin,

Alokenlah dage.

La lit jumpa si terulin,

Bas Jesus ngenca e.

​

“Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam, itatap Dibata ku kam, janah malem atendu ibahanNa”. Amin

​

Perp. : A....min, A.......min, A......min

​