1.

Dibata kap njagaisa gedang berngi,

Sangana aku medem nderbih nai,

Je medak aku bas erpagi-pagi,

GelarNdu kupebelin ras kupuji.

Reff. Wari enda wari ni Dibata ale,

Sialoken janah m’riahlah ukurta,

Dage baNa ‘ndesken keg’luhennta ale,

Bas nembah muji g’larNa Sibadia

3.

Temani ibas aku ngelayasi

Dahin si lenga tembe si kudahi

Si murde gelah banci salangsai

B’rekenNdu bangku gegeh lako ndungi.

Reff. Wari enda wari ni Dibata ale,

Sialoken janah m’riahlah ukurta,

Dage baNa ‘ndesken keg’luhennta ale,

Bas nembah muji g’larNa Sibadia

1.

Man baNdu Raja G’reja,

isehken kami bujur

Kam kap si njayamsa

Geluh perpulungenNdu

Pasu-pasuNdu Tuhan

Kuse min bagi udan

Maka serayanNdu Idemi kuasandu

Latih ia la mbiar Ukurna tetap nggintar

Kek’lengenNdu simpar

B’ritaNdu jadi mbincar

2.

Bahanlah min o,

Tuhan erdolat serayanNdu

Ngayu ras tersuan ngaloken pendiloNdu

Ukur, pengarapenna

man baNdu saja ngenca

Tutus ras setia, kataNdu la tersia

Lagu langkah muliah,

e Kam si pesikapsa

Tutus kal ateNa

mbarken kata Dibata

Lit.

:

Alu Kuasa Dibata, itetapkenNa serayanNa guna nehken sura-suraNa ku doni enda. Adi si tulihken ku bas perdalanen geluhta, kuga nge ndia ketutusenta i bas ngikutken pendiloNa?

Serayan

:

...

Serayan

:

Ngaku kami Tuhan, kurang denga waktu kami ertoto alu tutus kerna dahin-dahin gerejaNdu, bage pe notoken teman kami serayanNdu. Mekatep kami lupa maka kami serayanNdu arus nggeluh sitatangen i bas toto. O Tuhan alemilah kami.

Nora/

Naras

:

.....

Nora/

Naras

:

Ngaku kami o Tuhan, kami pe selaku nora ras naras, kurang denga kami nampati serayanNdu. O Tuhan alemilah kami.

Perp.

:

Selaku perpulungenNdu, kami pe ngaku o Tuhan, maka kurang denga kami natang-natang serayanNdu i bas pertoton, gelah megegeh ia ndahiken dahin gerejaNdu. O Tuhan alemilah kami.

1.

Kuakuken kerina salahku,

Iadepen Dibatangku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

Lit.

:

Kenca bage sada i bas malekat Serafim ndai nari kabang ndahi aku. Ibabana rara si ibuatna i bas batar-batar persembahen nari alu jepit-jepit. Ikuitna biberku alu rara ndai, jenari nina, “Rara enda enggo ngkenai biberndu, e maka genduari salahndu enggo masap janah dosandu enggo ialemi”. (Yesaya 6:6-7)

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

3.

Pusuhku enggo ip’limbaruiNa

P’raten doni lanai erkuasa

P’rayakenku ndalanken peratenNa

Kesangapen ib’rekenNa

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

8.

Perang ras bangsa Amalek

Reh me bangsa Amalek nerang bangsa Israel i Rapidim.

9.

Nina Musa man Josua, "Pilih piga-piga kalak dilaki guna erperang pagi ngelawan bangsa Amalek. Aku pagi tedis i datas uruk njemak ciken si isuruh Dibata kubaba."

10.

Ilakoken Josua bagi si iperentahken Musa man bana, emaka lawes ia ndarat erperang ngelawan bangsa Amalek, sedangken Musa, Harun ras Hur lawes ku datas uruk.

11.

Adi iangkat Musa tanna ku datas, menang bangsa Israel, tapi adi ipesusurna tanna, bangsa Amalek mulai ka menang.

12.

Kenca nggo latih iakap Musa natang tanna, ibaba Harun ras Hur batu man ingan Musa kundul. Ia duana tedis arah kawes ras kemuhenna ngangkat tan Musa; bage me ibahanna terus ngadi-ngadi ben.

13.

Alu bage keri kal italuken Josua bangsa Amalek.

14.

Kenca bage nina TUHAN man Musa, "Suratken lah turi-turin kemenangen enda gelah jadi peringet-ingeten. Kataken man Josua maka ateKu ngkeriken kerina bangsa Amalek.”

15.

Ipajekken Musa sada batar-batar ingan persembahen janah ibahanna gelarna, "TUHAN kap Benderangku."

16.

Nina, "Angkat meganjang-meganjang bendera TUHAN! TUHAN la banci lang terus erperang ngelawan bangsa Amalek seh rasa lalap."

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

​

Perp.

:

(iendeken)

Ha le lu ya, Ha le lu ya, Ha le lu ... ya.

1.

Ertotolah kerna kami

Kedungenna o senina-senina, ertotolah kerna kami, gelah Kata Tuhan pedas min reh mbarna dingen ialoken kalak si nterem bagi nggo jadi i tengah-tengahndu.

2.

Ertoto pe min gelah ipulahi Dibata kami i bas kalak si kejam dingen si jahat nari. Sabap labo kerina kalak tek nandangi berita e.

3.

Tapi Tuhan e tetap setia. IpegegehiNa kam dingen IkawaliNa i bas si jahat nari.

4.

Tetap ukur kami ngenehen kam ibahan Tuhan. Tek kami maka idalankenndu nge kai si nggo ikataken kami janah terus pe idalankenndu.

5.

Mbera-mbera Tuhan negu-negu pusuhndu guna ngkelengi Dibata dingen megenggeng kam alu kinigenggengen si ibereken Kristus.

Lit.

:

“Bahanlah pengataken Bujur jadi persembahen man Dibata, sehkenlah kai si nggo ipadankenndu man si Meganjangna.”

(Masmur 50:14)

1.

Babalah persembahen si merimna

Ku adep-adepen Dibatanta

Babalah korban pujin si mehaga

Kulebe altarNa si Badia

G’lah tetap i b’reNa pasu-pasuNa

Man k’rina manusia

G’lah tetap b’reNa pasu-pasuNa

Terpuji gelar Tuhan

2.

Babalah persembahen si jilena

Ku rumah Dibata si Perkuah

Babalah korban pujin si merimna

Ku adep-adepen si erkuasa

G’lah tetap b’reNa keleng ateNa

Ras lias ateNa banta

G’lah tetap b’reNa pasu-pasuNa

Segedang-gedang geluhta

3.

‘ndeskenlah persembahenta man baNa

Si nggo nehken kegeluhen banta

‘ndeskenlah lagu pujin si jilena

Jadi persembahen si Badia

G’lah lias ras keleng ateNa

isehkenNa man banta

E maka ernalem ku IA

Malem tuhu ateta

Lit.

:

Dibata enggo milih dingen ndilo kam jadi serayanNa guna nehken sura-suraNa i doni enda.

Serayan

:

Erpadan kami Tuhan, tutus ateku ngikutken pendiloNdu, dingen ertanggungjabab ndahiken dahin si enggo iampekenNdu man bangku

Lit.

:

Dibata empersadaken kita i bas kula ni Kristus. IdiloNa kita guna natang serayanNa arah pertoton.

Nora/ Naras

:

Erpadan kami o Tuhan, selaku nora ras naras ertutus ate nampati serayanNdu, gelah serayanNdu pentar dingen setia i bas ndahiken dahin gerejaNdu.

Lit.

:

Perpulungen eme rarasen dingen keluarga Kristus. Perpulungen pe idilo Dibata natang serayanNa i bas pertoton, gelah megegeh ras pentar i bas ndahiken dahin Tuhan.

Perp.

:

...

Perp.

:

Erpadan kami Tuhan, tutus ate kami notoken serayanNdu ras jabuna, gelah ngasup ndahiken dahinNdu. Jabuna jadi kemulian man baNdu, dingen jadi pasu-pasu man perpulungenNdu.

1.

Kita k’rina anak-anak Tuhan

Ersada arih ibas perpulungen

Pandita pertua ras diaken

Tutus ngelai raduken perpulungen

Cidahkenlah dage kegeluhen

Sentudu kata ras perbahanen

Dage dalankenlah si isuruh Tuhan

​

2.

Nggeluh ‘lah kita jadi saksiNa

Ersada tetap ibas perpulungen

Ibas nehken kinitekenta pe

kekelengenNa jadiken persukuten

Sehkenlah sura-sura Tuhanta

Ngelai, ersaksi bas persadan

Malem me ateta ibas kegeluhen

Berkatlah kam ndalani kegeluhenndu, megenggenglah kam i bas meritaken berita si Meriah, sabab Dibata si enggo milih kam ndahiken dahin e, dingen alokenlah pasu-pasu idur Dibata nari :

​

Ipasu-pasu janah ikawali Dibata kam, siang ayo Dibata ersinalsal ibabondu. Janah melias ateNa ngenehen kam. Itatap Dibata ku kam, janah malem atendu ibahan-Na. Amin.

​

Perp. : A....min, A.......min, A......min