Glorja `l Alla fil-għoli
tas-smewwiet, u paċi fl-art lill-bnedmin ta’ rieda tajba.
Infaħħruk,
inberkuk,
nadurawk,
nagħtuk ġieh.
Inroddulek ħajr
għall-glorja kbira tiegħek. Mulej Alla, Sultan
tas-sema,
Alla Missier li tista’ kollox.
Mulej Iben waħdieni, Ġesù Kristu,
Mulej Alla, Ħaruf ta’ Alla, Bin il-Missier.
Int li tneħħi d-dnubiet
tad-dinja, ħenn għalina.
Int li tneħħi d-dnubiet
tad-dinja, ilqa’ t-talb tagħna.
Int li qiegħed fuq il-lemin tal-Missier, ħenn għalina. Għaliex Int waħdek Qaddis, Int waħdek Mulej,
Int waħdek il-għoli,
Ġesu’ Kristu, ma’ l-Ispirtu
s-Santu:
fil-glorja tal-Missier Alla.
Ammen.
Qari mill-Ewwel Ktieb
tal-Kronaki
1 Kron 15,3-4. 15-16; 16, 1-2
F’dak iż-żmien, David ġema’ ’l Iżrael kollu f’Ġerusalemm biex itella’ hemmhekk l-arka tal-Mulej fil-post li kien waqqaf għaliha.
U hu laqqa’ flimkien ’l ulied Aron u l-Leviti.
Kienu dawn li ġarrew l-arka ta’ Alla, u refgħuha fuq spallejhom bil-lasti, kif kien ordna Mosè fuq il-kelma
tal-Mulej.
David qal lill-kapijiet
tal-Leviti biex iqabbdu wħud
mit-tribù tagħhom u jqegħduhom bħala għannejja bl-istrumenti tad-daqq,
arpi, ċetri, ċnieċel,biex isemmgħu għana u daqq li jferraħ.
Ġabu l-arka ta’ Alla u qegħduha f’nofs it-tinda li
kien waqqfilha David,
u offrew quddiem Alla sagrifiċċji tal-ħruq u sagrifiċċji tas-sliem.
Meta temm joffri s-sagrifiċċji
tal-ħruq u s-sagrifiċċji
tas-sliem David bierek
il-poplu b’isem il-Mulej.
Il-Kelma tal-Mulej.
R:/ Irroddu ħajr lil Alla
R:/ Qum, Mulej, int u
l-arka tal-qawwa tiegħek.
Salm Responsorjali
Ara, smajna biha f’Efrata,
sibnieha fir-raba’ ta’ Ġagħar.
Ħa mmorru fil-għamara tiegħu,
ninxteħtu quddiem
il-mirfes ta’ riġlejh.
R:/ Qum, Mulej, int u
l-Arka tal-qawwa tiegħek.
Il-qassisin tiegħek, jiżżejnu bil-ġustizzja,
U l-qaddisin tiegħek jgħajtu bil-ferħ
Minħabba f’David,
il-qaddej tiegħek,
la twarrabx wiċċ
il-midluk tiegħek.
R:/ Qum, Mulej, int u
l-Arka tal-qawwa tiegħek.
Għax il-Mulej għażel ’il Sijon
u xtaqha tkun id-dar tiegħu:
“Hawn insib is-serħan tiegħi għal dejjem!
Hawn irrid ngħammar, għax hawn xtaqt jiena!”
R:/ Qum, Mulej, int u
l-Arka tal-qawwa tiegħek.
Qari mill-Ewwel Ittra ta’
San Pawl
Appostlu lill-Korintin
1 Kor 15, 54-57
Ħuti: Meta dak li jitħassar jilbes in-nuqqas ta’ taħsir,
meta dak li jmut jilbes
l-immortalità, mbagħad iseħħ dak li hemm miktub,
“Inbelgħet il-mewt
fir-rebħa. Fejn hi, ja mewt, ir-rebħa tiegħek? Fejn hi, ja mewt, in-niggieża tiegħek?”
In-niggieża tal-mewt hi
d-dnub, u l-qawwa
tad-dnub hi l-liġi.
Niżżu ħajr lil Alla li tana
r-rebħa permezz ta’
Ġesù Kristu.
Il-Kelma tal-Mulej.
R:/ Irroddu ħajr lil Alla
Hallelujah, Hallelujah
Hienja dawk li jisimgħu
l-kelma ta’ Alla u jħarsuha.
Hallelujah, Hallelujah
Qari mill-Evanġelju skont
San Luqa
Lq 11, 27-28
R:/ Glorja lilek Mulej
F’dak iz-zmien, waqt li Ġesù kien qiegħed ikellem lin-nies, kien hemm waħda mara li refgħet leħinha minn qalb il-folla u qaltlu:
“Ħieni l-ġuf li ġiebek u
s-sider li rdajt!”
Iżda hu qalilha:
“Imma tassew ngħidlek, aktar hienja dawk li jisimgħu l-Kelma ta’ Alla u jħarsuha!”
Il-Kelma tal-Mulej
R:/ Tifħir lilek Kristu
Jiena nemmen f’Alla wieħed, il-Missier li jista’ kollox, li ħalaq is-sema u
l-art, dak kollu li jidher u dak li ma jidhirx.
U f’Mulej wieħed Ġesù Kristu, Iben waħdieni ta’ Alla,
imnissel mill-Missier
qabel kull żmien.
Alla minn Alla, dawl minn dawl, Alla veru minn Alla veru, imnissel mhux magħmul, natura waħda mal-Missier u bih sar kollox.
Niżel mis-smewwiet għalina
l-bnedmin u għall-fidwa
tagħna.
U ħa l-ġisem
bis-setgħa tal-Ispirtu
s-Santu minn Marija Verġni u sar bniedem.
Sallbuh għalina, bata taħt Ponzju Pilatu, miet u difnuh, u fit-tielet jum qam minn bejn l-imwiet, skont
il-Kotba mqaddsa,
u tela’ s-sema, u qieghed fuq
il-lemin tal-Missier.
U għandu jerġa jiġi
bil-glorja biex jagħmel ħaqq
mill-ħajjin u mill-mejtin, u s-saltna tiegħu ma jkollhiex tmiem.
U fl-Ispirtu s-Santu, Mulej li jagħti l-ħajja li ġej
mill-Missier u mill-Iben:
li Hu meqjum u mweġġah flimkien mal-Missier u
mal-Iben. Hu li tkellem b’fomm il-profeti.
U fi Knisja waħda, qaddisa, kattolika, appostolika.
Nistqarr magħmudija waħda
għall-maħfra tad-dnubiet.
U nistenna l-qawma
mill-imwiet, u l-ħajja
taż-żmien li ġej.
Ammen.