Qari mill-Ewwel Ittra ta’
San Pawl Appostlu
lill-Korintin
1, Kor 7, 25-31
Ħuti, dwar dawk li mhumiex miżżewwġin, ma għandi ebda preċett mill-Mulej,
iżda nagħtikom parir bħala wieħed li,
għall-ħniena tal-Mulej, hu bniedem ta’ fiduċja.
Jidhirli, mela, li, minħabba
t-taħbit tal-lum, ikun sewwa għal dak li jkun jekk jibqa’ kif inhu.
Inti marbut ma’ mara? Tfittixx li tinħall.
Maħlul minn mara?
Tfittixx mara. Imma wkoll jekk tiżżewweġ, ma tidnibx; anqas jekk xebba tiżżewweġ, ma tidneb.
Nies bħal dawn ikollhom
it-taħbit tal-ħajja, u jiena
rrid kieku neħliskom
minnu. Dan ngħidilkom, ħuti: iż-żmien qsar.
Ħa jkunu, mela, dawk li għandhom mara, bħallikieku ma għandhomx; dawk li jibku, bħallikieku ma jibkux;
dawk li jifirħu, bħallikieku ma jifirħux; dawk li jixtru, bħallikieku ma għandhom xejn;
dawk li jgawdu d-dinja, bħallikieku ma jgawduhiex;
għax is-sura ta’ din id-dinja għad tgħaddi!
Il-Kelma tal-Mulej
R:/ Irroddu ħajr lil Alla
R./ Isma’, binti, ħares u agħti widen
Salm Responsorjali
Isma’, binti,
ħares u agħti widen,
insa ’l ġensek u ’l dar missierek.
Jitgħaxxaq is-sultan
bi ġmielek;
u int, għax hu sidek,
agħtih qima.
R./ Isma’, binti, ħares u agħti widen
Kollha ġmiel bint
is-sultan bil-ġawhar,
minsuġ bid-deheb ilbiesha.
Għand is-sultan jeħduha bix-xbejbiet warajha,
it-tfajliet li jingħatawlha bi sħabha.
R./ Isma’, binti, ħares u agħti widen
Jittieħdu b’għajat
ta’ ferħ u hena;
jidħlu fil-palazz
tas-sultan.
Flok missirijietek
jilħqu wliedek;
inti tqegħedhom kapijiet fuq l-art kollha.
R./ Isma’, binti, ħares u agħti widen
Hallelujah, Hallelujah
Ifirħu u aqbżu bil-ferħ,
jgħid il-Mulej,
għax araw, ħlaskom
kbir ikun fis-sema.
Hallelujah, Hallelujah
Qari mill-Evanġelju skont
San Luqa
Lq 6, 20-26
R:/ Glorja lilek Mulej
F’dak iż-żmien, Ġesù rafa’ għajnejh lejn id-dixxipli tiegħu u qal:
“Ħenjin intom il-foqra għax tagħkom hija
s-Saltna ta’ Alla.
Henjin intom li għalissa
bil-ġuħ, għax għad
tkunu mxebbgħin.
Ħenjin inthom li
għalissa tibku,
għax għad tithennew.
Henjin intom meta minħabba Bin il-bniedem in-nies, jobogħdukom jaqtgħukom minn magħhom,
jgħajjrukom u jwarrbu isimkom bħallikieku kien xi ħaġa ħażina.
Dakinhar li jiġrilkom hekk, ifirħu u aqbżu
bil-ferħ, għax
araw, ħlaskom kbir ikun
fis-sema.
L-istess għamlu missirijiethom lill-profeti.
Imma ħażin għalikom,
intom l-għonja, għax
il-faraġ tagħkom ħadtuh.
Ħażin għalikom intom li
għalissa mxebbgħin,
għax għad tkunu bil-ġuħ.
Ħażin għalikom intom li għalissa tidħku, għax
għad tnewwħu u tibku.
Ħażin għalikom meta
kulħadd isemmikom
fil-ġid. Għax l-istess għamlu missirijiethom
lill-profeti foloz!”
Il-Kelma tal-Mulej
R:/ Tifħir lilek Kristu