1.

Meriah kita ras k’rina

Sipuji Dibatanta.

Perban lias ateNa e,

IsehkenNa man banta pe.

Nggo pulung kita k’rina pe,

Ibas ingan enda,

Ibas ingan enda.

3.

Dage ‘lah ula lupa min,

Pehaga Dibatanta.

Alu perbahanenta kin,

Kelengilah pe temanta.

Ibas kegeluhenta e,

I babo doni e,

I babo doni e.

1.

Reff :

M’riah ukur kami o, Bapa

Nembah jimpuh ertoto baNdu

Kam o, Tuhan ipuji kami

Ermulia gelarNdu

Bengket kami o, Tuhan

Ngadap ku lebeNdu

Reh kami muji-muji gelarNdu

Tuhan si Badia

3.

Reff :

M’riah ukur kami o, Bapa

Nembah jimpuh ertoto baNdu

Kam o, Tuhan ipuji kami

Ermulia gelarNdu

Bujur ningkami baNdu

Ban keleng ateNdu

IcukupiNdu k’rina si perlu

Mbelin kal kuasaNdu

Lit.

:

Dibatanta e mulia, kemulianNa teridah i belang-belang doni si itepaNa dem alu kiniulin. ItepaNa kam sentudu ras tempasNa gelah sicidahken kemulianNa man doni enda. Kekelengen Dibata man manusia e mpetangkas maka manusia meherga i lebe-lebeNa.

Perp.

:

... (KEE 177:1 iendeken)

1.

Kekelengen ni Dibata,

Kekelengen badia.

Nusur kap ku doni enda,

Nemani manusia.

Yesus Kam me si perkuah,

Bengketi pusuh kami.

AjariNdu kami gelah,

Lah gelarNdu terpuji.

Lit.

:

Kemulian Dibata siteridah i bas perbahanen Kristus ngajari kam gelah nggeluh ngkelengi kalak si lit i bas erbage kesusahen nggeluh.

Perp.

:

... (KEE 177:2 iendeken)

2.

Usekenlah min KesahNdu,

Sanga m’riah tah susah.

Cidahken kekelengenNdu,

Man gelemen kami lah.

Yesus Kam arapen kami,

KekelengenNdu tetap.

Maka Kam lah teman kami,

Lalap seh rasa lalap.

Lit.

:

Dibata setia man bandu. I bas kekelengenNa iergakenNa kam alu ngatanken kam i bas dahinNa si mulia.

1.

Sipujilah Tuhanta e

Dibatanta si erkuasa

La ersibar kuasaNa

LiasNa ‘nggo tetap.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

2.

Sipujilah Tuhanta e

Singerajaisa kerinana

Emaka kerajang jelma

Mehuli jadina.

Reff. Marilah kita kerina

Sipuji Tuhan bas geluhta

Mbelin kekelengenNa banta k’rina

Segedang geluhta

Lit.

:

Marilah sigejapken keleng ate Dibata si mpehaga kita, si erbahan kita sentudu ras tempasNa, … kurangna kita mperdiateken turang seninanta si tading i bas Yayasen Kesejahtran Penyandang Cacat (YKPC) Alpha Omega, Pusat Pelayanan Orangtua Sejahtera (PPOS) ras Panti Asuhen Kristen (PAK) Gelora Kasih.

Perp.

:

...

Perp.

:

Ngaku kami O Tuhan, megati denga kami ngukurken diri kami, seh maka mata kami, lanai ngidah teman si man perdiatenken, ras si man sampaten kami i bas kegeluhen enda. Geluh kami arusna erguna man kalak si deban. Nahe kami arus jadi nahe kalak si cempang.…

Perp.

:

…Tan kami jadi tan man kalak si la ertan. Cuping kami jadi cuping man kalak si la erpemegi. Mata kami jadi mata man kalak si la erpengidah. Tapi sedekah enda lenga ipakeken kami kerina bagi sura-suraNdu. O Tuhan, alemi min kami.

Lit.

:

Tuhan ngkuhi kita alu pusuh ras perukuren, gelah kita maba pusuh ras perukuren Kristus ku bas kegeluhen temanta manusia

Perp.

:

Ngaku kami O Tuhan, lenga kami ngasup njagai diri kami, seh maka banci ceda ukur teman kami si musil, si ercinengga dingen si kote. O Bapa alemi ras pelimbarui lah pusuh kami.

1.

Kuakuken me dosangku

I lebe Tuhan

Megati aku lalar bas kegeluhenku

Keleng atendu pengarapenku

I teruh perkuahNdu malem me pusuhku

Keleng atendu pengarapenku

I teruh perkuahNdu malem me pusuhku

​

2.

Erlebuh aku baNdu

O Yesus Tuhanku

Alemi min o Bapa salah ras lepakku

Keleng ateNdu pengarapenku

Tedeh ‘teku ngidah belinna perkuahNdu

Keleng ateNdu pengarapenku

Tedeh ‘teku ngidah belinna perkuahNdu

Lit.

:

“Sabab Dibata kap mereken kepentaren man kerina jelma alu melumbar dingen dem perkuah ate man kalak si tetap mperdiateken ras ndalanken pedah Dibata guna mpekena-kena kalak si kote”. (Bdk. Jakup 1:5b, 25)

1.

Kataken bujur man Tuhan

perbahan kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

Dib.

¹⁶Adi kalak musil mindo penampat, la pernah ia kutulak. Janah diberu balu-balu pe la kupelepas erndele ate.

Dil.

¹⁷Nakanku la kupangani sisada, tapi man anak melumang pe kubereken deba.

Dib.

¹⁸Kupebelin-belin ia kitikna nari, janah kitikna nari kuajari.

Dil.

¹⁹Adi lit kuidah kalak si mesera geluhna, si la ngasup nukur paken perban musilna,

Dib.

²⁰minter melas akapna kubahan alu uis mbulu biri-biringku jine, emaka ikatakenna bujur i bas pusuhna nari.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

32.

Kinibayaken i Surga

"Ola kam mbiar, o rarasen si kitik sabap meriah ukur Bapandu mereken Kinirajan man bandu.

33.

Dayaken kerna erta-ertandu jenari bereken duitna man kalak musil. Bahanlah dompetndu si nteguh janah pepulunglah kinibayakenndu i Surga. I je la urak beliganna sabap la ibengketi penangko ntah pe ipan ngetnget.

34.

Sabap i ja erta-ertandu i je pe ukurndu."

Lit.

:

“Agama situhu-tuhu dingen mehuli rikut pengakap Dibata Bapanta e me : mpekena-kena anak-anak melumang ras kalak si enggo mbalu si lit i bas kiniseran bage pe njaga diri gelah ola icedaken doni enda.”

(Jakup 1:27)

1.

Reff :

Isuruh Dibata sikeleng-kelengen

Si sampat-sampaten asa kengasupen

Mbue me kap tuhu si man bahanenta

Radu ras kerina kita ndahikenca

Palasta nampati em ate mekuah

Ngusih Tuhan Jesus enggo kap nampati

Meriah ukurta adi teman pulah

Masap kebiaren ‘je dat ate jadi

2.

Reff :

Isuruh Dibata sikeleng-kelengen

Si sampat-sampaten asa kengasupen

Mbue me kap tuhu si man bahanenta

Radu ras kerina kita ndahikenca

Kalak si ngikutken kata Tuhan Jesus

Terangina doni ras k’rina isina

Tegulah temanta gelah ola celus

Si tuduhken dalin gelah ola mampa

3.

Reff :

Isuruh Dibata sikeleng-kelengen

Si sampat-sampaten asa kengasupen

Mbue me kap tuhu si man bahanenta

Radu ras kerina kita ndahikenca

‘Bas nampati teman la ngarapken balas

Pusuh peratenta aruslah meciho

Tuhan ersimulih ibereNa lampas

Sangapen kap mere asang kita ngalo

Lit.

:

Bagi Dibata enggo mpekena-kena kita, mpebelin-belin kita alu kekelengen, kuga dage ninta nandangi kekelengenta si tading i bas Yayasen Kesejahteran Penyandang Cacat Alpha Omega?

Perp.

:

Erpadan kami O Tuhan, ikut muat bagin i bas mpekena-kena kekelengen kami si tading i bas Yayasen Kesejahteran Penyandang Cacat Alpha Omega.

Lit.

:

Bagi Dibata mpekena-kena ras negu-negu kegeluhen orang tuanta, kuga dage ninta nandangi orangtuanta si tading i Pusat Pelayanen Orangtua Sejahtera?

Perp.

:

Erpadan kami O Tuhan, nggit kami mpekena-kena ras negu-negu orangtua kami asa gegeh ras kengasupen kami.

Lit.

:

Dibata desken bapa ras nande man kalak melumang, kuga dage ninta man anak-anakta si tading i Panti Asuhen Kristen Gelora Kasih?

Perp.

:

Erpadan kami O Tuhan, ngkelengi ras mperdiateken anak-anakNdu si enggo melumang.

1.

O Tuhan ajari kami

Engkelengi teman kami

Si latih kote ras ndele

Ibas geluhna e.

Reff. Bage kap pedah Tuhanta

Sikeleng-kelengen

Bage kap pedah Tuhanta

Sisampat-sampaten

2.

O Tuhan pakelah kami

‘lah ngasup tutus nampati

Si labuh la jumpa dame

‘lah geluna jore.

Reff. Bage kap pedah Tuhanta

Sikeleng-kelengen

Bage kap pedah Tuhanta

Sisampat-sampaten

3.

O Tuhan pengasup kami

Nggejapken dingen ngapuli

Pusuh si rate mesui

Gelah terapuli.

Reff. Bage kap pedah Tuhanta

Sikeleng-kelengen

Bage kap pedah Tuhanta

Sisampat-sampaten

“Dibata, sumbul kemalemen ate e gelah si ncukupi keperlunndu guna ndalanken si sentudu ras peratenNa. Janah Dibatalah erdahin i bas kam arah Jesus Kristus gelah kam ngelakoken kai si ngena ateNa. Man Kristuslah kemulian seh rasa lalap. Amin.”

​

​

Perp. : A....min, A.......min, A......min