1.

Haleluya wari enda

Wari Minggu nggo ka seh

Pulung kita k’rina jenda

Maka tambah pemeteh

Muji Dibatanta e

Ras ngataken bujur pe

2.

Asa Kristen japa gia

Pulung k’rina sendah me

Maka inget manusia

Perkeleng Dibata nge

Sabab Tuhan Jesus e

Nggo nangtangi kita pe

3.

Nggo sasapNa kesalahen

Bujur Dibatanta e

Banta lalap keriahen

Olanai min endele

Arah Tuhan Jesus e

Pang si ndahi Bapa pe

1.

Lias ate ni Tuhanta, e lalap man pujin

Ras pe kebenarenNa, pebelinlah madin

Ku eteh peratenNa, ras dosa labo singgur

‘Nggo tetap jujurenNa,

si labo banci luntur

E desken batu mamak,

enteguh labo mugur

Bagem’ kepeken Kam,

‘nggo tetap ibas bujur

2.

Si make pedah Tuhan, e sangap kel nge ia

‘Bas terang me dalinna,

la ndele pe ukurna

Megedang peratenna, meriah ni akapna

Entah mawen mesera,

i‘tehna Kam Bapana

La celus pe nahena, la abat perdalinna

‘Ban Tuhan pebelinca,

nai nari seh matena

Lit.

:

Dibatanta e melias perkuah. IetehNa maka labo kita ngasup mulahi dirinta i bas kuasa kematen nari. Emaka itebusiNa kita arah kematen Jesus, gelah olanai kita ikuasai kematen, dingen bene i bas dosanta.

Perp.

:

Terpujilah Kam Tuhan. Ermengkah dingen malem kal ate kami. Erkiteken lias ateNdu, pulah me kami i bas kematen si la tertaluken kami.

1.

Kataken bujur man Tuhan

perbahan kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

2.

Meriahlah min ateta,

Sabab kita si k’rajangNa

Meriah dage ukurta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

Lit.

:

Adi itatap Dibata ku bas pusuhta sekalak-sekalak. Pusuh ras ukur si kuga nge idapeti Dibata i bas dirinta?

Idapetina ndia pusuh si dem pengataken bujur ibas keselamaten si enggo ijujurkenNa?

idapetiNa ndia perukuren si ngergaken keleng ateNa?

Pusuh ras ukur si kuga nge idapeti Dibata i bas dirinta?

1.

O Tuhanku Jesus

Tuhu mbelin kal dosangku

Ngarap aku baNdu

Gelah itebusiNdu

​

2.

O Tuhanku Jesus

Ngaku aku ilebeNdu

La kap lit gegehku

Adi la angkatkenNdu

3.

O Tuhanku Jesus

PelimbaruiNdu aku

Gelap kal dalinku

Tegu kubas terangNdu

​

Lit.

Dibatanta setia kap. Keleng ateNa la ersibar. La itak-takiNa dosa manusia si meluat mekelesa. Emaka selaku persuruhen Dibata, aku nehken kataNa man banta si nggejap ras ngakuken dosanta, nina Dibata :

“Aku kap Dibata si nasapken dosa-dosandu; janah si e Kulakoken erkiteken bage kin biakKu. Lanai Kupeinget-inget kerina dosa-dosandu” Amin.

1.

Anem dosangku mekelat megara

IsalihkenNdu me jadi mbentar

Kam kap erbanca geluh meherga

Kugejap tuhu kelengNdu simpar

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

3.

Sedekah aku nggeluh ibas terang

Ukur meriah pusuh pe salang

Baban si mberat jadi menahang

B’reNdu pengapul dame ras senang

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

1.

Kekelengen Dibata man bangsaNa

Nina TUHAN, Tupung Israel danak-danak denga ngena kal ateKu ia. Emaka Kudilo ia i Mesir nari, bali ras anakKu si dilaki.

2.

Tapi reh katepna ia Kulebuhi, reh dauhna ia nilah i bas Aku nari. BangsangKu nembah man Baal selaku dibatana itutungna kumenen man berhala-berhala

3.

Situhuna si ngajari Israel erdalan, eme Aku, dingen Aku ka nge si ngangkip-ngangkip bangsangKu. Tapi la kepeken iakuina maka Aku nge si ngarak-ngarak ia.

4.

Salu lias ate dingen kekelengen ia Kutegu-tegu, Kuangkip, jenari Kupedeher ia ku pipingKu Tungkuk Aku, jenari Kusulangi ia.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

7.

Gelah ula meganjang ukurku kerna pengenehenen si mejin e, ibereken duri i bas dagingku, eme persuruhen Iblis guna ngeligas aku gelah ula meganjang ukurku.

8.

Telu kali aku ertoto man Tuhan kerna si enda, gelah ipedauhna min si e i bas aku nari.

9.

Tapi ngaloi Tuhan, "Cukup kap lias ateKu man bandu; sabap gegehKu serta kap i bas gegeh si kurang." Erkiteken si e meriah kal ukurku meganjang ngerana kerna gegehku si kurang gelah gegeh Kristus mengketi aku.

10.

Emaka senang kuakap i bas gegehku si kurang, i bas aku igombang-gombangi kalak, i bas aku kepiceten, bage pe i bas aku isiksa kalak, i bas kesusahen erdandanken Kristus. Sabap adi gegehku kurang, i je me maka aku megegeh.

Lit.

:

“Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata, sue ras biakndu selaku mahluk si rukur”

(Roma 12 : 1)

Lit.

I bas kita enggo ngaloken lias ate Dibata, kai nge ndia si jadi perpadanenta ras IA?

Perp.

O Tuhan, enggo kualoken lias ateNdu jadi gegehku. Erpadan me aku, nggeluh setia man baNdu.

Lit.

Dibata enggo mulahi manusia arah kuasa dosa, jenari idiloNa manusia naksiken keleng ateNa.

Perp.

O Tuhan, kuendesken diringku man baNdu, gelah idah doni enda keleng ateNdu arah perbahanenku.

1.

Ku sembah Kam bas geluhku o Tuhanku

PedahNdu me tetap jadi gelemenku

Dame geluhku adi ras Kam o Tuhanku

Lalit kebiaren malem tuhu pusuhku

Pasu-pasuNdu tetaplah min ras aku

3.

Kam min tetap si ngiani bas pusuhku

Kam min tetap si ngajari perukuren

Demi min geluhku alu lias ateNdu

Jadi t’rang si ersinalsal sekelewetku

BereNdu gegeh man bangku o Tuhanku

Berkatlah naksiken keleng ate Dibata, gelah idah doni enda maka Dibata erkuasa njagai dirindu. Si jadi gegehndu, alokenlah pasu-pasu idur Dibata nari:

​

“Dibata Bapa ras Tuhanta Jesus Kristus mereken kemalemen ate, kekelengen ras kiniteken man banta gelah. Lias ate Dibata rembak ras kerina kalak si erkeleng ate man Jesus Kristus alu keleng ate si la erkeri-kerin”. Amin

​

Perp. : A....min, A.......min, A......min

​