АЛЕСЬ ЗАЙКА
Амаль паўстагоддзя Алесь Зайка вывучаў і збіраў скарбы роднай мовы на Косаўшчыне, у тым кутку Беларусі, дзе нарадзіўся Тадэвуш Касцюшка.�
Поўная назва кнігі складаецца з 40 слоў — "Прыказкі і прымаўкі, жарты і каламбуры, прыгаворкі і языкаломкі, вясельныя прыгаворкі пры дзяльбе каравая, вітанні і зычэнні, ветлівыя і ласкавыя выразы, засцярогі і прысяганні, праклёны і адкляцці, жартоўныя праклены і дражнілкі-кепікі, зневажанні і параўнанні, прыкметы народнага календара з Косаўшчыны".
У кнізе можна знайсці трапныя слоўцы для любой жыццёвай сітуацыі.
Напрыклад, лёс гаротнага чалавека характарызуецца так:
«Жыццё пражыла — як на свінні праехала»,
«Харошая шкурка, ды ліхая натурка»,
«Кіем таго, хто не пільнуе свайго»,
«Ад злосці баляць косці».
Шмат трапных выразаў, якія характарызуюць любоў нашага народа да весялосці:
«Адзін скача, другі плача, трэці песенькі пяе»,
«Свату, свату, дай на лапату. Не дасі на лапату — развалю табе хату»,
«Як п'ян, то капітан, а праспіцца, то свінні баіцца».
Надзвычай цікавыя прыказкі і прымаўкі пра тое, як дасягаць сваёй мэты:
«Як пойдзеш нацянькі, то праходзіш тры дзянькі» (пра тое, што не заўсёды прамая дарога прыводзіць да жаданага),
«Як захочаш сабаку выцяць, то кія знойдзеш»,
«Сушыць не работа, а турбота» (пра тое, што не варта непакоіцца, а трэба дзейнічаць — тады адразу паспакайнееш),
«Хлеба перапечка, а дроў поўна печка»
(азначае, што нават да дробязнай справы трэба ставіцца сур'ёзна).
Зайка А. Дыялектны слоўнік Косаўшчыны
“Дыялектны слоўнік Косаўшчыны” змяшчае лексіку насельнікаў паўночнай часткі Івацэвіцкага раёна. У слоўніку падаецца каля 4000 слоў, запісаных за апошнія 35 гадоў.
Разлічаны на шырокія колы лінгвістаў. Карысны матэрыял знойдуць для сябе этнографы, фалькларысты, гісторыкі – усе, хто шануе жывое народнае слова.
Зайка А. Ф. Фразеалагічны слоўнік Косаўшчыны
У «Фразеалагічным слоўніку Косаўшчыны» прадстаўлена фразеалогія насельнікаў паўночнай часткі Івацэвіцкага раёна Брэсцкай вобласці. Да кожнага фразеалагізма даецца тлумачэнне, прыводзіцца прыклад з жывой гутарковай мовы, што дазваляе вызначыць сэнс кожнага выразу.�Кніга разлічана на самыя шырокія колы чытачоў, для ўсіх, хто любіць, шануе народную словатворчасць.
У кнізе разглядаецца гісторыя і сучаснасць кожнага населенага пункта Івацэвіцкага раёна, тлумачыцца яго назва.
Даследаванне змяшчае багаты фактычны, навукова – пазнавальны матэрыял, які будзе цікавы не толькі для спецыялістаў па гісторыі і культуры Беларусі, але і для шырокага чытача, неабыякавага да спадчыны роднага краю
Алесь Зайка «Дым з коміна» Кніга мініяцюраў, абразкоў, апавяданняў
Алесь Зайка атрымаў
Мядовую прэмію
за кнігу
«Дым з коміна»
Зайка А. Ф. Чысты чацвер
Творца не старонні назіральнік, яму блізкія чалавечыя памкненні, намеры, зрухі душы. Шчырасць, пранікнёнасць, непрытворная любоў да сваіх герояў вызначаюць творчую манеру аўтара.
Кніга разлічана на шырокае кола чытачоў.