Mari sijaga kebadian ruang ibadahta, terlebih-lebih mari si mateken HPnta
2
2
i elai :
Pdt. Marina Br. Ginting, S.Th.
Minggu PENDUNGI TAHUN GEREJA
26 Nopember 2023
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
KATA PENGALO-NGALO
Kata Penaruh �Kubas Kebaktin
1. | Haleluya wari enda Wari Minggu nggo ka seh Pulung kita k’rina jenda Maka tambah pemeteh Muji Dibatanta e Ras ngataken bujur pe |
KEE No. 152 : 1-2
Perpulungen Tedis
2. | Asa Kristen japa gia Pulung k’rina sendah me Maka inget manusia Perkeleng Dibata nge Sabab Tuhan Yesus e Nggo nangtangi kita pe |
KEE No. 152 : 1-2
VOTUM & SALAM
Nina Dibata man Musa, "Enda me si arus ikatakenndu man bana, ‘Si tergelar AKU TETAP AKU nggo nuruh aku njumpai kam.’ (Keluaren 3 : 14)
1. | Pujilah tendingku, puji Tuhan Segedang-gedang geluhku Ateku ersembah rasa lalap Ban keleng ateNdu tetap IjujuriNdu geluhku Dage kupuji Kam Tuhan Haleluya ! Haleluya ! |
KEE No. 311 : 1-2
2. | Ola ernalem ku doni enda Sia-sia me jadina Di dolat doni kentisik ngenca Masap nge pagi krinana Kula manusia masap Dibata saja si tetap Haleluya ! Haleluya ! |
KEE No. 311 : 1-2
Perpulungen kundul
PENGAKUN DOSA
Lit. | Tuhan e tuhu melias perkuah, dem alu keleng ate i bas njagai perdalanen geluhta tahun enda. Kuga nge kita nggejab dingen ngergaken keleng ate Dibata i bas kegeluhenta. |
PAKSA TENENG
1. | Kuakuken me dosangku I lebe Tuhan Megati aku lalar bas kegeluhenku Keleng atendu pengarapenku I teruh perkuahNdu malem me pusuhku Keleng atendu pengarapenku I teruh perkuahNdu malem me pusuhku |
KEE 377 : 1-2
2. | Erlebuh aku baNdu O Yesus Tuhanku Alemi min o Bapa salah ras lepakku Keleng ateNdu pengarapenku Tedeh ‘teku ngidah belinna perkuahNdu Keleng ateNdu pengarapenku Tedeh ‘teku ngidah belinna perkuahNdu |
KEE 377 : 1-2
BERITA PENGALEMI DOSA
Lit. | “Jeralah kita i bas dosa-dosanta nari, sabab Kerajaan Surga nggo ndeher, e maka mulihlah kempak IA, sabab IA kap Penebusta.” |
Perpulungen Tedis
KEE No. 110 : 1,3
1. | Mari ku Yesus dahi pedas Begi pedahNa bahan bujur Mari ku Yesus dahi terus Ia me Penebus Senang m’riah ukurta kepe Adi masap k’rina dosa e Mari me kita ku surga e Ku kesenangen e |
KEE No. 110 : 1,3
3. | Mari ku Yesus, dahi pedas Maka dosandu min nggo kelas Yesus perkeleng, melias pe Malem ukurndu e Senang m’riah ukurta kepe Adi masap k’rina dosa e Mari me kita ku surga e Ku kesenangen e |
(Perpulungen Kundul)
Ngoge Kata Dibata Kejadin 5 : 1–32
(tunggal)
1. | I jenda isuratken gelar-gelar sinursur Adam. (Sanga ijadiken Dibata manusia, IjadikenNa manusia e seri ras Ia. |
2. | IjadikenNa jelma dilaki ras diberu, ipasu-PasuNa, IbahanNa gelarna "Manusia".) |
3. | Tupung umur Adam 130 tahun tubuh anakna dilaki seri ras ia, janah ibahanna gelarna Set. |
4. | Kenca tubuh Set, 800 tahun nari dekahna Adam nggeluh, janah ipupusna denga tole anakna dilaki ras diberu. |
Kejadin 5 : 1 – 32
5. | Jadi i bas umur 930 mate ia. |
6. | Tupung umur Set 105 tahun, tubuh anakna Enos. |
7. | Kenca tubuh Enos, 807 tahun nari ia nggeluh, janah ipupusna denga tole anak dilaki ras diberu. |
Kejadin 5 : 1 – 32
8. | Jadi i bas umur 912 tahun mate ia. |
9. | Tupung umur Enos 90 tahun, tubuh anakna dilaki, Kenan gelarna. |
10. | Jenari 815 tahun nari ia nggeluh janah ipupusna denga tole anak dilaki ras diberu. |
Kejadin 5 : 1 – 32
11. | Jadi i bas umur 905 tahun mate ia. |
12. | Tupung umur Kenan 70 tahun, tubuh anakna dilaki, Mahalalel gelarna. |
13. | Jenari 840 tahun nari ia nggeluh janah ipupusna denga tole anak dilaki ras diberu. |
Kejadin 5 : 1 – 32
14. | Jadi i bas umur 910 tahun mate ia. |
15. | Tupung umur Mahalalel 65 tahun, tubuh anakna dilaki, Jaret gelarna. |
16. | Jenari 830 tahun nari ia nggeluh, janah ipupusna denga tole anak dilaki ras diberu. |
Kejadin 5 : 1 – 32
17. | Jadi i bas umur 895 tahun mate ia. |
18. | Tupung umur Jaret 162 tahun tubuh anakna dilaki, Enoh gelarna. |
19. | Jenari nggeluh ia 800 tahun nari, janah ipupusna denga tole anak dilaki ras anak diberu. |
Kejadin 5 : 1 – 32
20. | Jadi i bas umur 962 tahun mate ia. |
21. | Tupung umur Enoh 65 tahun, tubuh anakna dilaki, Metusalah gelarna. |
Kejadin 5 : 1 – 32
22. | Kenca tubuh Metusalah, Enoh nggeluh i bas persadan ras Dibata 300 tahun dekahna, janah ipupusna denga tole anak dilaki ras diberu. |
23. | Jadi ia nggeluh 365 tahun dekahna. |
Kejadin 5 : 1 – 32
24. | Kidekah geluhna tetap ia erdalan i bas dalan Dibata, tapi dungna lanai ia teridah perbahan iangkat Dibata ia. |
25. | Tupung umur Metusalah 187 tahun tubuh anakna dilaki, Lameh gelarna. |
Kejadin 5 : 1 – 32
26. | Jenari nggeluh ia 782 tahun nari, janah ipupusna denga tole anak dilaki ras diberu. |
27. | Jadi i bas umur 969 tahun mate ia. |
28. | Tupung umur Lameh 182 tahun tubuh anakna dilaki, |
Kejadin 5 : 1 – 32
29. | janah nina, "Anak enda me si mereken kemalemen ate man banta i bas kelatihenta erdahin ngusahai taneh si nggo isumpahi TUHAN." Emaka ibahanna gelar anak ndai Nuah! |
Kejadin 5 : 1 – 32
30. | Jenari lit 595 tahun nari Lameh nggeluh, janah ipupusna denga tole anak dilaki ras diberu. |
31. | Jadi i bas umur 777 tahun mate ia. |
32. | Tupung umur Nuah 500 tahun ipupusna telu anak dilaki eme: Sem, Ham, ras Japet. |
Kejadin 5 : 1 – 32
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Lit Paksana Nadingken Kegeluhen”
2 Timotius 4 : 6 – 8
(Tunggal)
Pdt. Marina Br. Ginting, S.Th.
6. | Tapi aku, nggo seh paksana ipersembahken. Nggo seh paksana aku nadingken kegeluhen enda. |
7. | Nggo kupala-palai asa ngasupku i bas perlumban e, nggo seh aku ku garis batas, janah nggo kucikep kiniteken e. |
2 Timotius 4 : 6 – 8
8. | Emaka genduari nggo sikap hadiah kemenangen e guna iendesken man bangku, e me rudang-rudang kebenaren si ibereken Tuhan, Hakim si adil, si IberekenNa man bangku i bas Wari e. Janah hadiah e labo man bangku saja, tapi pe man kerina kalak si nimai KerehenNa alu erkeleng ate. |
2 Timotius 4 : 6 – 8
Tema :
“Lit Paksana Nadingken Kegeluhen”
2 Timotius 4 : 6 – 8
Pdt. Marina Br. Ginting, S.Th.
Lakon Persadan Sibadia
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lakon Persadan Sibadia
KEE No. 124 : 2
2. | Senang me kap si ‘rjabu sada arih Pehaga Tuhan peratenna ras Mehuli kal ‘di ise pe la dalih Berkat ku Minggu lah ertoto ras ‘Di kebiaken gelgel banci salih ‘Di pengerana reh hamatna pe Bas kehamaten labo ‘rlatih-latih Ipasu-pasu Tuhan me kepe |
Lakon Persadan Sibadia
KEE No. 471 : 1
1. | Ermengkah ukurku, ras ngataken bujur Tuhan Kelengi min aku, Kam empu geluhku Enda ngenca Tuhan persembahenku Kerina geluhku kesah ras tendingku La kap lit bas aku erta kebayaken Si cukup meherga ‘lah ku persembahken Sada ngenca Tuhan lit pemindonku Aloken min Tuhan persembahenku Pakeken geluhku jadi perkakasNdu Segedang geluhku |
Lakon Persadan Sibadia
Pengakun Kiniteken�Nicea - Konstatinopel
Aku tek man sada Dibata, Bapa si la ersibar kuasaNa, si nepa langit ras doni, kerina siteridah ras sila teridah. Aku tek sada Tuhan, Yesus Kristus. Anak Dibata si Tonggal si tubuh idur Bapa nari, sope lit krina zaman, Dibata si lit ibas Dibata nari, terang ibas terang nari,
(Perpulungen Tedis)
Pengakun Kiniteken Nicea - Konstatinopel
Dibata si tuhu-tuhu si ibas Dibata si tuhu-tuhu nari, si ipetubuh labo si ijadiken, seri biakna ras Bapa si enggo nusur i Surga nari guna kita manusia ras guna keselamatenta, janah jadi daging erkiteken Kesah Si Badia arah si nguda-nguda si Maria, janah jadi manusia si ipakuken ku kayu persilang man gunanta, sanga pemerentahen Pontius Pilatus,
ngenanami kiniseran seh mate janah ikuburken, keke ibas si mate nari,
ibas wari sipeteluken sue ras isi Pustaka Si Badia, nangkih ku Surga, kundul arah kemuhen Bapa, janah reh me IA pagi alu kemulian lako ngeranaken si nggeluh ras si enggo mate, janah kerajanNa la ermasap-masap. Aku tek man Kesah si Badia si jadi Tuhan janah si pegeluhken,
Pengakun Kiniteken Nicea - Konstatinopel
si reh ibas Bapa ras Anak nari si raduken Bapa, ras Anak e isembah dingen imuliaken, si enggo ngerana erkelang-kelangken Nabi-nabi.
Aku tek lit sada gereja si Badia, Am ras Rasuli. Amin
Pengakun Kiniteken Nicea - Konstatinopel
(Perpulungen Kundul)
Lit. | : | O senina-seninangku, nginget perkuah ate Dibata si mbelin si isehkenNa man banta, kupindo man bandu: endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue biakndu selaku mahluk si rukur. (Roma 12 : 1) |
KEE No. 343 : 1 –
gejapken kami tep-tep wari,
bas paksa-paksa geluh kami.
Kam me tetap si ngkawali
pasu-pasu bas Tuhan nari,
jadi pergegeh tendi kami
guna ndalani wari-wari.
si rehna bas Kam Tuhan nari
Reff:
Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan
KEE No. 343 : 1 –
gejapken kami Kam empuna,
tanda ukur kami meriah,
endesken kami baNdu Bapa.
Persembahen enda o Bapa,
desken bunga ncole merimna,
persembahen ateNdu ngena,
bagelah akapNdu o Bapa.
KEE No. 343 : 1 –
Reff:
Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan
KEE No. 343 : 1 –
persembahen kami anakNdu,
labo ban beluh kami Tuhan,
lako mere kuadepenNdu.
Pakeken min dage o Tuhan,
persembahen kami anakNdu,
guna pebelangken kataNdu,
nandangi k’rina tinepaNdu.
KEE No. 343 : 1 –
Reff:
Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan
KEE No. 343 : 1 –
Lit. | Tuhan enggo nemani kegeluhen manusia, dingen IA tetap erpadan nemani ras mperdiateken kegeluhen manusia. |
Perp. | Ateku tetap nginget kiniulin Tuhan, dingen ncikep nteguh padan Dibata si nemani geluhku. Alu bage reh ngasupna aku ndalanken sura-sura Dibata. |
Perpadanen Man Dibata
(Perpulungen Tedis)
1. | Kawali perpulungenNdu Tuhan Ibas ‘ndalani geluh Ibas susah tah pe senang Subuk ngalo ntah mere Tegu perpulungenNdu Tuhan Jagai ibas tanNdu Babai ku bas lau maler si teneng Bas dalin kiniteken |
KEE No. 413 : 1,3
3. | Sampat perpulungenNdu Tuhan Nggejap keleng ateNdu Petetap ukur anakNdu Tuhan Cikep ‘nteguh padanNdu Lalit ingan malem si deban ‘di la ras Kam Tuhan PadanNdu kap gelemenku Tuhan Gelah aku terkelin |
KEE No. 413 : 1,3
Dibata, si mada perkuah ate, si nggo nenahken kam ku kemulianNa si rasa lalap i bas Kristus, njadiken kam serta, tetap, megegeh dingen paguh. IA nge si mada kuasa seh rasa lalap. Perp. : A....min, A.......min, A......min |
Paksa teneng
Selamat Wari Minggu