1.

Wari enda wari badia

Wari meriah jumpa ras Dibata

Gia melala ndube dahinta

Nembah man baNa ula kita lupa.

Reff. Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

2.

Melala gia dahin ertima

Tedeh ateta jumpa ras Dibata

Si ‘rnalem baNa isampatiNa

Malem nanamna di rembak ras Ia.

Reff. Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

3.

Latih susah lit tiap wari

Tuhan perkuah sikap ngelayasi

K’rina si nasa Ia empuna

Si ‘ndesken baNa ukur ras geluhta.

Reff. Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

2.

Senang me kap si ‘rjabu sada arih

Pehaga Tuhan peratenna ras

Mehuli kal ‘di ise pe la dalih

Berkat ku Minggu lah ertoto ras

‘Di kebiaken gelgel banci salih

‘Di pengerana reh hamatna pe

Bas kehamaten labo ‘rlatih-latih

Ipasu-pasu Tuhan me kepe

3.

Meriah kal iakap orangtua

Adi anakna ngikut ajar e

E malem ukur si mesui lupa

‘Di la njuruken lagu anak e

Senangna e di Tuhan si perkuah

Rembak kin rusur ras dahinna e

Ipasu-pasu Tuhan daten tuah

Je malem-malem me ukurna e

Lit.

Senina ras turang, Dibata me....

...Tujunna gelah bangsa e erkemalangen man Tuhan dingen nggeluh i bas biak si mbaru. Alu bage bangsa Tuhan banci jadi bangsa si pentar i tengah-tengah bangsa si deban.

2.

Terang kataNdu, nerangi pusuhku

Pusuh jadi senang, ergiah geluhku

Gegeh simbaru,

berekenNdu bangku

Labo aku talu, meriah ukurku

Reff. Kubegi KataNdu,

Kata tuhu-tuhu

Keke me ukurku

nehken peratenNdu

3.

Ib’reNdu pedah, kuakap pe megah

Tambah pengertien, dat kiniulien

Tambah pemeteh, turah kapen gegeh

PemereNdu sampur,

ras kusehken bujur

Reff. Kubegi KataNdu,

Kata tuhu-tuhu

Keke me ukurku

nehken peratenNdu

Lit.

Tuhan mereken kepentaren man ...

Si jadi tanggungjababta eme geluh erpalasken kepentaren Dibata dingen nuduhkenca i bas jabunta.

Moria

....

Moria:

Ngaku kami Tuhan, megati la ipakeken kami gegeh ras kepentarenNdu i bas ngajarken anak ras kempu kami. Sura-sura kami ngenca ipenggurui kami, piah anak kami enggo tertaban, i bas keterbatasen kami. Ulih pengajaren kami ndai dungna nambahi ate kami mesui.

Mamre:

...

Mamre:

Ngaku kami Tuhan, kurang ate kami tutusna nggeluh i bas kepentarenNdu, seh maka la kami ngasup ngajarken ras nuduhken kepentarenNdu kubas jabu kami. La i idah anak ras kempu kami kepenterenNdu arah perukuren ras perbahanen kami.

Anak:

...

Anak:

Ngaku kami Tuhan, kurang kal kami ndarami pemeteh ras kepentarenNdu. Usuren kami ikuasai pemeteh si mabai kecedan geluh kami

Perp.:

Tuhan, pengasup min kami nggeluh i bas pengajarenNdu, ndalanken dingen nuduhkenca i bas jabu kami.

1.

Tuhan Alemi aku,

Alemi dosa ras kesalahenku

Bereken bangku pusuh si mbaru

Gelah metunggung iadepenNdu

​

2.

Tuhan alemi aku,

Sura-surangku rusur kuikutken

Ajari aku kerna p’ratenNdu

Petangkas kai arus kulakoken

3.

Tuhan Alemi aku,

Rusur denga lagungku la mehuli

Ku ban si jahat bas pengakapNdu

Sasapken k’rina salah lepakku

​

Lit.

“Dahikenlah kai si mehuli ras payo bagi si ikataken Tuhan gelah mejuah-juah kam”

Perp.

Amin

1.

Geluhku bas dosa nggo ialemi

Malem me ateku ban ipepalemNdu

Reff. Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

3.

‘di malang man baNdu, ngena ateNdu

‘di ernalem baNdu, tetap ik’lengiNdu

Reff. Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

Alu rende kupuji gelarNdu

Perbahan meriah kal ukurku

Kupuji Kam segedang geluhku

Tendingku muji gelarNdu

Lit

³Situhuna, Tuhan kap si mereken anak-anak e, pasu-pasu i bas TUHAN nari kap ia.

Perp.

⁴Anak dilaki si ipupus tupung kalak nguda denga, bali kap e ras anak panah i bas tan si mbisa.

Lit

⁵Sangap kap kalak si melala anak panahna si bage, ndigan pe la ia tertaluken, tupung jumpa ras imbangna i pengadilen.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

20.

Paksa si eme tubuh Musa, anak dilaki si mejile kal rupana. Telu bulan dekahna ia ibuniken orangtuana i rumah.

21.

Kenca bage ibuangken orang tuana ia. Tapi idah putri Paro jenari ibuatna janah ijadikenna jadi anakna.

22.

Iajarken guruna man bana kerina kepentaren kalak Mesir. Musa jadi kalak si mbelin. Ia erkuasa i bas kata ras perbahanen.

Lit.

:

“Dibatangku si simpar alu kebayaken si lit i bas Kristus Jesus mereken kerina keperlun geluhndu” (Pilipi 4 : 19)

1.

Lalap sikataken bujur

Beritaken kemulianna

Mbelin pemereNa banta

Puji gelarNa

Reff. Dibata kap cilinggementa

malem ateta

Tuhan Dibata Penalementa

Penanam-nanam bas geluhta

2.

K’leng ateNa kapen nusur

Lalaplah ngataken bujur

Ingetlah pedahNa rusur

Segedang umur

Reff. Dibata kap cilinggementa

malem ateta

Tuhan Dibata Penalementa

Penanam-nanam bas geluhta

3.

Adi seh sura-suranta

Labo e perban gegehta

Maka ula kita lupa

Ia m’rekenca

Reff. Dibata kap cilinggementa

malem ateta

Tuhan Dibata Penalementa

Penanam-nanam bas geluhta

Lit.

Turang ras senina, kita enggo ngaloken kepentaren i bas Dibata nari gelah sipakeken i bas kegeluhen dingen ngajarkenca man anak ras kempunta. Kuga dage ninta?

Moria:

Erpadan kami Tuhan, tetap nggeluh i bas kepentarenNdu si jadi gegeh kami ngajarkenca man anak ras kempu kami.

Mamre:

...

Mamre:

Erpadan kami Tuhan, tetap tutus nggeluh i bas kepentarenNdu, seh maka kami ngasup ngajarken ras nuduhken kepentarenNdu i bas jabu kami

Anak:

Erpadan kami Tuhan, ngaloken pengajaren si erpalasken kepentarenNdu.

1.

KataNdu Tuhan seh kal ergana

KataNdu Tuhan seh kal ulina

Ergan asa emas ras permata

Ulin asa erta doni enda

Reff.

Ajarilah Tuhan kami ngergakenca

Ajarilah Tuhan kami ngertikenca

Ajarilah Tuhan kami ngalokenca

Ajarilah Tuhan kami ndalankenca

2.

KataNdu Tuhan petetap ukur

KataNdu Tuhan paguh la mugur

Eme ngenca si la pernah luntur

KataNdu e me ku pake rusur

Reff.

Ajarilah Tuhan kami ngergakenca

Ajarilah Tuhan kami ngertikenca

Ajarilah Tuhan kami ngalokenca

Ajarilah Tuhan kami ndalankenca

“Dibata si mada perkuah ate, sienggo nenahken kam ku kemulianNa si rasa lalap i bas Jesus Kristus njadiken kam serta, njadiken kam tetap ras njadiken kam megegeh dingen paguh. IA nge si mada kuasa seh rasa lalap.” Amin.

​

Perp. : A....min, A.......min, A......min