Tuhan demi aku salu kataNdu

Tuhan demi aku salu kataNdu

Pusuhku bagi tambe kubaba ku pancurNdu

Tuhan demi aku salu kataNdu

​

Tuhan demi aku salu dameNdu

Tuhan demi aku salu dameNdu

Pusuhku bagi tambe kubaba ku pancurNdu

Tuhan demi aku salu dameNdu

1.

Kudahi rumah persembahen

Se gelah aku jumpa Tuhan

Ban Ia sumbul keriahen

Nggo b’reNa bangku kesangapen

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

2.

I adep-adepen Dibata

Siakukenlah k’rina dosa

Je robah kita dingen jera

Si gejap me pengalemiNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

3.

Begikenlah kata Dibata

Em kap si nerangi geluhta

Jadikenlah wari-warinta

Penembahennta e man baNa

Reff.

Ersada me anakNdu k’rina

Bas kiniteken tetap paguh

Bagem biak anak Dibata

Tetap nembah ras muji gelarNdu

Jesus bengket ku doni kematen. Ije pe IA nuduhken maka kematen la ngasup naluken kuasaNa. Kematen Jesus nuduhken, maka kematen la ngasup nirangken manusia ras Dibata. La kal ate Diata kita bene i bas dosa, seh maka ku doni kematen pe IA erdahin guna anak-anak si ikelengiNa. Kai nari kebiarenta kerna kematen? I bas paksa teneng enda mari situriken kebiarenta man Dibatanta

Melala kal kita manusia eraru ate tupung kalak si ikelengi kita idilo Dibata, lit pengakapta maka kalak si enggo mate nggeluh i bas ate mesui dingen kelinon. Lupa kita maka Dibata nemani ia i bas kematenna. Seh maka labo lit ingan si ngasup nirangken Dibata ras anak-anakNa. Kekelengen ni Tuhan, i bas paksa teneng enda mari siampeken kebiarenta nandangi kematen man Dibata. Dingen si endesken kearun ateta kerna kekelengenta si enggo leben nadingken kita.

Adi nulih kita ku bas isi pusuhta, situhuna banci jadi kita pe mbiar ngalaken kematen, erkiteken lit pengapapta maka kematen e me kebenen dingen kesirangen si rasa lalap ras anak jabunta. .... Dingen kematen e jadi dalanta jumpa pagin ras kerina si ikelengi kita i bas persadanta si ras lalap iadep-adepen Dibata. Kekelengen ni Tuhan, i bas paksa teneng enda mari dage si endesken pusuh ras ukurta guna ipelimbarui Dibata gelah tangkas man banta kematen e lanai jadi kebiaren.

1

Yesus ulu kegeluhenku,

Kam me ngenca pengendesenku,

Lalap tedeh ate pusuhku,

Kupehaga Kam bas geluhku.

Reff. O Tuhan pernehen pusuhku,

siertedeh ate man baNdu

kugelem pedah ras padanNdu

kusembah Kam ibas geluhku

2

Ku sembah Tuhan penebusku,

Si mereken kekelengenNa,

Alu tutus reh aku Tuhan,

Ras kerina isi jabungku.

Reff. O Tuhan pernehen pusuhku,

siertedeh ate man baNdu

kugelem pedah ras padanNdu

kusembah Kam ibas geluhku

3

Teridah kelengNdu o Tuhan,

tanNdu sinegu bas percuban,

Terkelin geluhku iban Kam,

Ku puji Kam Tuhan si mbelin.

Reff. O Tuhan pernehen pusuhku,

siertedeh ate man baNdu

kugelem pedah ras padanNdu

kusembah Kam ibas geluhku

Lit.

“Sabab Kristus mate cukup sekali saja ngenca erkiteken dosa-dosa manusia, janah sekali saja ngenca IA mate. IA kalak bujur, mate man guna kalak perdosa, gelah banci kam ibabaiNa rembak ras Dibata.”

(1 Petrus 3 : 18a)

1.

Kuakuken kerina salahku,

Iadepen Dibatangku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

3.

Dosa enggo dem ibas pusuhku,

Si ‘rbanca ndele ateku.

Nggo bene pengarapen geluhku,

Ceda tuhu pusuh ras ukurku.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

1.

Kita nggeluh erkiteken Kristus

Kuga dage ninta genduari? Siusur-usur dage erbahan dosa gelah erbelinna lias ate Dibata?

2.

Tentu lang! Kita nggo mate nandangi dosa; kuga banci kita terus nggeluh i bas dosa?

3.

Sabap tentu nggo ietehndu maka asum kita iperidiken kita ipersada ras Kristus Jesus; ertina peridin e mpersadaken kita ras KematenNa.

4.

I bas kita iperidiken e, nggo kap kita mate dingen ikuburken ras Kristus, gelah bagi Kristus ipekeke i bas si mate nari i bas kemulian Bapa, bage me pe kita nggeluh i bas kegeluhen si mbaru.

5.

Sabap adi kita nggo ersada ras Ia i bas kematen si bali ras KematenNa, bage me pe kita tentu ersada ras Ia i bas kekeken si bali ras KekekenNa.

6.

Janah sieteh pe maka "aku"-nta si male e nggo ikut mate i kayu persilang, gelah alu bage gegeh "aku"-nta si dem alu dosa e iruntuhken, dingen lanai kita jadi budak dosa.

7.

Sabap kalak mate nggo bebas i bas kuasa dosa nari.

8.

Dage erkiteken nggo mate kita ras Kristus, tek kita maka kita pe nggeluh ka nge ras Ia.

9.

Sabap sieteh maka Kristus nggo keke i bas si mate nari jenari rasa lalap Ia lanai mate, kematen lanai erkuasa nandangi Ia.

10.

Dage arah KematenNa, sekali seh rasa lalap Kristus nggo nadingken kuasa dosa; janah i bas KegeluhenNa si genduari Ia nggo bengket ku bas lingkungen i ja Dibata erkuasa.

11.

Sue ras si e kam pe arus nganggap dirindu nggo mate janah ndarat i bas lingkungen dosa nari, dingen nggeluh i bas lingkungen kuasa Dibata, erkiteken persadanndu ras Kristus Jesus.

12.

Emaka ulanai pelepas dosa ngerajai kulandu si la banci lang mate e, gelah ula iikutkenndu kinirincuhenna.

13.

Bage pe ula pelepas ringringndu ipake dosa guna ndalanken si jahat. Tapi endeskenlah dirindu man Dibata, bagi kalak si ipekeke i bas si mate nari. Endeskenlah ringringndu guna ipake Dibata ngelakoken si ngena AteNa.

14.

Dosa lanai erkuasa nandangi kam, sabap kam lanai nggeluh i teruh kuasa Undang-undang, tapi i teruh lias ate Dibata.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

Dil.

¹Ertoto Ngarapken Dibata

Masmur Daud.

Dib.

²Ku Kam aku cicio o TUHAN ula pelepas aku kemalun. Kam kap Dibata si bujur, mindo aku, maka IkeliniNdu aku.

Dil.

³Begiken min pertotonku pedas min Kam reh mulahi aku. Jadi min Kam deleng batu inganku cicio, kubungku si nteguh inganku terkawal.

Dib.

⁴Kam kap ingan cebuni dingen bentengku, tegu-tegu dingen babai aku erkiteken GelarNdu.

Dil.

⁵Tegu-tegu aku maka ula aku kena siding itogeng kalak man bangku. Ampang-ampangi aku maka ula aku kena cilaka.

Dib.

⁶Kuendesken geluhku bas TanNdu, o TUHAN kam kap si ngkelini aku. Kam kap Dibata si Setia.

Lit.

:

“Bicara deleng-deleng miser gia, uruk-uruk pe mundu-undu, tapi keleng ateku tetap la miser i bas kam nari, janah padan dame si Kubahan lalap paguh la mundu-undu. Bage nina Tuhan si ngkelengi kam tetap.” (Jesaya 54:10)

1.

Ingetlah pedah Tuhan

Eme jadi gelemen

Ukuri ras dalanken

Tentu dat kesangapen

Reff. Pindo gegeh man baNa

Ola erleja leja

Simpar pasu-pasuNa

Ib’rekenNa man banta

2.

Geluh ipelimbarui

Keleng ateNa jadi

Sehken bujur gundari

M’riah ukurNa kari

Reff. Pindo gegeh man baNa

Ola erleja leja

Simpar pasu-pasuNa

Ib’rekenNa man banta

3.

Kita k’rina suruhNa

Naksiken kuasaNa

Malem ateta banNa

Di si ban ‘tena ngena

Reff. Pindo gegeh man baNa

Ola erleja leja

Simpar pasu-pasuNa

Ib’rekenNa man banta

Lit.

Turang ras senina, enggo tangkas man banta maka arah kematen Jesus, ituduhkenNa kuasa dingen keleng ateNa guna keterkelinen kalak si tek man baNa.

Perp.

Lanai aku mbiar Tuhan, sabab enggo italukenNa kuasa kematen si ngiket aku. Kematen la ngasup nirangken aku i bas keleng ateNdu nari

Lit.

Jesus Kristus nemani kita seh ku bas kematenta. Seh maka labo lit ingan si ngasup nirangken kita ras IA.

Perp.

Malem kal ateku Tuhan i bas penemaniNdu. Lanai ateku aru nandangi kematen si arus ku bentasi.

1.

Tupung tayang aku nginget Kam

Gedang berngi ku ukuri Kam

Sabab Kam si nampati aku

O Dibata tedeh ‘teku Kam.

Reff. O Dibata Kam kap Dibatangku

Kudahi tedeh ateku Kam

Mesikel aku nandangi Kam

Desken taneh si enggo kerah

Bageme muasna tendingku

Man baNdu Tuhan Dibatangku

2.

Sabab Kam si nampati aku

Teruh kabengNdu rende aku

‘Di ras Kam meriah ukurku

O Dibata Kam sekawalku.

Reff. O Dibata Kam kap Dibatangku

Kudahi tedeh ateku Kam

Mesikel aku nandangi Kam

Desken taneh si enggo kerah

Bageme muasna tendingku

Man baNdu Tuhan Dibatangku

3.

Nteguh cikep tanku o Tuhan

Teneng ukurku adi ras Kam

La ku mbiar jumpa percuban

Malem ate ‘di rembak ras Kam.

Reff. O Dibata Kam kap Dibatangku

Kudahi tedeh ateku Kam

Mesikel aku nandangi Kam

Desken taneh si enggo kerah

Bageme muasna tendingku

Man baNdu Tuhan Dibatangku

​

“Dibata sumbul kemalemen ate e gelah si ncukupi keperlunndu guna ndalanken si sentudu ras peratenNa. Janah Dibatalah erdahin i bas kam arah Jesus Kristus gelah kam ngelakoken kai si ngena ateNa. Man Kristuslah kemulian seh rasa lalap”. Amin

​

Perp. : A....min, A.......min, A......min

​