1.

Mari surak muji Tuhan

Endesken ‘nde-enden m’riah,

O surga doni ersurak kerina,

Mari rende muji Ia

Alu ukur si meriah,

Puji gelarNa si Badia.

Reff. La ‘rngadi ngadi kupuji kam Tuhan,

bas k’rina dampar kegeluhen,

ersurak m’riah pusuhku ibas kam,

terpuji Tuhan rasa lalap.

2.

Mari k’rina manusia

sipuji dage Dibata

Rendelah ersuraklah kita k’rina

Ersadalah ukurta e

mujiken gelar Dibata

Ersurak dage kita k’rina

Reff. La ‘rngadi ngadi kupuji kam Tuhan,

bas k’rina dampar kegeluhen,

ersurak m’riah pusuhku ibas kam,

terpuji Tuhan rasa lalap.

1.

Ipuji kami Kam Dibata si mbelin

Alu ende-enden si meriah

Suari ras berngi kawali kami min

Segelah la celus bas percuban

​

Reff. Sangap kap kalak

si ‘rnalem baNdu e.

daten tuah ras kesenangen pe.

Sangap kap kalak

si ‘rnalem baNdu e.

daten tuah ras kesenangen pe.

2.

Dibata sajalah tetap si man pujin

Endeskenlah g’luhta man baNa min

Tetap ia si mperdiateken kita min

kelengNa man banta la erkerin

​

Reff. Sangap kap kalak

si ‘rnalem baNdu e.

daten tuah ras kesenangen pe.

Sangap kap kalak

si ‘rnalem baNdu e.

daten tuah ras kesenangen pe.

Lit.

Dibatanta enggo reh nelamatken kita i bas kuasa dosa nari. Adi sitare ku bas pusuhta, kuga nge kututusenta ngakuken Jesus jadi Raja ras Juru Selamatta?

Perp.

Ngaku kami Tuhan, megati kal pengakun kami, lenga sendalanen ras perukuren bage pe perbahanen kami. Megati denga pemeteh si bereken doni enda, jadi raja singaturken kegeluhen kami. O Tuhan, alemi kal kami.

Lit.

Ieteh Dibata kap, maka erbaleng kal gegeh ras kepentarenta guna ngaturken ke-geluhenta. Emaka reh IA jadi Raja si mabai manusia ndalani kegeluhen si mehuli.

Perp.

Ngaku kami o Tuhan, megati denga kami irintak sura-sura doni, guna majekken kinirajan kami. Sura-suraNdu enggo tambur ibahan sura-sura kami. O Tuhan, alemi kal kami. Sampatilah kami o Tuhan, gelah ngasup kami ngidah sura-suraNdu reh ndahi kami ku doni enda.

1.

Tuhan Alemi aku,

Alemi dosa ras kesalahenku

Bereken bangku pusuh si mbaru

Gelah metunggung iadepenNdu

​

2.

Tuhan alemi aku,

Sura-surangku rusur kuikutken

Ajari aku kerna p’ratenNdu

Petangkas kai arus kulakoken

3.

Tuhan Alemi aku,

Rusur denga lagungku la mehuli

Ku ban si jahat bas pengakapNdu

Sasapken k’rina salah lepakku

​

Lit.

“Kam enggo erkubang-kubang ibahan dosa, tapi Kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas.”

(Jesaya 1 : 18b)

1.

Perban kekelengenNdu,

tebusiNdu dosangku.

Alu mambur darehNdu,

Geluhku jadi mbaru

Reff. Asa ngasup gegehku,

kuikutken kataNdu

Yesus kam si perkuah.

kupuji ras kusembah.

2.

Perban kekelengenNdu

ibabaiNdu dalanku

Ku dalan kesenangen

Gelah aku terkelin

Reff. Asa ngasup gegehku,

kuikutken kataNdu

Yesus kam si perkuah.

kupuji ras kusembah.

3.

Perban kekelengenNdu

jadikenNdu geluhku

Meherga ras erguna

Desken batu permata

Reff. Asa ngasup gegehku,

kuikutken kataNdu

Yesus kam si perkuah.

kupuji ras kusembah.

L.

¹Ibaba dilaki ndai ka aku ku gerbang si arah darat, julun pertapaken Rumah Pertoton e. Gerbang ndai sangana pintu,

P.

²…

Lit.

¹…

Perp.

²emaka nina TUHAN man bangku, "Gerbang enda tetap ipintu, janah ndigan pe la banci italangi. La lit manusia si banci bengket arah gerbang e, sabap Aku, TUHAN Dibata nu Israel, nggo bengket arah e. Emaka gerbang e arus tetap pintu.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Hosiana.

Perp.

:

(iendeken)

Ho si a na, Ho si a na, Ho si a … na.

L.

³Amin bage gia, raja si sangana erkuasa banci lawes ku lorong gerbang e man pangan si badia i adep-adepenKu. Ia arus bengket ras lawes nadingken lorong gerbang e arah ruang si mbelin si lit i je."

1.

Asum Jesus ras ajar-AjarNa lanai ndauhsa ku Jerusalem, seh me Ia i Uruk Seton, deherken Betpage ras Betani. Isuruh Jesus dua kalak ajar-AjarNa

2.

nina, "To lawes, leben kam ku kuta si arah lebendu ah. Seh kenca kam ku bas kuta e, idapetindu kari sada kalde tambat, si langa pernah iersak kalak. Osari nalina jenari baba kalde e ku jenda.

3.

Adi lit kari kalak nungkun man bandu, ‘Ngkai maka itangtangindu?’ katakenlah, ‘Perlu Tuhan, minter ka kari IulihkenNa ku jenda.’"

4.

Emaka lawes ajar-ajar si dua kalak ndai. Idapetina sada kalde deher dalan, tambat i bas pintun rumah. Asum ia ngosari nali kalde e,

5.

piga-piga kalak si tedis i je nungkun nina, "Ngkai maka iosarindu kalde e?"

6.

Erjabap ajar-ajar bagi si nggo ikataken Jesus man bana, emaka ipelepas kalak ndai ibabana.

7.

Ibaba ajar-ajar si dua kalak ndai kalde e, emaka iersak Jesus.

8.

Nterem jelma ngkimbangken uisna i bas pasar, lit ka pe deba ngamparken lambe si itektekna i juma.

9.

Kerina jelma si ngikutken Jesus, si arah lebe ras si arah pudi mulai ersurak-surak nina,

10.

"Pujilah Dibata! Ipasu-pasu Dibata gelah Ia si reh i bas gelar Tuhan. Dibatalah si masu-masu Kinirajan si mulihi ipanteki, eme Kinirajan bapanta Daud; Pujilah Dibata Simeganjang!"

11.

Kenca seh Jesus i Jerusalem, lawes Ia ku Rumah Pertoton. IperdiatekenNa kerina si lit i je. Tapi perbahan wari nandangi gelap emaka lawes Ia ku Betani ras ajar-AjarNa si sepulu dua kalak e.

Lit.

:

“Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.” (Roma 12:1)

1.

Asa gegeh ras kengasupen,

Kami nehken persembahen.

Endesken kami baNdu Tuhan,

Alu dem keriahen.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

2.

Mbue tuhu kami aloken,

Pasu-pasuNdu O Tuhan.

kelengNdu i gejapken kami,

Kam kap si negu kami.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

3.

Arak-arak tetap o Tuhan,

Kegeluhen anakNdu e.

Gelah ngasup tetap Tuhan,

Makeken si tading e.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

Lit.

Jesus enggo reh jadi Raja ku bas kegeluhenta. IA me raja si erkuasa dingen ndigan pe la IA tertaluken doni enda. I bas IA me kita mejuah-juah dingen terkelin.

Perp.

Ateku tetap ngerajaken Jesus i bas geluhku, gelah lanai aku talu i bas kuasa doni.

Lit.

Jesus enggo reh jadi Raja Si mbebasken manusia i bas kuas dosa nari, i bas perukuren si banci encedai. Akukenlah IA jadi Raja i bas geluhndu ras saksikenlah kiniulinNa e.

Perp.

Meriah ukurku erkiteken enggo ku idah pendahin Tuhan si enggo mulahi aku i bas kuasa dosa nari. Kusaksiken me Jesus, jadi raja i bas perukuren ras perbahanenku.

1.

Ingetlah min gelar Yesus

Susah ntah senang gia

Ia me kap penampatndu

Ku ja pe perlawesndu

Reff. Mehaga gelarna

Pengarapenta k’rina

Mehaga gelarNa

Ermulia gelarNa

2.

Pake tetap min pedahNa

E me kap senjatanta

Kune reh percuban nderpa

Tentu la kita mampa

Reff. Mehaga gelarna

Pengarapenta k’rina

Mehaga gelarNa

Ermulia gelarNa

​

“Dibata si mada perkuah ate, si enggo nenahken kam ku kemulianNa si rasa lalap i bas Kristus, njadiken kam serta, tetap megegeh dingen paguh. Sabab IA nge si mada kuasa seh rasa lalap masu-masu kam”. Amin

​

Perp. : A....min, A.......min, A......min

​