1.

Kam si mbelin, Kam terb’rita

Kam kap sitermulia.

Mehuli Kam, dingen erkuasa

Kam si mada k’rina sinasa

Reff. Sinalsal keleng ate Tuhan

Bagi emas si labo luntur

Rejin tuhu dolatNdu Tuhan

Ngarak-ngarak kegeluhen

3.

Genduari, o Dibata

Ku sehken bujur baNdu

Terpuji Kam si mada k’rina

Si ngkelengi kegeluhenku

Reff. Sinalsal keleng ate Tuhan

Bagi emas si labo luntur

Rejin tuhu dolatNdu Tuhan

Ngarak-ngarak kegeluhen

Lit.

:

Andiko belinna perkara-perkara si ibahan Tuhan. Kerina kalak si meriah akapna rasSa merincuh ngantusisa

Perp.

:

Kerina si ilakokenNa mulia dingen terpuji, kinibujurenNa tetap rasa lalap.

Lit.

:

La ipediat Tuhan kita lupa perbahanenNa si mejin

Perp.

:

IA si perkeleng dingen perkuah

Lit.

:

IberekenNa rejeki man kalak si erkemalangen man baNa

Perp.

:

Dingen la pernah lupa perbahanenNa

1.

O kam tinepa Dibata

Si mada kuasa pujilah

Haleluya, Haleluya

Matawari ersinalsal

Krina teridah merandal

Rasa lalap puji Tuhan

Haleluya, Haleluya, Haleluya

​

4.

Mari sipuji Tuhanta

Mbelin kepe kuasaNa

Haleluya, Haleluya

Mulia kapen gelarNa

T’ridah arah tinepaNa

Rasa lalap puji Tuhan

Haleluya, Haleluya, Haleluya

​

Lit.

:

Turang ras senina, megati kebiaren ras perbeben i bas kegeluhen erbahanca kita lupa nandangi perbahanen Tuhan si mehuli man banta. Lanai si akap erguna kita mentasi wari-wari si reh pagin. Latih kal tuhu sabab si penalem gegehta janah tambah warina reh tambahan ka kebiaren e, she maka lanai ngasup kita ngantusi pendilo Tuhan i bas kegeluhenta.

Lit.

:

E maka, mari bengket kita ku bas paksa teneng guna ngukurken kelepakenta i bas kita la ngasup nehi pendilo Tuhan guna rembak ras IA.

​

​

Perp.

:

Tuhu payo megati kal kami la ngasup nehi pendiloNa guna rembak ras kam. Alemilah kami.

1.

Tuhan Alemi aku,

Alemi dosa ras kesalahenku

Bereken bangku pusuh si mbaru

Gelah metunggung iadepenNdu

​

2.

Tuhan alemi aku,

Sura-surangku rusur kuikutken

Ajari aku kerna p’ratenNdu

Petangkas kai arus kulakoken

3.

Tuhan Alemi aku,

Rusur denga lagungku la mehuli

Ku ban si jahat bas pengakapNdu

Sasapken k’rina salah lepakku

​

Lit.

“Marilah dahi Aku, o kam si latih maba baban si mberat, maka Kubereken pengadi-ngadinndu. Tamakenlah pasangenKu ku kudukndu janah erlajarlah i bas Aku nari. Sabab Aku melias janah meteruk ukurKu; alu bage idatndu me kemalemen ate”

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

3.

Pusuhku enggo ip’limbaruiNa

P’raten doni lanai erkuasa

P’rayakenku ndalanken peratenNa

Kesangapen ib’rekenNa

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

18.

Ise pe la benar i lebe-lebe Dibata

Pernembeh ate Dibata ipetangkas i Surga nari ndabuh ku kerina kejahaten manusia si la nggit nembah man Dibata. Erkiteken kejahatenna, manusia encekak ketuhu-tuhun e.

19.

Ersalah manusia e, sabap kai si banci ietehna kerna Dibata, tangkas me man bana. Dibata nge si petangkassa man bana.

20.

Mulai kin doni enda ijadiken Dibata, tangkas kap BiakNa si la teridah, eme KuasaNa ras KinidibatanNa si la ermasap-masap. Si enda banci igejapken manusia arah kai si nggo ijadiken Dibata e. Emaka lanai lit perdalihenna kerna kai si nggo ibahanna e.

21.

Itandai manusia e nge Dibata, tapi la ipehagana Dibata e bagi Dibata; bage pe la ia ngataken bujur man Dibata. Tapi perukurenna kerna si sia-sia saja, janah pusuh peratenna si batu-batun e ikuasai si gelap.

22.

Ngaku ia pentar, tapi motu nge ia.

23.

Itadingkenna kiniulin Dibata si la ermasap-masap jenari isembahna patung-patung manusia, perik-perik, rubia-rubia si empat nahena, bage pe rubia-rubia si njoler si biakna kerina ermasa-masap.

24.

Erdandanken si e ipelepas Dibata ia nehken sura-surana si melket, dingen ngelakoken perbahanen-perbahanen si cemar nandangi kulana sapih-sapih ia.

25.

Itukarkenna kebenaren Dibata alu guak. Labo Dibata si isembahna, tapi si ijadiken Dibata e nge ipuji dingen isembahna. Arusna kin si Njadikenca e nge ipuji seh rasa lalap! Amin.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

1.

Ende-enden pujin

Ende-enden pengataken bujur Daud. O Dibatangku, o Rajangku, kuberitaken ateku kerna KemulianNdu si mbelin asa lalap seh rasa lalap ateku ngataken bujur man BaNdu.

2.

Tep-tep wari kukataken bujur man BaNdu, dingen rasa lalap ateku Kam kupuji.

3.

TUHAN kap si Meganjangna, emaka arus man BaNa pujin si Meganjangna; la kap terukuri uga belinna KemulianNdu.

4.

Kai si nggo IbahanNdu la banci lang terpuji i bas kerina kesusuren si arah pudi. PerbahanenNdu si mbelin la banci lang iberitakenna.

5.

Ngerana ia kerna kiniulin ras KemulianNdu, janah PerbahanenNdu si mejin kukusur-kusur i bas pusuhku.

6.

La banci lang ngerana kalak kerna PerbahanenNdu si mbelin, janah ermomo ateku kerna KemulianNdu.

7.

Iturikenna kerina kerna belinna KiniulinNdu, janah rende kerna KinibujurenNdu.

8.

TUHAN perkeleng dingen perkuah kap, la pedas Ia merawa, janah dem keleng ate si tetap.

9.

Man ise pe mehuli Ia, janah keleng AteNa man kerina TinepaNa.

Lit.

:

“Persembahkenlah persembahen si patut man TUHAN dingen ernalemlah man baNa.”

(Masmur 4 : 6)

1.

Kataken bujur man Tuhan

‘rkiteken kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

2.

Meriahlah min ateta,

Sabab kita si k’rajangNa

Meriah dage ukurta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

4.

Pehaga Tuhan kap kita,

Si nginget ersembah baNa

itemaniNa kap kita,

Kita si rembak rasSa

Reff. Rendelah muji Tuhan

si turikenlah min

perbahanenNa banta

si enggo sialoken

Lit.

Turang ras senina, Tuhan enggo mereken penampatNa man bandu. Labo ipediatNa kam i bas kebiaren, isampatiNa nge kam i bas mentasi perbebenndu. Kegeluhenndu terus erdalan, janah wari-wari terus sambar reh. Nggit nge kam guna tetap encidahken kegeluhen si patuh man Tuhan janah tetap ernalem man baNa?

Perp.

…

Lit.

…

Perp.

Aku erpadan tetap ngikutken Tuhan segedang-gedang geluhku. Tuhan kap temanku, lanai aku mbiar, lanai aru ateku i bas ndalani wari-wari segedang geluhku. Amin.

1.

Si b’ritaken b’rita si meriah

Ulanai pedekah-dekah

Ku sebelang-belang doni enda

Seh ku kerina bangsa-bangsa

Yesus kap simada persuruhen

Mari dage siberitaken

Reff. Siberitakenlah kata ni Dibata

Kesah si Badia kap si peturahsa

Cidahken arah kata ras perbahanen

Jadi kesaksin man jelma si enterem

3.

Ersinalsal gelah terang Tuhan

Ibas kita perpulungenNa

Si persingeti k’rina temanta

Maka turah nuhit ukurna

Sipeteguhilah kiniteken

Seh kerehen wari Tuhannta

Reff. Siberitakenlah kata ni Dibata

Kesah si Badia kap si peturahsa

Cidahken arah kata ras perbahanen

Jadi kesaksin man jelma si enterem

Ipasu-pasu janah ikawali Dibata kam, siang ayo Dibata ersinalsal ibabondu janah melias ateNa ngenehen kam, itatap Dibata ku kam jana malem atendu ibahanNa. Amin.

​

​

Perp. : A....min, A.......min, A......min