1.

Puji Tuhan Haleluya

Wari enda wari Dibata

Pulung kita k’rina jenda

Rende nembah muji gelarNa

Reff. Haleluya, haleluya

Puji gelarNa

Haleluya, haleluya

Puji gelarNa

2.

Asa Kristen japa gia

Puji Tuhan si perkeleng e

Ia si nangtangi kita

I bas kuasa si gelap e

Reff. Haleluya, haleluya

Puji gelarNa

Haleluya, haleluya

Puji gelarNa

3.

Dage mari kita k’rina

Ralep-alep muji gelarNa

Ia si ndarami kita

Si mbabai kita ku surga

Reff. Haleluya, haleluya

Puji gelarNa

Haleluya, haleluya

Puji gelarNa

Lit.

:

Kemulian Dibatanta teridah i bas...

... Terpujilah Tuhan rasa lalap

Perp.

:

(KEE 358 iendeken)

Muliakenlah o tendingku,

Muliaken Tuhan Dibata o tendingku

Muliakenlah, muliakenlah,

Muliaken Tuhan o tendingku

Lit.

:

Keleng ate Dibatanta teridah maka...

... Terpujilah Tuhan rasa lalap

Perp.

:

(KEE 358 iendeken 2x)

Muliakenlah o tendingku,

Muliaken Tuhan Dibata o tendingku

Muliakenlah, muliakenlah,

Muliaken Tuhan o tendingku

Lit.

:

O Tuhan, kemulianNdu lanai...

... Perbahanen kami lanai nuduhken diri kami selaku surat ni Kristus.

Perp.

:

O Tuhan, ngaku kami kerna kesalahen kami, alemi min salah kami

(Rende 2x)

O Tuhan, O Tuhan alemilah

O Tuhan, O Tuhan alemilah

Lit.

:

Kegeluhen kami si dem alu biak...

...la terbegi soraNdu ngelebuh kami mulih kempak kemulianNdu.

Perp.

:

O Tuhan, ngaku kami kerna kesalahen kami, alemi min salah kami

(Rende 2x)

O Tuhan, O Tuhan alemilah

O Tuhan, O Tuhan alemilah

Mamre

:

.....

Mamre

:

O Tuhan ngaku kami kerna kini-langasupen kami jadi suratNdu i bas gereja, rumah tangga ras masyarakat. Kiniganjangen ukur kami erbahanca salih rupaNdu si melias i bas kami jadi ayo si merawa. Megati ipelebeken kami kesenangen rikutken doni enda asangken persadan kami ras Kam. Si e erbahanca papak kami i bas kerina dahin si ialoken kami. O Tuhan, alemi min kami.

Moria

:

.....

Moria

:

O Tuhan, mbiar kal kami ndalani geluh si bagenda beratna. Segedang wari kuskas kami guna keperlun kami, si erbahanca lanai dat kami keriahen ukur. Ibas buena dahin kami erbahanca lupa kami kerna tanggungjabab kami guna ncidahken surat ni Kristus i bas diri kami. O Tuhan sampati min kami.

Permata

:

.....

Permata

:

Selaku rudang-rudang gereja, megati kami la ngasup ncidahken kemulianNdu Tuhan. Megati kami italuken sura-sura kiningudan kami si meneken kami. Kiniganjangen ukur kami encedai kiniteruken ukur si enggo icidahkenNdu man kami. Bapa, selaku rudang-rudang gereja, la teridah kami selaku surat ni Kristus. Tuhan kelengilah kami

1.

O Bapa, salah lepakku ku ’teh nge.

Dosangku pe rusur kuinget

Man baNdu aku erdosa

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

3.

O Bapa, geluhku dem alu dosa

Ibas bertin nari pe aku

Enggo ikuasai dosa

​

Reff. Mekuah ateNdu min

erkiteken liasNdu

SasapkenNdu min

k’rina dosangku o Tuhan.

Lit.

“Kam erkubang-kubang ibahan dosa, tapi Kuperidi kam maka bersih bagi saljui. Aminna gia erkiteken dosandu kam enggo mbiring bagi tengguan, mulihi kam mbentar bagi kapas.” Amin.

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

3.

Pusuhku enggo ip’limbaruiNa

P’raten doni lanai erkuasa

P’rayakenku ndalanken peratenNa

Kesangapen ib’rekenNa

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

1.

Isuruh Musa bangsa Israel gelah patuh man Undang-undang Dibata

Kenca bage ngerana Musa man bangsa Israel, "Ikutken Undang-undang si kuajarken enda, maka kam banci nggeluh ngingani negeri si ibereken TUHAN, Dibata nu nini-ninindu man bandu.

2.

Sitik pe ula tambahi, sitik pe ula kurangi kai si kuperentahken man bandu. Ikutken lah perentah-perentah TUHAN Dibatandu si nggo kubereken man bandu.

3.

Nggo kap idahndu jine, kai si ibahan TUHAN Dibatandu i Deleng Peor. IkernepkenNa kerina kalak si nembah man Baal i jah,

4.

tapi ise kam si setia man TUHAN Dibatandu, nggeluh denga seh genduari.

5.

Nggo kuajarken man bandu kerina Undang-undang bagi si isuruh TUHAN Dibatangku man bangku. Ikutkenlah Undang-undang e i negeri si nandangi iperang ras iinganindu.

6.

Tutuslah atendu ngikutken Undang-undang e, sabap e kap ncidahkenca man bangsa si deban uga pentarna kam. Kenca ibegina kerina Undang-undang enda, tentu nina, ‘Seh kal pentarna ras beluhna bangsa si mbelin enda!’

7.

Bangsa si deban, amin uga gia belinna bangsa e, la lit kerembakenna ras dibatana bagi kerembakenta ras TUHAN Dibatanta, tep-tep kali ia erlebuh man dibatana e. Isampatina kita sanga kita perlu penampat.

8.

La lit bangsa si apai pe, amin uga gia belinna bangsa e, si lit undang-undangna si seri adilna bagi undang-undang si kuajarken man bandu wari enda.

9.

Metengetlah! Tetapkenlah i bas ukurndu maka kidekah kam nggeluh la kam lupa kejadin si nggo idahndu alu matandu jine. Turikenlah man anak-anakndu, ras man kempu-kempundu

10.

kerna wari tupung kam i adep-adepen TUHAN Dibatandu i Deleng Sinai, sanga TUHAN ngerana man bangku, ‘Pepulung bangsa enda. Ibegikenna ateKu kai si Kukataken, gelah erlajar patuh ia nandangi Aku kidekah geluhna, gelah iajarina anakna pe mbiar man bangku.’

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

Dib.

²⁰Labo e si ipelajarindu i bas Kristus.

Dil.

²¹Ma nggo ibegindu kerna Kristus, janah selaku ajar-AjarNa, ma nggo kam iajari kerna si mehuli si lit i bas Ia?

Dib.

²²Dage tangtangilah manusia si male, si erbahanca kam nggeluh bagi si nggo-nggona. Manusia si male si meneken bana alu sura-surana si nipu.

Dil.

²³Pusuh peratenndu ras perukurenndu kerina arus ipelimbarui.

Dib.

²⁴Pakelah manusia si mbaru si itepa rikutken tempas Dibata, dingen encidahken bana i bas kegeluhen si tuhu-tuhu adil dingen badia.

Dil.

²⁵Ulanai erbual! Kerina arus nuriken si tuhu-tuhu man seninana, sabap kerina kita ringring i bas sada kula.

Dib.

²⁶Adi merawa kam, ula seh erdosa. Janah ula simpan rawandu seh ben wari.

Dil.

²⁷Ula bere kesempaten man si iblis.

Dib.

²⁸Kalak si nangko gelgel nari, ulanai ia nangko. Erdahinlah ia alu mehuli guna ncariken keperlunna, janah gelah lit i bas ia guna nampati kalak si i bas kepiceten.

Dil.

²⁹…

Dib.

²⁸...

Dil.

²⁹Adi kam ngerana ula sitik pe belasken cakap si la erturi-turin. Tapi kata-kata si ergunalah belasken, si banci nampati kalak si deban rikutken perluna, gelah kata-katandu e maba kiniulin man si megisa.

Dib.

³⁰Ula ceda ate Kesah Dibata ibahanndu, sabap Kesah e kap capna maka kam sikerajangen Dibata. Kesah e jaminen maka reh me warina Dibata ndungi DahinNa mulahi kam.

Dil.

³¹…

Dib.

³⁰...

Dil.

³¹Tadingken cian ate, perampus ras pernembeh. Ulanai kam si isak-isaken ntah si cekurak-cekuraken. Ulanai sitik pe erelem-elem.

Dib.

³²Tapi melias dingen mesayanglah sapih-sapih kam. Si alem-alemenlah bagi Dibata nggo ngalemi kam i bas Kristus.

Lit.

:

“O senina-seninangku, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena atena. Sabab bage me arusna kam ersembah man Dibata sue ras biakndu selaku mahluk si rukur” (Roma 12 : 1)

1.

Nginget perkuah Dibata si mbelin

Si isehkenNa man banta k’rina kin

Ibas kerina dampar kegeluhen

I doni si dem alu keguluten

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

2.

Sabab bage me arusna kita kin

Ersembah man Dibatanta si mejin

Si nggo m’reken man banta manusia

Keg’luhen si mehuli ras badia

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

3.

Marilah k’rina sipuji Dibata

Janah sipeteruk ka pe ukurta

Alu bage si dat sura-suraNa

Kai si mehuli ras ngena ateNa

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

1.

Man baNdu Yesus Tuhanku

Kuendesken geluhku

Ukur ras perbahanenku

Geluhku Kam si mada

Kempak Yesus kerinana

Geluhku Kam si mada

Kempak Yesus kerinana

Geluhku Kam si mada

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit. :

Kesah Si Badia enggo nuratken peraten Tuhan i bas pusuhndu, uga dage perbahanenndu?

Perp.:

Erpadan kami Tuhan, arah pengerana ras perbahanen kami, itandai kalak kami selaku surat ni Kristus

Lit. :

Dibata Bapanta ngangkat kam...

... gelah banci kam meherga i adep-adepenNa. Uga dage nindu?

Mamre:

Selaku imam i tengah jabu, erpadan kami encidahken perbahanen si mehuli alu nehken kekelengen Dibata ku sekelewet. Em tandana kami surat ni Kristus.

Moria:

...

Moria:

Erpadan kami Tuhan, tetap erpengendes man Tuhan seh rasa lalap, janah icidahken surat ni Kristus i bas kerina dampar kegeluhen.

Permata:

...

Permata:

Erpadan kami Tuhan, mpersembahken kula, ukur ras tendiku jadi perkakas Dibata si engkelengi kami gelah teridah kemulian Tuhan i bas kiningudan kami ras tetap jadi surat ni Kristus.

3.

Tetap kuakuken IA

Ibas kinitekenku

Kam me ngenca si mbelinNa

Kusembah bas geluhku

Yesus Kam nggo mate jine

Man penebus dosangku

Tetaplah min aku dage

Ibas geluh si mbaru

4.

Aloken Kamlah o, Bapa

Kuendesken geluhku

KesahNdu min ngajarisa

Lah kuteh nembah baNdu

Pasu-pasu min kerina

Daging, ukur, tendingku

Gelah arah tan ras kata

Ipujina gelarNdu

Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam. Itatap Dibata ku kam, janah malem atendu ibahanNa. Amin.

​

Perp. : A....min, A.......min, A......min