1.

Pulung m’riah kal kami kerina

Jumpa ibas rumah si Badia

Reh min Kam, o Bapa si Mulia

G’lah kerina Badia jadina.

Reff: Salsali pusuh kami

Layasi ukur kami

Pengarapen reh teguhna

Kiniteken reh paguhna

2.

Wari ras berngi nggo ibentasi

Keleng ateNdu tetap nemani

I bas mberat Kam lalap nampati

I bas susah Kam si ngelayasi.

Reff: Salsali pusuh kami

Layasi ukur kami

Pengarapen reh teguhna

Kiniteken reh paguhna

1.

O, Tuhanku,

Kam saja me kuban, Penampatku

Amin ku ja

perdalan geluhku, Penampatku

Man baNdu kap

kupindo penampat

KelengNdu e arapenku tetap

2.

O, Tuhanku,

Kam me si perkeleng, ikutenku

‘Bas dalinNdu

geluhku la sirang, ikutenku

Medalit pe

tah susah dalanku

La guling kap ban tanNdu me negu

Lit.

:

O Tuhanku, O Dibatangku, ...

... Malem kal ateku ersembah man baNdu, erkiteken kiniulin si la erkeri-kerin.

Perp.

:

Lalap ateku ngataken bujur man Tuhan, kupuji Kam la erngadi-ngadi. Ersurak meriah ukurku muji gelarNdu.

Lit.

:

Tataplah ku sekelewetta, ...

...tinepa Dibata si deban. Tataplah langit si meganjang, si nuduhken kuga mbelinna kuasa Dibatanta.

Perp.

:

Terpujilah gelarNdu Tuhan, teridah kiniulin si enggo isikapkenNdu man kami kerina, doni enda kuh dingen sampur alu erbage si mehuli.

Lit.

:

Ikimbangken Tuhan mbal-mbal...

... IpesusurNa udan rikut pe ras keperlun doni enda, iberekenNa paksa lego gelah banci kita merdang.

Perp.

:

Lanai lit si kurang, kerinana enggo kuh ibahan Dibata gelah malem ateta nggeluh i babo doni enda.

Lit.

:

Nginget simparna kiniulin...

...ilakoken kami bagi sura-sura doni enda saja, seh maka enggo icurnaken kami gelarNdu arah perbahanen kami si tep-tep wari.

Perp.

:

O Tuhanku, alemi min, salah dosangku alemi min.

(KEE 380, iendeken iulih-ulihi)

Lit.

:

Alemi kel kami o Tuhan, sabab mawen surut semangat kami ndahiken dahin gerejaNdu, rusur pe la tergejap man perpulungen keleng ateNdu arah pengerana ras perbahanen kami.

Perp.

:

O Tuhanku, alemi min, salah dosangku alemi min.

(KEE 380, iendeken iulih-ulihi)

Lit.

:

Alemi kami o Bapa, ...

...gelah menahang kal pusuh kami, ras malem ate kami ibas erlebuh baNdu.

Perp.

:

O Tuhanku, alemi min, salah dosangku alemi min.

(KEE 380, iendeken iulih-ulihi)

Lit.

“Desken remang erpagi-pagi, dosandu enggo Kulesapken, janah salahndu pe enggo Kusasapken desken embun. Emaka mulihlah kempak Aku, sebab Aku kap Penebusndu.” Amin.

1.

Kam nebusi aku Tuhan

Kam si mpeteneng tendingku

Tendi si ndube tertaban

TeguNdu ku adepen Ndu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

2.

Kam ngalemi aku Tuhan

Kam si mpepalem pusuhku

Pusuh si megati nogan,

Mbaru perbahan kelengNdu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

Lit

¹⁷Adi kalak ersada ras Kristus, ia me tinepa si mbaru, si male nggo lepas janah nehenlah, si mbaru nggo reh.

Perp.

¹⁸Kerina si enda Dibata erbahanca, maka arah Kristus, kita si gelgel nari ermusuhen ras Ia, nggo IbahanNa jadi TemanNa. Janah man kami IberekenNa dahin guna njadiken MusuhNa jadi TemanNa.

Lit

¹⁹Alu kata si deban: Dibata nggo nai reh i bas Kristus; nggo IjadikenNa manusia jadi teman Dibata. Dibata la mperkiraken kelepaken manusia. Janah man kami nggo IendeskenNa Berita perdamen e.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

22.

Langa bo keri keleng ate TUHAN perkuah AteNa tetap nge lit.

23.

Keleng AteNa mbincar tep-tep erpagi-pagi, bali tetapna ras matawari si pultak arah kenjulu.

24.

TUHAN kap baginku emaka man BaNa ngenca aku erpengarapen.

Lit.

:

“Bahanlah pengataken bujur jadi persembahen man Dibata, sehkenlah kai si enggo ijanjikenNdu man si meganjangna.”

1.

Asa gegeh ras kengasupen,

Kami nehken persembahen.

Endesken kami baNdu Tuhan,

Alu dem keriahen.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

2.

Mbue tuhu kami aloken,

Pasu-pasuNdu O Tuhan.

kelengNdu i gejapken kami,

Kam kap si negu kami.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

3.

Arak-arak tetap o Tuhan,

Kegeluhen anakNdu e.

Gelah ngasup tetap Tuhan,

Makeken si tading e.

Reff: Ajari kami ngergaken,

talenta ras kiniliten.

Arah ukur ras perbahanen,

Tuhan ipermuliaken

Lit.

Genduari, bersihken dage man bandu. Ulanai kam ndabuh ku bas kubang dosa, si ncurnaken dirindu bagepe Dibatanta.

Perp.

Erpadan aku Tuhan, lanai kucedai gelarNdu alu ngelakoken lagu langkah si la mehuli i bas geluhku.

Lit.

Pakekenlah kata Dibata jadi senjata ras ampang-ampangndu, i bas kam ndalani kegeluhen i babo doni enda.

Perp.

Erpadan aku o Tuhan, lanai aku nggit kentisik pe sirang ras Kam. Kujaga ketutusenku ndahiken dahin perpulungenNdu.

Lit.

Beritakenlah Berita Si Meriah man isi jabundu, man kade-kadendu ras kalak si langa nandai Dibata

Perp.

Erpadan aku, meritaken Berita Si Meriah arah perbahanenku, gelah arah geluhku itandai kalak, maka Kam me Dibatangku.

1.

Tuhan kap si empuna geluhta

Gegehta Ia si merekenca

Kiniteken pe ras pemetehta

E pe Ia sinjujurkenca

Ia kap erbanca kita sangap

Tetaplah man Ia kita ngarap

Di reh susah breNa serpang pulah

tendi kula mejuah-juah

2.

Dage tetaplah bulat ukurta

Geluhta pe lalap min erguna

Lagu langkah pe la sia-sia

Gelar Tuhanlah ermulia

Adi jumpa kita si mesera

Pengarapen ula kal min pera

Kune riah ukur kita jumpa

Nehken bujur ula kal lupa

Patuhlah kam man perentahKu, tentu Kupepaler man bandu kemalemen ate desken lau; janah Kubere kemenangen nepet kam, desken galumbang si ergalun ku tepi lawit. Amin.

​

Perp. : A....min, A.......min, A......min