Mari sijaga kebadian ruang ibadahta, terlebih-lebih mari si mateken HPnta
Momo Renovasi Gereja : mulai tgl 16 Juli seh ku tgl 17 September 2023, Gerejanta enda sangana pembongkaren seng sindekah ras pasang seng simbaru bage kape pemasangan plafond PVC, ras pemasangen kabel dan Lampu LED, bage kape alat scaffollding ras material sidebanna, emaka ersentabi kami Panitia Renovasi Pembangunan GBKP Rg. Tebing Tinggi ibas tergangguna kenyamanenta kebaktian selama erdahin tukang. Bujur ras mejuah-juah kita kerina.
3
3
i elai :
Pdt. Marina Br. Ginting, S.Th
Minggu III KENCA TRINITATIS
(MINGGU Gereja Ras Negara)
20 Agustus 2023
GBKP RUNGGUN TEBING TINGGI
KEBAKTIN BAHASA KARO
PUKUL : 10.00 WIB
Kata Pengalo-ngalo �Ras Momo
Kata Penaruh �Kubas Kebaktin
KEE No. 071 : 1,3
1. | Teman si sada perukur Si ndarami senang je Ku bas Yesus legi ukur Maka jumpa dame e Ia kapen ikutenta Kita kap ngawanNa e Tuhan Yesus kap Gurunta Kita ajar-ajarNa e |
Perpulungen Tedis
KEE No. 071 : 1,3
3. | Kam me si persada kami K’rina si tek bandu e Gelah sikeleng-kelengen Ngikutken pedahNdu e Tudu kubas kebenaren E me kap ateNdu pe Kam me jadi Penalemen Gelah kami la bene |
VOTUM & SALAM
Kami sada dareh nge ras senina-senina kami kalak Jahudi. Ma seri nge ulina anak-anak kami ras anak-anakna? Tapi terpaksa ibere kami anak-anak kami jadi budak kalak. Piga-piga kalak anak kami si diberu nggo me deba idayaken jadi budak. Kami sitik pe lanai ergegeh ngelawan si e, sabap juma kami ras kebun anggur kami nggo man kalak.“ (Nehemia 5 : 5)
KEE No. 381 : 1 – 2
1. | Sura-sura Yesus bangku Ersinalsal tetap Nggeluh bujur ras mehuli Si ngena atena. Reff. Ersinalsal terang Em sinisuraken Yesus Ersinalsal terang Ku tetap ersinalsal |
2. | Sura-sura Yesus Kristus Nandangi geluhku Mpehaga turang senina Sisampat-sampaten. Reff. Ersinalsal terang Em sinisuraken Yesus Ersinalsal terang Ku tetap ersinalsal |
KEE No. 381 : 1 – 2
Perpulungen kundul
Perbahanen Dibata man manusia
Lit. | Dibatanta e me Dibata si mehuli. ItepaNa doni enda alu kiniulin janah ibahanNa manusia jadi punca kiniulin e. ItetapkenNa manusia jadi aronNa guna njagai ras mpekena-kena doni enda. IberekenNa tanggungjabab man banta ngaturken doni enda segelah ndalanken si ngena ateNa. |
Perp. | Terpujilah Dibata i bas kerina kiniulinNa |
Perbahanen Dibata man manusia
Lit. | Itengah-tengah kegeluhen bangsaNa, Dibata tetap erdahin guna… …, bage pe guna ngerunggui anak-anakNa. Bageme Dibata erdiate nandangi perpulungenNa. |
Perp. | Terpujilah Dibata i bas kerina kiniulinNa |
1. | Sura-sura daging lawanlah tetap Je ‘di la kam talu tambah gegehNdu Sura-sura jahat simbaklah tetap Ngaraplah man Yesus tentu kam menang Reff. Pindo gegeh man Tuhan Gelah kam lalap paguh Ib’reNa kita menang Menahang ras senang |
KEE No. 323 : 1-2
2. | Tadingken si jahat, olangi dosa Ukurndu meciho la ercinengga Pake kebenaren nggeluh bas terang Ngaraplah man Yesus tentu kam menang Reff. Pindo gegeh man Tuhan Gelah kam lalap paguh Ib’reNa kita menang Menahang ras senang |
KEE No. 323 : 1-2
Kinata kegeluhen kalak Kristen I tengah-tengah kegeluhen erbangsa ras ernegara/ Pengakun Dosa
Lit. | Negara ipake Tuhan Dibata man banta serayanNa erdahin guna ngelai kita ibas negaranta enda, kuga nge pengidahta nandangi negaranta enda? |
Perp. | Ngaku kami Tuhan, la iangka kami maka negara enda pe ipakeNdu jadi dalan ibas nehken sura-suraNdu nandangi kami kerina. |
PAKSA TENENG
Kinata kegeluhen kalak Kristen I tengah-tengah kegeluhen erbangsa ras ernegara/ Pengakun Dosa
Lit. | Adi negaranta pe ipake Tuhan jadi perkakasNa, arusna selaku anak-anakNa kita pe taat nandangi negaranta |
Perp. | … |
Kinata kegeluhen kalak Kristen I tengah-tengah kegeluhen erbangsa ras ernegara/ Pengakun Dosa
Perp. | Ngaku me kami Tuhan, ketaaten kami nandangi negara kami labo iakap kami jadi tanggungjabab kami selaku anak-anakNdu. O Tuhan, sampati dage kami gelah ngasup ngidah negara selaku serayanNdu, bage pe ketaaten kami jadi buah kiniteken kami kutengah-tengah negara kami. |
1. | I doni enda mbue kesusahen Bage pe lit ka nge perubaten Rehlah min KinirajanNdu I gereja si arus ersada Maka tangkas keg’luhen simbaru Rehlah min kinirajanNdu Reff. Rehlah min, rehlah min, Rehlah min KinirajanNdu |
KEE No. 271 : 1-3
2. | Gelah talu gelap kemusilen Cidahkenlah terang keadilen Rehlah min KinirajanNdu I bas lawit i deleng i juma I dalan, i tiga, ras i kota Rehlah min kinirajanNdu Reff. Rehlah min, rehlah min, Rehlah min KinirajanNdu |
KEE No. 271 : 1-3
3. | Bas pusuh, kata ras perbahanen Kekelengen ras pe kebenaren Rehlah min KinirajanNdu Kam me kapen si mada si nasa Ibas Kristus bangsaNdu ersembah Rehlah min kinirajanNdu Reff. Rehlah min, rehlah min, Rehlah min KinirajanNdu |
KEE No. 271 : 1-3
Pengalemi Dosa
Perpulungen tedis
Lit. | “Aku me Dibatandu si perkeleng, si la erngena ate adi kam nggeluh ibas dosa ras kejahatenndu. Aku la ertak-tak kerna dosa ras kejahatenndu, Ku lupaken ras kusasapken salahndu erkiteken ceda atendu kerna dosa ras kejahatenndu. Emaka cidahkenlah keleng atendu man bangku, jadilah pemerentah simehuli janah jadilah warga Negara si mehuli ras patuh man pemerentah sabab pemerentah pe serayanKu si Kupilih guna ngelai kam I tengah-tengah doni enda.” Amin. |
1. | Ateku tedeh man baNdu o Tuhan Malem me ateku jumpa si erkuasa Aku megegeh di ras Kam o Tuhan Sabab Kam me kapen, Ulu sinasana Reff. Kubegi KataNdu, Kata tuhu-tuhu Keke me ukurku nehken peratenNdu |
KEE 264:1-2
2. | Terang kataNdu, nerangi pusuhku Pusuh jadi senang, ergiah geluhku Gegeh simbaru, berekenNdu bangku Labo aku talu, meriah ukurku Reff. Kubegi KataNdu, Kata tuhu-tuhu Keke me ukurku nehken peratenNdu |
KEE 264:1-2
Ngoge Kata Dibata Amos 5 : 18–24
(tunggal)
18. | Andiko, cilaka me kam si ertedeh ate nandangi kerehen wari TUHAN! Kai kin untungna man bandu kerna wari e? Wari e, wari kegelapen kap man bandu, labo terang. |
(Perpulungen Kundul)
19. | Tupung si e bali kap ras sekalak jelma si pulah i bas babah arimo nari tapi ndabuh ku babah buaya! Tah pe bagi sekalak jelma si mulih ku rumahna; tupung tertande ia ku dingding, itagut nipe tanna! |
20. | Wari TUHAN, tuhu-tuhu sada wari si gelap labo lit sitik pe terangna. |
Amos 5 : 18-24
21. | Nina TUHAN, "Ciga ateKu perayan-perayan agamandu; mutah Aku ngidahsa! |
22. | Adi ibahanndu persembahen tutungen ras persembahen gandum, la Kualoken. Asuh-asuhen si nggo ipeburburndu janah ipersembahkenndu bangKu pe la Kualoken. |
Amos 5 : 18-24
23. | Ende-endenndu pe gejek Kuakap; pengadilah e. La ateKu bage megiken sora kulcapindu. |
24. | Tapi bahanlah maka keadilen erburak-burak desken lau sumbul, dingen kebujuren desken lau belin si la pernah kerah. |
Amos 5 : 18-24
Lit. | : | Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya. |
Perp. | : | (iendeken) Ha le lu ya, Ha le lu ya, Ha le lu … ya. |
Tema :
“Mehamat Man Pemerintah”
1 Petrus 2 : 11 - 17
(Tunggal)
Pdt. Marina Br. Ginting, S.Th
11. | Suruh-suruhen O teman-temanku si kesilang ras mengongsi i bas doni enda, kupindo alu mesangat man bandu gelah ula ikutkenndu kinigiten daging si rusur erperang ras tendi. |
1 Petrus 2 : 11-17
12. | Mehulilah min lagu langkahndu i tengah-tengah kalak si langa nandai Dibata, gelah adi ikatakennandu kalak jahat, idahna perbahanenndu si mehuli, emaka erkiteken si e ipujina Dibata i bas wari KerehenNa ku tengah-tengah kegeluhen kalak e. |
1 Petrus 2 : 11-17
13. | Erkiteken Tuhan, patuhlah kam nandangi kerina pemerentah i doni enda subuk nandangi raja, pemerentah si meganjangna, |
14. | bage pe man gubernur-gubernur si itugasken raja guna ngukum kalak si erbahan jahat ras muji kalak si erbahan mehuli. |
1 Petrus 2 : 11-17
15. | Sabap sura-sura Dibata e me kap gelah arah perbahanenndu si mehuli ipesinikndu kalak bodoh si luam cakapna. |
16. | Nggeluhlah bagi kalak bebas; tapi ula bahan kebebasenndu nutupi si jahat, tapi nggeluhlah bagi budak Dibata. |
1 Petrus 2 : 11-17
17. | Mehamatlah man kerina manusia, kelengilah temanndu si sada kiniteken, erkemalangenlah man Dibata, janah mehamatlah man raja. |
1 Petrus 2 : 11-17
Tema :
“Mehamat Man Pemerintah”
1 Petrus 2 : 11 - 17
Pdt. Marina Br. Ginting, S.Th
(Perpulungen Tedis)
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerentahen Pontius Pilatus, nipakuken ku kayu persilang, mate,
PENGAKUN KINITEKEN
jenari ikuburken, nusur ku doni kematen, petelu wariken nggo keke i bas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me ia pagi ngeranaken si nggeluh ras si nggo mate.
Aku tek man Kesah si Badia, janah lit sada Gereja Si Badia, persadan kalak si Badia, pengalemi dosa, kinikeken kula, kegeluhen si rasa lalap. Amin.
Lit. | : | “Enggo melala perbahanenNdu si mehuli man kami, o Tuhan Dibata kami, la lit si seri ras Kam. Andiko lalana rencana si mehuli si enggo ibahanNdu guna kami, la terturiken perban lalana.” (Masmur 40 : 6) |
KEE 354 : 1-
1. | Kam si mbelin, Kam terb’rita Kam kap sitermulia. Mehuli Kam, dingen erkuasa Kam si mada k’rina sinasa Reff. Sinalsal keleng ate Tuhan Bagi emas si labo luntur Rejin tuhu dolatNdu Tuhan Ngarak-ngarak kegeluhen |
2. | Erta-erta, kebayaken Ibas kam nari rehen Kam merentah alu kuasa Ras gegehNdu Tuhan Dibata Reff. Sinalsal keleng ate Tuhan Bagi emas si labo luntur Rejin tuhu dolatNdu Tuhan Ngarak-ngarak kegeluhen |
KEE 354 : 1-
3. | Genduari, o Dibata Ku sehken bujur baNdu Terpuji Kam si mada k’rina Si ngkelengi kegeluhenku Reff. Sinalsal keleng ate Tuhan Bagi emas si labo luntur Rejin tuhu dolatNdu Tuhan Ngarak-ngarak kegeluhen |
KEE 354 : 1-
Lit. | Dibata masu-masu kita, ikelengiNa kita, alu mereken negara guna inganta tading ras ngidah sura-sura Dibata. Alu bage, kai nge perpadanenta man Dibata nandangi negaranta? |
Perp. | Bujur Tuhan ibas negara si iberekenNdu man kami, janah kami erpadan ngidah negara kami selaku perkakasNdu guna nehken sura-suraNdu, janah icidahken kami selaku anak-anakNdu bage pe selaku warga negara si mehuli. |
Perpadanen man dibata
Perpulungen tedis
Lit. | Dibata mereken kepercayaan man banta selaku temanNa i doni enda guna nehken si ngena atena I tengah-tengah negaranta, kai dage tanggungjawabta? |
Perp. | Erpadan kami Tuhan, nehi tanggungjabab kami selaku warga gereja bage pe selaku warga negara Indonesia. |
Perpadanen man dibata
1. | Reff : Isuruh Dibata sikeleng-kelengen Si sampat-sampaten asa kengasupen Mbue me kap tuhu si man bahanenta Radu ras kerina kita ndahikenca Palasta nampati em ate mekuah Ngusih Tuhan Yesus enggo kap nampati Meriah ukurta adi teman pulah Masap kebiaren ‘je dat ate jadi |
KEE No. 254 : 1-2
2. | Reff : Isuruh Dibata sikeleng-kelengen Si sampat-sampaten asa kengasupen Mbue me kap tuhu si man bahanenta Radu ras kerina kita ndahikenca Kalak si ngikutken kata Tuhan Yesus Terangina doni ras k’rina isina Tegulah temanta gelah ola celus Si tuduhken dalin gelah ola mampa |
KEE No. 254 : 1-2
“Ipasu-pasu janah ikawali Dibata kam, siang ayo Dibata ersinalsal ibabondu; janah melias ateNa man bandu, itatap Dibata ku kam, janah malem atendu ibahanNa.” Amin. Perp. : A....min, A.......min, A......min |
Paksa teneng
Selamat Wari Minggu