1.

Puji Tuhan Haleluya

Wari enda wari Dibata

Pulung kita k’rina jenda

Rende nembah muji gelarNa

Reff. Haleluya, haleluya

Puji gelarNa

Haleluya, haleluya

Puji gelarNa

2.

Asa Kristen japa gia

Puji Tuhan si perkeleng e

Ia si nangtangi kita

I bas kuasa si gelap e

Reff. Haleluya, haleluya

Puji gelarNa

Haleluya, haleluya

Puji gelarNa

3.

Dage mari kita k’rina

Ralep-alep muji gelarNa

Ia si ndarami kita

Si mbabai kita ku surga

Reff. Haleluya, haleluya

Puji gelarNa

Haleluya, haleluya

Puji gelarNa

Lit.

:

Dibata melias dingen perkuah kap. IetehNa maka labo kita ngasup mulahi dirinta i bas kuasa kematen nari. E maka itebusiNa kita arah kematen Jesus, gelah olanai kita ikuasai kematen, dingen bene i bas dosanta.

Perp.

:

Terpujilah Kam Tuhan. Ermengkah dingen malem kal ate kami, erkiteken lias ateNdu. Pulah me kami i bas kematen si la tertaluken kami.

1.

Nggo jumpa ras perkuah ate,

Metunggung gia aku lang.

Iban si e la aku mate,

Emaka ‘teku me gedang.

Perkuah ate Tuhan kin,

Perkuah ate Tuhan kin.

Makana aku terkelin,

Makana aku terkelin.

3.

Perkuah ate Tuhan nari,

Penalemenku saja e.

Kupuji Tuhan e gundari,

Si nginget aku lalap me.

Emaka las ukurku pe,

Emaka las ukurku pe.

Ngikutken lalap Tuhan e,

Ngikutken lalap Tuhan e.

Lit.

:

Adi itatap Dibata ku bas pusuhta sekalak-sekalak. Pusuh ras ukur si kuga nge idapeti Dibata i bas dirinta?

Dibata enggo njujurken keselamaten man banta. IdapetiNa ndia pusuh si dem pengataken bujur? Dibata enggo nehken keleng atena man banta. IdapetiNa ndai perukuren si ngergaken keleng ateNa e?

Perp.

:

…

Lit.

:

…

Perp.

:

Tuhan, ngaku kami kurang ngasup ngataken Bujur i bas keselamaten si IberekenNdu. Kami kurang ngergaken keleng AteNdu guna nelamatken kami. Tuhan, alemi min kami.

1.

Kuakuken kerina salahku,

IadepenNdu Tuhanku.

Tuhu ku gejap mbue dosangku.

Meluat nari kal pergeluhku

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

2.

Lalap ku inget salah dosangku,

Ku gejap salah lepakku.

Dosa nge lalap perbahanenku,

Kulakoken si la ngena ‘teNdu.

​

Reff. Mekuah min ateNdu aku,

sasapkenlah dosangku.

O Tuhan tegulah min aku,

‘lah tetap jingkangku.

Lit.

Dibata setia kap. Keleng ateNa la ersibar. La itak-takiNa dosa manusia si meluat mekelesa. Emaka selaku persuruhen Dibata, aku nehken kataNa man banta si nggejap ras ngakuken dosanta, nina:

“Amin bage gia, Aku kap Dibata si nasapken dosa-dosandu; janah si e Kulakoken erkiteken bage kin biakKu. Lanai Kupeinget-inget kerina dosa-dosandu” Amin.

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

3.

Pusuhku enggo ip’limbaruiNa

P’raten doni lanai erkuasa

P’rayakenku ndalanken peratenNa

Kesangapen ib’rekenNa

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

20.

Malem Ate Dingen Ceda Ate

Kenca bage, ipernehen Jesus ajar-AjarNa, jenari nina, "Malem tuhu-tuhu atendu kam kalak musil-musil, sabap kam empuna Kinirajan Dibata.

21.

Malem tuhu-tuhu atendu si melihe genduari, sabap kam pagi ibesuri. Malem tuhu-tuhu atendu si tangis genduari, sabap tawa me kam pagi.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

Lit.

³O Dibata mekuah min ateNdu kempak aku, erkiteken LiasNdu, sasapkenlah dosangku, erkiteken perkuah AteNdu.

Perp.

⁴Peridi min aku maka masap kejahatenku, urasi min aku maka masap dosangku.

Lit.

⁵Salah lepakku kueteh nge, dosangku pe rusur kuinget.

Perp.

⁶Man BaNdu, man BaNdu saja ngenca aku erdosa, kubahan me si jahat i bas PengakapNdu. Emaka patut nge aku IukumNdu, janah bujur nge KeputusenNdu.

Lit.

⁷I bas kesalahen kap tubuhku ndube, sabap i bas bertin nari pe nggo aku ikuasai dosa.

Perp.

⁸Ukur si pinter ras kebujuren nge si IpindoNdu, dage demilah pusuhku alu KepentarenNdu.

Lit.

:

“Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata, sue ras biakndu selaku mahluk si rukur”

(Roma 12 : 1)

1.

Nginget perkuah Dibata si mbelin

Si isehkenNa man banta k’rina kin

Ibas kerina dampar kegeluhen

I doni si dem alu keguluten

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

2.

Sabab bage me arusna kita kin

Ersembah man Dibatanta si mejin

Si nggo m’reken man banta manusia

Keg’luhen si mehuli ras badia

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

3.

Marilah k’rina sipuji Dibata

Janah sipeteruk ka pe ukurta

Alu bage si dat sura-suraNa

Kai si mehuli ras ngena ateNa

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

Lit.

Kita enggo ngaloken lias ateNa, kai nge ndia si jadi perpadanenta man Dibata?

Perp.

O Tuhan, enggo kualoken lias ateNdu jadi gegehku. Erpadan aku nggeluh setia man baNdu.

Lit.

Dibata enggo mulahi manusia arah kuasa dosa, jenari idiloNa manusia naksiken keleng ateNa.

Perp.

O Tuhan, kuendesken diringku man baNdu, gelah idah doni enda keleng ateNdu arah kegeluhenku.

1.

Perkuah ateNdu

ngenca pengarapenku.

Labo lit si deban si pengasup aku

Malem me ateku

nggeluh teruh kabengNdu

Isikapken Tuhan k’rina kegeluhen

Bagem kepe tuhu

keg’luhen anak Tuhan

Si tetap ngarapken

perkuah ateNdu.

2.

Bujur ningku baNdu,

Si ‘nggo nampati aku

Bas teruh kuasaNdu,

Ku ‘ndesken geluhku

Bene me kerina kiniarun ateku

Tuhan si ngangkatken

k’rina perbebenku

Tetap ku endesken

kegeluhenku baNdu

Jadikenlah aku jadi perkakasNdu

Berkatlah naksiken keleng ate Dibata, gelah idah doni enda maka Dibata erkuasa njagai dirindu. Si jadi gegehndu, alokenlah pasu-pasu idur Dibata nari:

​

“Lias ate Tuhan Jesus Kristus, kekelengen Dibata Bapa ras kerembaken Kesah Si Badia ras kam kerina gelah”. Amin

​

Perp. : A....min, A.......min, A......min

​