1.

Reff :

Pujilah min Dibata

Puji gelarNa si badia

Ibas Kristus nggo siidah

Dibata jine si perkuah

Langit ras doni rendelah

Mungkuk erjimpuh nembahlah

Pasu-pasuNa kap mbelin

Keleng ateNa la erkerin

2.

Reff :

Pujilah min Dibata

Puji gelarNa si badia

Ibas Kristus nggo siidah

Dibata jine si perkuah

O, doni k’rina, suraklah

Tuhan Dibata pujilah

Rikut kulcapi ras gendang

Sampur meriah la teralang

1.

Kek’lengen Yesus kempak manusia

Desken Dibata engkelengi Ia

KekelengenNa maler kap man banta

Adi sipakelah pedahNa

Reff. Min si keleng-kelengen kita k’rina

Bagi pedahken Yesus bas pustaka

Sababna kai sipindo bas gelarNa

Ib’re Dibata man banta.

3.

Bas paksa kita nehken kekelengen

Ola min siban ceda kempak teman

Erban mehuli ola rahan-ahan

Lah kedamen jujurken Tuhan

Reff. Min si keleng-kelengen kita k’rina

Bagi pedahken Yesus bas pustaka

Sababna kai sipindo bas gelarNa

Ib’re Dibata man banta.

Lit.

O Tuhan, Tuhan kami, kemulian-Ndu teridah belang-belang doni. Seh ku Surga Kam terpuji;

Perp.

Danak-danak ras si gara-gara rende muji Kam. Kinirajan-Ndu nteguh la terundu, imbang si ngelawan Kam isompelNdu babahna

Lit.

Adi kutare ku langit tinepaNdu, kuidah bulan ras bintang-bintang si itamakenNdu i bas inganna.

Perp.

Kai kin manusia e, maka ingetNdu ia? Manusia kap ngenca, ngkai maka ipekena-kenaNdu ka ia?

Lit.

IbahanNdu ia teruhen asangken Kam ngenca, itangkuhkenNdu ia alu kemulian ras kehamaten.

Perp.

ItangkuhkenNdu ia jadi raja, merentah kerina tinepaNdu kerina itamakenNdu ku tapak-tapak naheNdu.

1.

Kam Tuhan Dibata simada kuasa

Singkelini k’rina doni enda

Badia gelarNdu mulia me tuhu

Kupuji gelarNdu bas geluhku

Kam Tuhan Dibata simada kuasa

Singkelini k’rina doni enda

2.

Kam Tuhan Dibata simada kuasa

Singerajai k’rina nasana

K’rina tinepaNdu nembah mungkuk baNdu

Rasa lalap mujiken gelarNdu

Kam Tuhan Dibata simada kuasa

Singerajai k’rina sinasana

Lit.

Turang ras senina, bage ulina rencana Dibata i bas njadiken kita mulia dingen mehaga, gelah kita jadi temanNa njagai ras ngergaken kegeluhen. Si sedari nge maka bage kal ulina sura-sura Dibata i bas geluhta?

Perp.

......

Perp.

Ngaku kami Tuhan, maka gatin nge labo isedari kami, maka geluh kami meherga i adep-adepenNdu. Lanai dalanken kami sura-suraNdu guna njagai ras ngergaken kegeluhen. Emaka lanai idah doni enda pendahinNdu i bas geluh kami.

Lit.

I bas Dibata ngergaken sinasa lit alu mehuli dingen mulia, kuga nge ndia kita i bas ngergaken temanta manusia dingen njagai tinepaNa si deban?

Perp.

......

Perp.

Ngaku kami o Tuhan, maka kurang kami ngergaken ke-mulianNdu si lit i bas diri teman bage pe tinepaNdu si deban. Seh maka kami lanai mediate dingen nggeluh erbana-bana

1.

Si bas dosa kin ercebah

Ola nai min dage pe dekah-dekah

Tuhan Yesus ’nggo ertenah

ItimaiNa me kam wari si sendah

Reff : Minter dahi Tuhan Yesus si melias

Je turiken k’rina dosa alu telkas

’Lah darehNa mbersihkenca

seh melikas

Maka banNa enggo kelas

3.

‘Nggo buen kap si la uli

Kusilahi megati si mehuli

Adi dosa si ngkapiti

Ban si e’tah lanai tersasap nari

Reff : Minter dahi Tuhan Yesus si melias

Je turiken k’rina dosa alu telkas

’Lah darehNa mbersihkenca

seh melikas

Maka banNa enggo kelas

Lit.

Tuhan e perkuah dingen perkeleng...

..., jera i bas dosa ras kesalahenta nari:

“Bali ras ganjangna langit i babo doni nari, bage kal me belinna keleng ateNa man kalak si erkemalangen baNa. Bagi dauhna kepultaken ras kesunduten, bage me ipedauhNa dosa-dosanta i bas kita nari. Bagi keleng ate bapa man anak-anakna, bage kal me pengkelengi Dibata kalak si erkemalangen man baNa”

(Bdk. Masmur 103:8-13)

1.

Anak-anak Selapehat si Diberu

Mahlah, Nuah, Hogelah, Milkah, ras Tirsah eme anak-anak si diberu i bas Selopehat anak Heper, anak Gileat, anak Mahir, anak Manase, anak Jusup.

2.

Lawes ia ngadap Musa, Imam Eleasar, peminpin-peminpin Israel, ras kerina perpulungen e i bas dalan bengket ku bas Kemah Perjumpan, jenari nina,

3.

"Bapa kami nggo mate i bas taneh si mesawang alu la nadingken anak dilaki sada pe. Ia labo nai pengikut Korah, si nimbak TUHAN; ia mate erkite-kiteken dosana jine.

4.

Adi erkite-kiteken la lit anakna dilaki nge, ngkai maka gelar bapa kami arus masap i bas Israel nari? Berekenlah man kami taneh i bas bagin kade-kade bapa kami."

5.

Persoalan enda isehken Musa man TUHAN,

6.

jenari nina TUHAN man bana,

7.

"Payo nge pemindon anak-anak si diberu Selopehat; berekenlah man bana taneh i bas bagin kade-kade bapana. Berelah erta-erta tenading bapana nusur man bana kerina.

8.

Kataken man bangsa Israel maka adi lit sekalak dilaki mate alu la nadingken anak dilaki, anakna si diberu arus ngaloken erta-erta tenadingna.

9.

Adi anakna si diberu pe la lit, senina-seninana si ngalokenca.

10.

Adi senina-seninana pe la lit, senina bapana si ngaloken tading-tadingen e.

11.

Adi la lit seninana ntah pe senina bapana, emaka kade-kadena si ndeherna si ngaloken tading-tadingenna e, janah njemaksa bagi ertana jine." Bangsa Israel arus ngaloken si enda jadi sada ketetapen undang-undang sue ras si nggo ipedahken TUHAN man Musa.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

​

Perp.

:

(iendeken)

Ha le lu ya, Ha le lu ya, Ha le lu ... ya.

5.

Kegeluhen si male ras kegeluhen si mbaru

Dage bunuhlah biak-biak doni si la mehuli, umpamana: erlua-lua, erlagu la mehuli, peraten daging, sura-sura si jahat, bage pe rangap (sabap rangap e me nembah man berhala).

6.

Sabap erdandanken si emaka reh rawa Dibata nandangi kalak si la ngikutken KataNa.

7.

Nai kam nggeluh rikutken lagu langkah si la mehuli, e me asum kam ercebah i bas kubang dosa.

8.

Tapi genduari ambekkenlah kerina si bage rupa: merawa, ngamuk, ras segat ate. Ula cekurak ntah pe melasken cakap melket.

9.

Ula perbual, sabap nggo itangtangindu manusia si male ras kerina kebiasanna,

10.

janah genduari nggo ipakendu manusia si mbaru. Kam genduari manusia si mbaru si tetap ipebarui Dibata si njadiken kam rikutken TempasNa jine. Tujunna e me gelah itandaindu alu serta Dibata.

11.

Emaka lanai bo erndobah kalak Jahudi ntah la kalak Jahudi, si ersunat ntah la ersunat; lanai erndobah suku-suku asing, kalak Sekyt si ianggap hina, budak ntah bebas; sabap Kristus kap kerina. Kristus ersada ras kerinana.

Lit.

:

Dibata enggo nepa kita mulia dingen...

...palas i bas kita nehken persembahenta :

“O senina-seninangku, nginget perkuah ate Dibata si mbelin si isehkenNa man banta, kupindo man bandu: endeskenlah kulandu man Dibata saja selaku persembahen si nggeluh rikutken si ngena ateNa. Sabab bage kap arusna kam ersembah man Dibata sue ras biakndu selaku mahluk si rukur”. (Roma 12:1)

1.

Nginget perkuah Dibata si mbelin

Si isehkenNa man banta k’rina kin

Ibas kerina dampar kegeluhen

I doni si dem alu keguluten

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

2.

Sabab bage me arusna kita kin

Ersembah man Dibatanta si mejin

Si nggo m’reken man banta manusia

Keg’luhen si mehuli ras badia

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

3.

Marilah k’rina sipuji Dibata

Janah sipeteruk ka pe ukurta

Alu bage si dat sura-suraNa

Kai si mehuli ras ngena ateNa

Reff. Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

Lit.

Turang ras senina, Nina Dibata...

... Arah Kam Kubahan perpadanen ras kerina bangsa, arah Kam Kubereken terang man bangsa-bangsa.

Perp.

Alu gegeh i bas Dibata nari, erpadan aku ngergaken kerina temanku manusia radu ras tinepaNdu si deban.

Lit.

Dibata tetap kap erdahinn guna mpelimbarui kegeluhenta manusia radu ras tinepaNa si deban.

Perp.

Erpadan aku Tuhan, tetap njaga ras empelimbarui kehamatenku nandangi kerina temanku ras tinepaNdu sideban.

Lit.

Dibata tetap ersura-sura makeken kita jadi perkakasNa guna nehken keleng ateNa man kerina manusia.

Perp.

Ijenda aku Tuhan, suruhlah aku nehken kekelengenNdu, maba dame ras ndalanken kebujuren.

1.

Ajar aku o Tuhan

Ng’lawan kuasa dosa e

Tetap min ras Kam Tuhan

Maka aku la bene

Reff. PedahNdu kugelem kap

Tendang bas dalanku pe

K’leng ateNdu tangkas kap

Bas kerina g’luhku e

2.

Pegegehi ukurku

Bagepe ras tendingku

demiNdu min pusuhku

Alu kuasa kesahNdu

Reff. PedahNdu kugelem kap

Tendang bas dalanku pe

K’leng ateNdu tangkas kap

Bas kerina g’luhku e

3.

Tetap me ukurku e

Ndalanken pedahNdu e

IpelimbaruiNdu keg’luhen

si melket e

Reff. PedahNdu kugelem kap

Tendang bas dalanku pe

K’leng ateNdu tangkas kap

Bas kerina g’luhku e

Kekelengen ni Tuhan, berkatlah ndalani geluhndu si meherga i adep-adepen Dibata alu tetap ngergaken kerina tinepaNa. Guna jadi gegehndu, alokenlah pasu-pasu idur Dibata nari : “Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam. Itatap Dibata ku kam, janah malem atendu ibahanNa.” Amin.

​

Perp. : A....min, A.......min, A......min