1.

Dibata kap njagaisa gedang berngi,

Sangana aku medem nderbih nai,

Je medak aku bas erpagi-pagi,

GelarNdu kupebelin ras kupuji.

Reff. Wari enda wari ni Dibata ale,

Sialoken janah m’riahlah ukurta,

Dage baNa ‘ndesken keg’luhennta ale,

Bas nembah muji g’larNa Sibadia

2.

Kawali dage aku gedang wari

Meriah ‘tahsa gulut gia sekali

Pesalanglah ukurku genduari

‘Lah banci kulakoken si mehuli.

Reff. Wari enda wari ni Dibata ale,

Sialoken janah m’riahlah ukurta,

Dage baNa ‘ndesken keg’luhennta ale,

Bas nembah muji g’larNa Sibadia

1.

Sipuji Tuhan

arah geluhta

Si inget tetap

ngaruhna banta

Ban k’leng ateNa

nebusi kita

Terkelin kita

si tek man Bana

2.

Segedang g’luhta

inget Dibata

Bas k’rina paksa

ngaraplah baNa

Tetap ukurta

rembak ras Ia

Erban si ‘rguna

ula erleja

Lit.

Dibatanta i bas Jesus Kristus kap ngenca Dibata si erdolat dingen erkuasa nandangi kerina isi doni enda bagepe GerejaNa

Perp.

Terpujilah Kam Tuhan si mada doni enda ras si mada gereja.

Lit.

Dibatanta si mada gereja erngena ate nandangi anak-anakNa si setia ras patuh nandangi Perentah-perentahNa. IA ngenca Dibata si metunggung isembah, si erngena ate man anak-anakNa si nembah IA alu bulat ukur ras pusuh si meciho.

Perp.

Ikataken kami bujur baNdu Tuhan, si tetap nehken sura-suraNdu gelah kami ngasup nggeluh sentudu ras peratenNdu. Terpujilah kam rasa lalap.

Lit.

Dibata tetap erdahin make kita jadi temanNa lako mpelimbarui kegeluhen gereja ras masyarakat.

Perp.

Ikataken kami Bujur man baNdu Tuhan, tetap kami ipakeNdu maba kiniulin i bas kegeluhen gereja bagepe masyarakat.

1.

Kataken bujur man Tuhan

‘rkiteken kiniulinNa

KekelengenNa man banta

Tetap seh rasa lalap

Reff. Rendelah muji Tuhan

si turikenlah min

perbahanenNa banta

si enggo sialoken

3.

Malem kal tuhu ateta,

Bujur kal perbahanenNa

Pasu-pasuNa geluhta,

Si tetap nembah baNa

Reff. Rendelah muji Tuhan

si turikenlah min

perbahanenNa banta

si enggo sialoken

Lit.

Turang dingen senina, megati kal kita mpebelin sura-suranta ras kerincuhen doni enda jadi i tengah-tengah gereja. Erkiteken si e, lanai kita ngasup patuh man Dibata, seh maka turah me rawa Dibata. Ngaku kita la ngasup nggeluh i bas kebenaren perentah Tuhan, e maka dungna pe lanai kita ngasup mpelimbarui sekelewetta. Marilah kita bengket ku bas paksa teneng.

2.

Kuukuri me lagungku

Dosa nari k’rina pe

Nggo terbuang wari-wari

La kupergunaken pe

3.

Rusur nari aku lalar

Ngaku aku o, Tuhan

Amin gia aku Kristen

Dosa lalap nge kuban

4.

Perban e me kutungtungken

‘Kurku baNdu o, Tuhan

Ras mekuah min ateNdu

Sasaplah dosangku min

Lit.

:

Selaku persurehen Tuhan, aku nehken kataNa man banta kerina kita si ngakuken dosa-dosanta i lebe-lebe Tuhan. Nina Tuhan:

​

Kita enggo erkubang-kubang i bahan dosa, tapi i peridiNa kita maka bersih bagi salju. Aminna gia erkiteken dosanta kita enggo mbiring bagi tengguang, mulihi kita jadi mbentar bagi kapas (Bdk. Jesaya 1 : 18)

1.

Kam nebusi aku Tuhan

Kam si mpeteneng tendingku

Tendi si ndube tertaban

TeguNdu ku adepen Ndu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

2.

Kam ngalemi aku Tuhan

Kam si mpepalem pusuhku

Pusuh si megati nogan,

Mbaru perbahan kelengNdu

Reff: Malem kel ateku Bapa,

Ban keleng ate Ndu

Ku puji gelarNdu Bapa,

Mulia gelarNdu

TeguNdu lah aku Tuhan,

Ibas pusuhku Kam ringan

PetetapNdu aku Tuhan

Gelah dosa talu me kuban

Lit.

¹⁸Tenah man perpulungen Tiatira

”Man malekat perpulungen i Tiatira suratkenlah bagenda: Enda me berita i bas Anak Dibata nari, si MataNa erkinar-kinar bagi api, janah NaheNa erkilat bagi tembaga si nggo isepuh.

Perp.

¹⁹...

Lit.

¹⁸...

Perp.

¹⁹Kueteh kai si idahikenndu. Kueteh nge kerna keleng atendu, kerna tutus atendu, kerna penampatindu, bage pe kerna saber atendu. Kueteh maka buen si idahikenndu genduari asangken si tangtangna nai.

Lit.

²⁰Tapi pandangenKu nandangi kam e me kap: Ipelepasndu si Isebel, diberu e, ngakuken dirina nabi Dibata. Ngajar ia, janah ibabaina persuruhenKu papak erlagu la mehuli, dingen man pangan si nggo ipersembahken man berhala-berhala.

Perp.

²¹...

Lit.

²⁰...

Perp.

²¹Nggo Kubereken kesempaten man bana gelah ia jera i bas dosa-dosana nari, tapi la ia nggit jera i bas erlagu la mehuli e nari.

Lit.

²²Nehenlah, genduari Kusampetken me ia ku bas ingan medem kiniseran, janah temanna erlua-lua e ngenanami kiniseran si mberat, pala jera kin ia i bas perbahanen Isebel e nari.

Perp.

²³...

Lit.

²²...

Perp.

²³Ajar-ajarna pe Kubunuh. Alu bage kerina perpulungen metehsa maka Aku me si meteh ukur ras sura-sura manusia. Kubalas me man bandu sekalak-sekalak rikutken kai si nggo ibahanndu.

Lit.

²⁴Tapi temanndu si deban, si ringan i Tiatira la ngikutken pengajaren si jahat enda. La ipelajarindu kai si ikatakenna ‘bagesna rahasia Iblis’. Kukataken man bandu maka labo Kutambahi babanndu.

Perp.

²⁵Tapi tetaplah dalanken pengajaren si nggo lit i bas kam genduari seh Aku reh pagi.

Lit.

^26-28Man kalak si menang, si tetap ndalanken si ngena ateKu seh ku kedungenna, Kubereken pagi bana kuasa bagi si Kualoken i bas BapangKu nari. Kubereken pagi man bana kuasa ngkuasai bangsa-bangsa alu ciken besi, dingen ngeripukkenca bagi kudin taneh. Kubereken pe man bana bintang si cahar.

Perp.

²⁹...

Lit.

^26-28...

Perp.

²⁹Adi lit cupingndu begikenlah kai si ikataken Kesah Dibata man perpulungen-perpulungen."

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

1.

Josia raja Juda

Josia umur waluh tahun tupung ia jadi raja Juda. Jenari merentah ia i Jerusalem telu pulu sada tahun dekahna.

2.

Ilakokenna kai si ngena ate TUHAN. Iusihna perbahanen nini-ninina Raja Daud, janah alu tutus iikutkenna kerina Undang-undang Dibata.

3.

Josia ngeruntuhken sembah-sembahen kalak perbegu

I bas tahun pewaluhken kenca Josia jadi raja, tupung ia nguda denga kal, ia mulai nembah man Dibata nini-ninina Raja Daud. Empat tahun kenca si e ia mulai ngeruntuhken ingan-ingan ersembah man berhala-berhala, gana-gana Dewi Asera bage pe kerina gana-gana si deban.

4.

Arah perentahna iruntuhken anak buahna batar-batar ingan ersembah man Baal, janah batar-batar ingan nutung si merim-merim si ndeher i je pe irontaskenna. Iripukkenna jadi abu gana-gana Dewi Asera bage pe gana-gana si deban jenari icaburkenna abu e ku babo kuburen kalak si nggo mereken persembahen man gana-gana e.

5.

Itutungna tulan-tulan imam-imam perbegu i babo batar-batar inganna ersembah. Alu ngelakoken kerina si e, ibahanna Juda ras Jerusalem mulihken bersih rikutken aturen agama.

6.

Bage ka nge perbahanenna i bas kota-kota si nggo radas i daerah-daerah Manase, Eperaim bage pe Simeon seh ku Naptali i Utara.

7.

I belang-belang daerah Kerajan Utara iruntuhkenna batar-batar ras gana-gana Asera, iripukkenna gana-gana e jadi abu, janah iperperkenna kerina batar-batar ingan mpersembahken si merim-merim. Kenca bage mulihken ia ku Jerusalem.

Lit.

:

O senina-seninangku, nginget perkuah ate Tuhan si mbelin siisehkenNa man banta, kupindo man bandu: Endeskenlah kulandu man Tuhan saja selaku persembahen si nggeluh rikutken si ngena ateNa

(Roma 12 : 1a)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Turang ras senina, enggo si angka maka Tuhan Dibata ngenca si erdolat dingen erkuasa i bas gereja bagepe doni enda.

Perp.

Erpadan kami Tuhan, ertutus ate ersembah man BaNdu saja dingen tetap erpengendes kempak peratenNdu

Lit.

Kita genduari manusia si mbaru si tetap ipelimbarui Dibata si njadiken kita rikutken tempasNa jine. …

…. Alu bage banci si dat kai sura-sura Tuhan, kai si mehuli, kai si ngena ateNa, janah kai si sempurna

Perp.

Erpadan kami o Tuhan, lako netapken ukur kami i bas ndalanken sura-suraNdu, gelah geluh kami erguna man gerejaNdu ras masyarakat.

Lit.

Dibata tetap make kita jadi temanNa guna maba pembaharuan ku tengah gerejaNa ras masyarakat

Perp.

Erpadan kami Tuhan ertutus ate maba kegeluhen si mehuli bagi si ngena AteNdu i bas gereja bagepe i tengah masyarakat

1.

Sura-sura Yesus bangku

Ersinalsal tetap

Nggeluh bujur ras mehuli

Si ngena atena.

Reff. Ersinalsal terang

Em sinisuraken Yesus

Ersinalsal terang

Ku tetap ersinalsal

3.

Kupindo Yesus nampati

Njaga pusuhku e

Gelah ngasup ersinalsal

Ngikutken Tuhan e.

Reff. Ersinalsal terang

Em sinisuraken Yesus

Ersinalsal terang

Ku tetap ersinalsal

Tetaplah kam nggeluh i bas kegeluhen si enggo ipelimbarui Tuhan maka ula kam seri ras doni enda. Emaka alokenlah pasu-pasu idur Dibata nari si tetap mpelimbarui geluhndu:

​

Dibata sumbul kemalemen ate e gelah sincukupi keperlunndu guna ndalanken si sentudu ras peratenNa. Janah Tuhanlah erdahin i bas kam arah Jesus Kristus gelah kam ngelakoken si ngena ateNa. Man Kristuslah kemulian seh rasa lalap. Amin.

​

Perp. : A....min, A.......min, A......min