Qari mill-Ittra ta’
San Ġakbu Appostlu
Ġak 4, 13-17
Għeżież, issa nkellmu lilkom, intom li tgħidu:
‘Illum jew għada
mmorru f’din jew dik
il-belt u nqattgħu sena hemmhekk, nixtru u
nbigħu u nagħmlu l-flus,’
u intom ma tafux x’għad isir għada!
Għax x’inhi ħajjitkom?
Intom bħal fwar li jidher għal ftit u mbagħad
jgħib.
Flok ma tgħidu:
‘Jekk il-Mulej irid, ngħixu u nagħmlu dan jew dak,’
tiftaħru bil-frugħat tagħkom! Kull ftaħir bħal dan huwa ħażen.
Jekk mela xi ħadd jagħraf
it-tajjeb li għandu jagħmel u ma jagħmlux, jagħmel dnub.
Il-Kelma tal-Mulej
R:/ Irroddu ħajr lil Alla
R:/ Henjin il-foqra
fl-ispirtu, għax tagħhom
hija s-Saltna tas-Smewwiet
Salm Responsorjali
Isimgħu dan, popli kollha;
agħtu widen, intom ilkoll li tgħixu fid-dinja;
kemm iż-żgħar u l-kbar
tal-poplu,
kemm il-għonja u kemm
il-fqar.
R:/ Henjin il-foqra
fl-ispirtu, għax tagħhom
hija s-Saltna
tas-Smewwiet
Għax għandi nibża’
mill-jiem ħżiena,
meta jdur għalija l-ħażen ta’ dawk li jonsbuni?
F’ġidhom it-tama tagħhom;
jiftaħru bil-kotra tal-għana tagħhom.
R:/ Henjin il-foqra
fl-ispirtu, għax tagħhom
hija s-Saltna
tas-Smewwiet
Ħadd ma jista’ jifdi lilu nnifsu,
jew jagħti lil Alla l-prezz
tal-fidwa tiegħu.
Għoli wisq il-prezz ta’ ħajtu,
qatt ma jkun biżżejjed,
biex wieħed jgħix għal
dejjem u ma jara qatt il-qabar.
R:/ Henjin il-foqra
fl-ispirtu, għax tagħhom
hija s-Saltna tas-Smewwiet
Jara mqar l-għorrief imutu,
l-iblah u l-belhieni lkoll jintemmu,
u lil ta’ wrajhom iħallu ġidhom.
R:/ Henjin il-foqra
fl-ispirtu, għax tagħhom
hija s-Saltna
tas-Smewwiet
Hallelujah, Hallelujah
Jiena hu t-Triq, il-Verità u
l-Ħajja, jgħid il-Mulej.
Ħadd ma jmur għand
il-Missier jekk mhux permezz tiegħi.
Hallelujah, Hallelujah
Qari mill-Evanġelju skont
San Mark
Mk 9, 38-40
R:/ Glorja lilek Mulej
F’dak iż-żmien, Ġwanni qal lil Ġesù:
“Mgħallem, wieħed raġel,
li s-soltu ma jkunx magħna, rajnieh ikeċċi x-xjaten
f’ismek u ridna
nżommuh, għax hu mhuwiex wieħed minn tagħna.”
Imma Ġesù qal:
“La żżommuhx, le, għax ma hemm ħadd li se
jagħmel miraklu f’ismi u mbagħad malajr se jkollu ħila jgħid kontra tiegħi.
Għax min mhuwiex kontra tagħna, huwa magħna.”
Il-Kelma tal-Mulej
R:/ Tifħir lilek Kristu