1.

Nggo kita pulung i lebe

Tuhannta si mbelin

Ersadalah totonta e

Ras ‘nde-enden pujin

​

2.

O, Tuhanku si nasa lit

Pematang ibas Kam

E banci kin la kami nggit

Mehaga ndahi Kam ?

3.

Ajaren bujur man paken

Nggo sehku kami kap

Teruslah min ku peraten

’lah ukur nggo tetap

​

1.

Ku’ndesken k’rina g’luhku,

Anem melket aku

Tuhan penalemenku,

Tetap me ukurku

Kusimbak p’raten doni,

Lah metunggung aku

Gegeh kuasaNdu ndemi

Lah malem ateku

2.

Bas paksa kesusahen

Pusuhku la gentar

Kam me kap penalemen,

La kal aku mbiar

Mbelin keleng ateNdu

Si njayam geluhku

Senang kal kap ras Tuhan,

Ersurak tendingku

Lit.

Kebujuran Dibata maba kejuah-juahen. KebujurenNa teridah i bas IA nepa manusia ras tinepa si deban nggeluh mulia bali ras IA. Kebujuren Dibata me si njaga kegeluhen doni enda ratur ras mehuli.

Perp.

Ikataken kami bujur Tuhan, kebujurenNdu me si erbahan kegeluhen tinepaNdu ratur ras mehuli.

1.

Kupuji Kam o, Tuhanku

perban keleng ateNdu

Ateku nggeluh badia

Ngelawan kuasa dosa

Bage me sura-surangku

Bere gegeh ras kuasa

Gelah tetap perjingkangku

​

2.

Kam saja patut dat pujin,

bas kegeluhen kami

Ban Kam Tuhan si perkeleng,

si nasap dosa kami

Siberitaken me dage perbahanenNa si mbelin

’Lah doni pe muji Tuhan

Lit.

Turang senina, megati latih siakap,...

....kerna sukat-sukat kebujuren Dibata

Perp.

O Tuhan, kugejap maka kurang kal gegehku ndalanken kebujuren subuk i bas jabu, gereja bage pe masyarakat. Sampati kal aku o Tuhan, i bas la ngasup ndalanken kinibujurenNdu.

Lit.

Turang ras senina, labo kita ngasup...

....Perlu sisedari maka kebiaren, aru ate, ras perjengilen e me ulih kinilabujuren.

Perp.

Ngaku aku Tuhan, megati aku la bujur, erbahanca jabu ras temanku rate mesui. Ulihna, la lit kedamen ras ketenengen i bas pusuhku. Sampatilah aku o Tuhan.

1.

Ola kal lupaken aku

O, Jesus Tuhan

Amin mbue kal dosangku

Masap k’rina ban

Reff.

Jesus, Jesus, sampat akulah

Bas Kam saja aku pulah

Kep-kep akulah

2.

O, Tuhan bere KesahNdu

Ku pusuhku e

PengapulNdu e man bangku

Ringan min i je

Reff.

Jesus, Jesus, sampat akulah

Bas Kam saja aku pulah

Kep-kep akulah

3.

Aku jimpuh i lebeNdu

Ban tek aku pe

‘Di ras Kam la ku talu

Ban gegehNdu e

Reff.

Jesus, Jesus, sampat akulah

Bas Kam saja aku pulah

Kep-kep akulah

Lit.

“Adi erlebuh kita man Tuhan, ialoiNa me kita. Tupung kita bas kiniseran, Tuhan kap ras kita; Tuhan kap simulahi kita dingen si permuliaken kita. IberekenNa umur si gedang jadi upahta, dingen ikeliniNa me kita.”

(Mazmur 91 : 14-16)

1.

Kukataken bujur baNdu Tuhan,

Perban lias ras perkuah ateNdu

Tupung aku i k’leweti kinis’ran,

Iampang-ampangiNdu aku la ku bene

O Bapa Kam ku lebuh,

IaloiNdu aku

Alu gegehNdu Tuhan

IpegegehiNdu aku o Bapa

2.

Kupersembahken geluhku man baNdu

Sebab Kam kap ulu gegeh geluhku

Lanai lit kebiaren ‘di ras Tuhan,

Kuasa ras kataNdu m’re aku menang

O Bapa Kam ku lebuh,

IaloiNdu aku

Alu gegehNdu Tuhan

I pepalemNdu aku o Tuhanku

4.

TUHAN kap pengawalndu si mbisa, serta Ia i bas kerina PerbahanenNa. Dibatandu setia dingen bujur; IlakokenNa kai si mehuli dingen patut.

5.

Tapi kam la setia, la metunggung pe jadi BangsaNa, sabap kam sada bangsa si perdosa dingen dem alu tipu.

6.

Bagenda kin arusna perbahanenndu man TUHAN, o kam, bangsa si bodoh dingen la rukur? Bapandu kap Ia, si nepa kam; IbahanNa kam jadi sada bangsa.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Hosiana.

Perp.

:

(iendeken)

Ho si a na, Ho si a na, Ho si a … na.

Lit.

³⁸I babo Jesus lit isuratken, "Enda me Raja kalak Jahudi."

Perp.

³⁹Sekalak i bas penjahat si ipakuken i je ihinana Jesus, nina, "Ma Kam kin Raja Penampat si ipadanken Dibata e? Pulahilah BaNdu dingen pulahi pe kami!

Lit.

⁴⁰Tapi ipandang sekalak nari ia nina, "La kin kam mbiar Dibata? Kita seri ukumenta ras Ia.

Perp.

⁴¹Adi kita ma bujur nge bagenda, sabap kita iukum sue nge ras perbahanenta. Tapi Ia labo lit PerbahanenNa si salah."

Lit.

⁴²Jenari nina man Jesus, "O Jesus, inget aku asum Kam reh pagi jadi Raja!"

Perp.

⁴³Ngaloi Jesus man bana, "Kukataken man bandu maka sendah me kam ras Aku i Pardis."

Lit.

:

Kukataken Bujur man TUHAN erkiteken keadilenNa, rende aku muji TUHAN, si Meganjangna. (Msm. 7:18)

1.

Kukataken bujur baNdu

O Kam Tuhan Penebus

Aku enggo s’lamatkenNdu

Arah lias ateNdu

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

2.

Tergejap pasu-pasuNdu

I bas kegeluhenku

Rejeki arah dalinku

Icur-curkenNdu bangku

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

3.

Arah perkuah ateNdu

Mejuah-juah aku

Senang me kapen geluhku

Kupujilah gelarNdu

Reff.

Keleng kal ateNdu aku

Simpar kap ngaruhNdu bangku

Lias ateNdu la nai terpilasi

Ku puji Kam tep-tep wari

1.

Tuhan Jesus Penampatku

IA penalemenku

Kuikutken me dalanNa

IA kegeluhenku.

Reff. Teneng tetap tendingku

Paguh kinitekenku

Lanai lit kebiarenku

Tan Tuhanku menegu

1.

Lalap sikataken bujur

Beritaken kemulianna

Mbelin pemereNa banta

Puji gelarNa

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

2.

K’leng ateNa kapen nusur

Lalaplah ngataken bujur

Ingetlah pedahNa rusur

Segedang umur

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

3.

Adi seh sura-suranta

Labo e perban gegehta

Maka ola kita lupa

Ia m’rekenca

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

Lit.

Dibata me ulu keadilen si mbela kam i bas kinilabujuren doni nari. Jenari idiloNa kam gelah nggeluh i bas kebujuren.

Perp.

Erpadan kami Tuhan, ernalem kempak kebujurenNdu dingen ndalankenca kebujurenNdu i bas jabu, gereja ras masyarakat.

1.

Ernalem gelah man Jesus

Kula ukur tendingku

Endesken geluhndu baNa

Keleng ateNa bandu

Reff. Ernalem gelah !

Tutus min gelah

O, Jesusku bahan aku

Ernalem gelah

2.

Kita k’rina bas geluhta

P’raten daging simbak min

Pindo lebe gegeh baNa

Maka kita erdahin

Reff. Ernalem gelah !

Tutus min gelah

O, Jesusku bahan aku

Ernalem gelah

Berkatlah alu dame ras mejuah-juah, lakokenlah kinibujuren i bas geluhndu. Guna mpegegehi kam ngelakokenca, alokenlah pasu-pasu idur Dibata nari :

​

“Tapi kenca kam ngenanami kiniseran kentisik, serta me kam ibahan Dibata, si dem lias ate, si ndilo kam gelah ngenanami kemulianNa si rasa lalap erdandanken persadanNdu ras Kristus; ipetetapNa dingen IpegegehiNa kam janah iberekenNa man bandu palas si nteguh. Dibata kap erkuasa seh rasa lalap”. Amin

​

Perp. : A....min, A.......min, A......min

​