1.

Haleluya wari enda

Wari Minggu nggo ka seh

Pulung kita k’rina jenda

Maka tambah pemeteh

Muji Dibatanta e

Ras ngataken bujur pe

2.

Asa Kristen japa gia

Pulung k’rina sendah me

Maka inget manusia

Perkeleng Dibata nge

Sabab Tuhan Yesus e

Nggo nangtangi kita pe

1.

Sipuji sipuji sipujilah lebe

Sipuji gelarNa sipuji me dage

Dibata Bapanta simada kuasa e

Sinasa kerina ‘nggo itepaNa pe

‘Lah banci kita ‘rdame

2.

Sipuji sipuji sipujilah lebe

Sipuji gelarNa sipuji me dage

AnakNa Si Tonggal em Yesus Kristus e

Si teklah man baNa ikeliniNa pe

‘Lah ola kita bene

3.

Sipuji sipuji sipujilah lebe

Sipuji gelarNa sipuji me dage

Kesah Si Badia Penampat me jine

Ib’reNa gegehta ngelawan dosa e

‘Lah ola kita kote

Lit.

:

Jesus enggo naluken kerina...

...agama si ibereken Musa ras nabi-nabi erpalasken duana perentah enda ndai kap.

Perp.

:

Ipuji kami Kam o Tuhan, i bas kinigenggengenNdu ngalaken percuban. Kam me Dibata si meteruk ukur, la Kam ngukurken diriNdu saja, gelah kami terkelin.

1.

Si pujilah Dibata

Peb’linken gelarNa

Kataken bujur bas k’rina paksa

Senang tah susah kataken bujur

Reff: Inget Dibata

inget kekelengenNa

Geluhta enda IA sinepasa

Inget Dibata inget kuasaNa

lalit metahat ilebe-lebeNa

2.

Pelebelah Dibata

Ibas kegeluhenta

Nggurulah baNa, begi kataNa

Kai pe si sura nggo leben ‘tehNa

Reff: Inget Dibata

inget kekelengenNa

Geluhta enda IA sinepasa

Inget Dibata inget kuasaNa

lalit metahat ilebe-lebeNa

Lit.

:

Turang ras senina, kenca si idah keleng ate Jesus i bas ngalaken percuban, marilah si orati pusuhta, kerna kini-genggengenta i bas ngikut Jesus.

Lit.

“Peridilah banta maka kita bersih. Ngadikenlah erbahan kejahaten i adep-adepenKu. Olanai bahan si la mehuli, tapi erlajarlah erbahan si bujur. IperidiNa kita maka bersih bagi salju. Aminna gia erkiteken dosanta kita enggo mbiring bagi tengguang, mulihi kita mbentar bagi kapas” (Jesaya 1 : 16-19)

1.

Kam kap lalap man ikutenku

Yesus Kam Penebusku

Kam kap lalap Penundalenku

Yesus Kam Penawarku

Ialemi Kam dosangku

Maka senang tendingku

Kam kap lalap Penalemenku

Yesus Kam Penebusku

3.

Ibas paksa kesusahenku

Kam min penalemenku

Tah kai jadi bas geluhku

Kam si negu aku pe

Sedekah umur geluhku

Amin seh pe sipatku

Kam si negu-negu aku pe

Bengket kesenangen e

L.

¹"Ikutkenlah alu tutus kerina undang-undang si kubereken sendah man bandu, gelah banci kam nggeluh, dingen ertambah-tambah beliganndu, janah ngiani negeri si ipadanken TUHAN man nini-ninindu.

P.

²…

L.

¹...

P.

²Inget uga TUHAN Dibatandu mabai kam i bas perdalanen si nggedang mentasi gurun pasir empat puluh tahun dekahna; i je IberekenNa melala kiniseran guna nguji kam, gelah IetehNa ukurndu, ntah iuekenndu PerentahNa ntah lang.

L.

³IpelepasNa kam kelihen, emaka IberekenNa manna man panganndu, pangan si lenga pernah ipanndu tah ipan nini-ninindu. IlakokenNa e, guna ngajar kam, maka labo pangan ngenca si pegeluhken manusia, tapi manusia nggeluh erdankanken kasakai si ikataken TUHAN.

P.

⁴…

L.

³...

P.

⁴Kidekah empat puluh tahun e, uisndu pe la merigat ras nahendu pe la besar.

L.

⁵Ingetlah, maka TUHAN Dibatandu ngajarken ras ngukum kam bali ras sekalak bapa ngajarken anak-anakna.

P.

⁶Emaka nggeluhlah rikutken kai si nggo iperentahken TUHAN man bandu: nggeluh lah rikutken undang-UndangNa janah mbiar man BaNa.

L.

⁷TUHAN Dibatandu maba kam ku taneh si mehumur, i ja melala ulu lau, lau, ras sumbul si erburak launa i bas baluren ras uruk-uruk.

P.

⁸Taneh si mereken ulih gandum, jelai, buah anggur, buah ara, buah ndalima, saitun ras tengguli.

L.

⁹I jah la banci kam kelihen, la banci kam kurang kai pe. Batu-batuna isin biji besi, i bas uruk-urukna banci ibuatndu tembaga.

P.

¹⁰Idatndu kai atendu ipanndu.

Lit.

​

:

Ketuahen kalak si megiken Kata Dibata, dingen simakekenca ibas geluhna si teptep wari, Haleluya.

Perp.

:

(iendeken)

Ha le lu ya, Ha le lu ya, Ha le lu ... ya.

1.

Kenca bage Kesah Dibata mabai Jesus ku gurun pasir guna icubai Iblis.

2.

Kenca empat puluh wari empat puluh berngi Jesus la man IgejapNa melihe.

3.

Emaka reh Iblis ncubai Ia nina, "Erkiteken Kam Anak Dibata salihken dage batu enda jadi roti."

4.

Ngaloi Jesus nina, "Lit kap tersurat i bas Pustaka Si Badia: Labo alu roti saja manusia enggeluh, tapi arah tep-tep kata si ibelasken Dibata."

5.

Jenari ibabai Iblis me Jesus ku Jerusalem janah isuruhna Ia tedis i babo anjung-anjung Rumah Pertoton.

6.

Jenari nina man Jesus, "Adi Anak Dibata kin kam, dabuhken man BaNdu ku teruh, sabap lit tersurat i bas Pustaka Si Badia bagenda: ‘Isuruh Dibata kap malekat-MalekatNa reh njagai Kam, itatangna nge Kam alu tanna gelah NaheNdu pe la terantuk ku batu.’"

7.

Ngaloi Jesus, "Tapi lit tersurat i bas Pustaka Si Badia ‘Ola cubai Tuhan Dibatandu.’"

8.

Ibabai Iblis e ka Jesus ku deleng si seh kal ganjangna. Jenari ituduhkenna man Jesus kerina kerajan doni enda ras kinibayakenna.

9.

Nina Iblis e man Jesus, "Kerina kerajan doni enda ras kiniulinna kubereken man BaNdu, adi nggit Kam erjimpuh nembah man bangku."

9.

Emaka ngaloi Jesus nina, "Laweslah Iblis! Lit kap tersurat i bas Pustaka Si Badia: ‘Sembahlah Tuhan Dibatandu, janah Ia saja ngenca patut man sembahen!’"

10.

Kedungenna itadingken Iblis e Jesus; emaka reh malekat-malekat nampati Ia.

Lit.

:

Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.

(Roma 12 : 1)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Enda me undang-undang Tuhan...

... Kelengilah temanndu manusia bagi kam ngkelengi dirindu

Perp.

Erpadan aku o Tuhan, kukelengi me Kam, lebihen asangken kai pe bas doni enda, kukelengi me Kam, arah engkelengi temanku manusia.

1.

Bas Ia ngenca lit kepe,

Kek’lengen si mbelin.

Yesus tersilang seh mate,

Lah aku terkelin.

Reff. Tetap ukurku tek aku baNa

Keleng ateNa mbelin kuasaNa

Ia njagasa geluhku k’rina

Malemna di ras Ia.

2.

Man baNa ernalem dage,

Begiken KataNa.

Di meriah tah gulut pe,

Tetap temaniNa.

Reff. Tetap ukurku tek aku baNa

Keleng ateNa mbelin kuasaNa

Ia njagasa geluhku k’rina

Malemna di ras Ia.

“KekelengenKu la ersibar ngarak-ngarak geluhndu. IkawaliNa kam, ipegegehiNa ras ipasu-pasuNa me kam si ndalanken si ngena ateNa. IA sinjamini ras nikapken keperlunndu. La kam kekurangen janah IA tetap ras kam seh ku kedungen jaman”. Amin

​

Perp. : A....min, A.......min, A......min

​