1.

Ku dahi Kam Tuhan Dibatangku

Kupenangkih totoku man baNdu

Kukataken bujur ermengkah ukurku

Ibas ngaloken perkuah ateNdu

Reff. Nggo tangkas peratenNdu

bas geluhku

Bujur o Bapa nggo malem ateku

2.

Ku puji Kam Tuhan Dibatangku

Alu rende ku puji GelarNdu

Riahna ukurku ibahanNdu Tuhan

‘bas ngaloken keleng ateNdu Tuhan

Reff. Nggo tangkas peratenNdu

bas geluhku

Bujur o Bapa nggo malem ateku

1.

Enggo tetap ukurku

ngikutken Dibatangku

Kugelem me PedahNdu

bas ndalani geluhku

Reff. Kupuji Kam Dibatangku

kelengNdu mbelin me tuhu

Kupuji Kam o Tuhanku

segedang-gedang geluhku

3.

Lanai mbiar tendingku

Sebab Tuhan temanku

Bujur ningku man baNdu

Segedang-gedang geluhku

Reff. Kupuji Kam Dibatangku

kelengNdu mbelin me tuhu

Kupuji Kam o Tuhanku

segedang-gedang geluhku

Lit.

Mari sibegiken Kata Dibata kerna dahin gereja i tengah-tengah doni enda. “Sada ngenca kula, janah...

... ras penandainta kerina nandangi Anak Dibata; kita dewasa, janah dungna seh kita ku tingkat kedewasaan Kristus si serta e.” (Epesus 4: 4-7, 11-13)

1.

Kita k’rina anak-anak Tuhan

Ersada arih ibas perpulungen

Pandita pertua ras diaken

Tutus ngelai raduken perpulungen

Cidahkenlah dage kegeluhen

Sentudu kata ras perbahanen

Dage dalankenlah si isuruh Tuhan

​

2.

Nggeluh ‘lah kita jadi saksiNa

Ersada tetap ibas perpulungen

Ibas nehken kinitekenta pe

kekelengenNa jadiken persukuten

Sehkenlah sura-sura Tuhanta

Ngelai, ersaksi bas persadan

Malem me ateta ibas kegeluhen

Lit.

Kita me ring-ring ni Kristus si idilo guna Ersada, Ersaksi ras Ngelai. Uga pendalankenta sedekah enda?

Lit.

Lit nge ndia idah Dibata i bas pusuhta guna ersada? Lit nge ndia ukurta guna naksiken Dibata? Lit nge pusuhta guna ngelai kalak si deban?

2.

Kuukuri me lagungku

Dosa nari k’rina pe

Nggo terbuang wari-wari

La kupergunaken pe

3.

Rusur nari aku lalar

Ngaku aku o, Tuhan

Amin gia aku Kristen

Gatin dosa nge kuban

4.

Perban e me kutungtungken

‘Kurku baNdu o, Tuhan

Ras mekuah min ateNdu

Sasaplah dosangku min

Lit.

Selaku persuruhen Dibata aku nehken...

... Nina:

“Sabab i bas persadanndu ras Kristus, kam enggo ipebayak i bas kai pe, i bas pengeranandu bage pe i bas pemetehndu. Seh maka i bas kam nimai Tuhanta Jesus Kristus encidahken diriNa, la kam kurang kai pe kerna pemere-pemereNa.”

(1 Korinti 1:5, 7).

5.

I bas bertin nari pe, TUHAN nggo milih aku, IbahanNa aku jadi suruh-SuruhenNa, lako negu-negu BangsaNa mulih, bangsa Israel si merap marpar. I lebe-lebe mata TUHAN, aku ipermuliaken, Ia kap sumbul gegehku.

6.

Nina TUHAN man bangku, "O suruh-suruhenKu, lit denga dahin si terbeliden bandu; la cukup terjeng iulihken kam Israel si tading denga, ras ngulihken kehagan man bana, tapi Kubahan ka pe kam jadi terang man bangsa-bangsa, gelah keselamaten seh man bangsa doni kerina."

7.

Dibata si Badia nu Israel si Penebus, ngataken man kalak si igombangi, si ciga ate kerina bangsa doni, si jadi budak man penguasa-penguasa, "Raja-raja ngidah kam ipulahi, emaka tedis ia lako nghamati; janah pengulu-pengulu pe ngidahsa, emaka nembah mungkuk ia kerina." ...

7.

Si enda jadi erkiteken TUHAN tetap nehken PadanNa, Dibata si Badia nu Israel nggo milih suruh-SuruhenNa.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

Dib.

³Pendilo dingen pilihen Dibata Dibata nggo ndilo kita gelah kita dat bagin i bas kemulian ras KiniulinNa. Alu KuasaNa ras arah penandainta kerna Ia nggo IberekenNa man banta kai keperlunta guna nggeluh nembah man BaNa.

Dil.

⁴....

Dib.

³...

Dil.

⁴Arah padan si mbelin dingen meherga si IberekenNa man banta e, ngasup kam mulahi bandu i bas kerincuhen daging nari, si ncedaken si lit i doni enda, jenari dat bagin kam i bas kinidibatanna.

Dib.

⁵Erkiteken si e usahakenlah maka irakutkenndu ku kinitekenndu kai si mehuli, tapi aminna gia nggo ibahanndu kai si mehuli, rakutken ka lah ku perbahanen si mehuli e pemeteh kerna Dibata.

Dil.

⁶...

Dib.

⁵...

Dil.

⁶Adi nggo lit pemetehndu kerna Dibata, arus maka irakutkenndu ku pemetehndu e penguasan diri; janah adi nggo ngasup kam ngkuasai dirindu, rakutken ka ku je ate megenggeng. Adi nggo lit i bas kam ate megenggeng, arus irakutkenndu ku ate megenggeng e ate tutus er-Dibata.

Dib.

⁷Tapi aminna gia nggo lit i bas kam ate tutus ngikutken sura-sura Dibata, rakutken ka lah ku je ate keleng man teman sapih-sapih Kristen; janah adi nggo lit i bas kam ate keleng nandangi teman-teman sapih-sapih Kristen, arus maka irakutkenndu ku je ate keleng nandangi kerina manusia.

Dil.

⁸...

Dib.

⁷...

Dil.

⁸Enda me kerina biak-biak si iperlukenndu, janah adi biak-biak enda turah alu mehumur i bas kam, si e erbahanca maka pemetehndu kerna Tuhanta Jesus Kristus nggeluh janah erbuah.

Dib.

⁹Tapi kalak si la lit i bas ia biak-biak si bage, pentang kap mata perukurenna; la ia ngasup ngidahsa, janah nggo ilupakenna maka dosa-dosana si nggo lepas nggo ibersihken.

Dil.

¹⁰...

Dib.

⁹...

Dil.

¹⁰Dage, o senina-seninangku, usahaken tole gelah pendilo ras pemilihen Dibata nandangi kam tetap erteguhna. Adi bage perbahanndu, ndigan pe la kam banci ndabuh ku bas dosa.

Dib.

¹¹Alu bage ibereken man bandu dem hak bengket ku bas Kinirajan si la ermasap-masap, Kinirajan Tuhanta ras Si Engkelini kita Jesus Kristus.

Lit.

:

“O senina-seninangku, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur”.

1.

Ermengkah ukurku, ras ngataken bujur Tuhan

Kelengi min aku, Kam empu geluhku

Enda ngenca Tuhan persembahenku

Kerina geluhku kesah ras kulangku

La kap lit bas aku erta kebayaken

Si cukup meherga ‘lah ku persembahken

Sada ngenca Tuhan lit pemindonku

Aloken min Tuhan persembahenku

Pakeken geluhku jadi perkakasNdu

Segedang geluhku

1.

Man baNdu Jesus Tuhanku

Kuendesken geluhku

Ukur ras perbahanenku

Geluhku Kam si mada

Kempak Jesus kerinana

Geluhku Kam si mada

Kempak Jesus kerinana

Geluhku Kam si mada

1.

Lalap sikataken bujur

Beritaken kemulianna

Mbelin pemereNa banta

Puji gelarNa

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

2.

K’leng ateNa kapen nusur

Lalaplah ngataken bujur

Ingetlah pedahNa rusur

Segedang umur

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

3.

Adi seh sura-suranta

Labo e perban gegehta

Maka ola kita lupa

Ia m’rekenca

Reff. Dibata kap cilinggementa

malem ateta

Keleng ateNa mbelin man banta

Penanam-nanam bas geluhta

Lit.

Kita idilo jadi ring-ring i bas KulaNa, nggejabken kiniulin nggeluh i bas persadan ras Dibata, bagepe ras temanta si deban. Nggit nge kita ertutus ate mbangun kiniersadan i bas perpulungen ni Tuhan?

Perp.

Erpadan aku Tuhan, selaku ring-ring i bas kula ni Kristus, tetap nggeluh i bas persadan kulaNdu i doni enda.

Lit.

Jesus reh ku doni enda naksiken kiniulin Dibata. Nggit nge kita ertutus ate naksiken kiniulin Tuhan ku sekelewetta?

Perp.

Erpadan aku Tuhan, naksiken Kam arah perukuren, pengerana ras perbahananku.

Lit.

Jesus nggo mereken DiriNa ngelai manusia. Nggit nge kita mereken dirinta bagi Kristus, nggeluh i bas biak nggeluh si nggit mereken diri guna ngelai?

Perp.

Erpadan aku Tuhan, makeken diringku ngelai Kam arah ngelai temanku manusia ras kerina tinepaNdu.

1.

Kita ‘nggo ndatken pendilo Dibatanta

‘Lah ngelai bagi si enggo ibahanNa

Tangkas enggo sura-sura Dibatanta

Gelah kita pe tutus jadi serayanNa

Ola erlatih-latih janah tetap ukur pe

Erdahin ‘bas peken anggur Tuhan e

Gegeh ras kuasa ijujurkenNa pe

Dibata si masu-masu k’rina dahin e

3.

Singelakoken dahin si mulia e

Sangap ibas doni sangap ibas surga pe

Tutus ate ertoto mindo man baNa

PenampatNa eme jadi pengarapenta

Ia me persukuten ingan man penungkunen

Maka ngasup ndahiken dahinNa e

Sikap ras mehuli janah megenggeng pe

Gelar Tuhan terpuji ras ermulia pe

Turang ras senina, bengketilah kegeluhenndu si tep-tep wari. Gelah tetap kam ngasup majekken kula ni Kristus i bas Ersada, Ersaksi ras Ngelai. Si jadi gegehndu, alokenlah pasu-pasu idur Dibata nari : “Dibata, si mada perkuah ate, si enggo nenahken kam ku kemulianNa si rasa lalap i bas Kristus, njadiken kam serta, tetap, megegeh dingen Paguh. IA nge si mada kuasa seh rasa lalap” Amin.

​

Perp. : A....min, A.......min, A......min