1.

Nehen aku o Tuhan,

Nggo keri kel gegehku.

Perbeben ngerimrim aku

Sampat aku Tuhan.

​

3.

K’lengi aku o Tuhan,

Nggo labuh kal tendingku

Kam ngenca pengapulku,

Sampat aku Tuhan.

Lit.

:

Jesus reh ku doni enda, nggit IA ngenanami kiniseran gelah manusia terkelin. IA setia i bas keleng ateNa, seh maka la IA surut amin gia ngalaken kiniseran. Jesus kap pengarapen si tuhu-tuhu.

Perp.

:

Ipuji kami Kam o Tuhan, sabab Kam setia ngkelengi kami. Kam kap ulu pengarapan kami.

Lit.

:

Jesus reh ku doni enda. IpulahiNa manusia si perdosa i bas kuasa kematen nari. Jenari ijujurkenNa kegeluhen si mbaru.

Perp.

:

Terpujilah Kam Tuhan, nggit Kam ngalaken kematen gelah kami ndatken kegeluhen si mbaru.

1.

Mari surak muji Tuhan

Endesken ‘nde-enden m’riah,

O surga doni ersurak kerina,

Mari rende muji Ia

Alu ukur si meriah,

Puji gelarNa si Badia.

Reff. La ‘rngadi ngadi kupuji kam Tuhan,

bas k’rina dampar kegeluhen,

ersurak m’riah pusuhku ibas kam,

terpuji Tuhan rasa lalap.

3.

Mari surak puji Tuhan

Alu ukur ras tendinta

Sabab Kam mehuli kap o Dibata

pulahiNdu aku

ibas kiniseran doni enda

Kupuji Tuhan haleluya

Reff. La ‘rngadi ngadi kupuji kam Tuhan,

bas k’rina dampar kegeluhen,

ersurak m’riah pusuhku ibas kam,

terpuji Tuhan rasa lalap.

Lit.

:

Turang ras senina, Jesus Kristus enggo nuduhken kesetian ras keleng ateNa man banta. Kuga nge kita ngergaken kesetiaan ras keleng ateNa e sedekah enda?

Lit.

:

Jesus megenggeng ibas ngalaken kiniseran. Kuga nge kita ibas ngalaken erbage-bage kiniseran i bas doni enda?

1.

Anem dosangku mekelat megara

IsalihkenNdu me jadi mbentar

Kam kap erbanca geluh meherga

Kugejap tuhu kelengNdu simpar

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

2.

Ukur pinter ras bujur nge pindoNdu

Pusuh si getem ngena ateNdu

Demi pusuhku alu liasNdu

Gelah ku pembarken min kataNdu

Reff. Tendingku ersurak janah nembah

Kupakeken me pedah

Kam kap Dibata Bapa Si Perkuah

Bas kep-kepenNdu min aku gelah

Lit.

“Ola kam mbiar, ola aru atendu, sabab Aku TUHAN Dibatandu, tetap ras kam ku japape kam lawes” (Jos. 1 : 9b)

1.

Amin dosangku mbue la terkira

Si erban ndauh ras Kam Tuhan

Tapi keleng ateNdu tangkas Tuhan

La tak-takiNdu dosangku

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

4.

Ukurku ipelimbarui Tuhan

Si nai nilah ibas Tuhan

Sura-surangku saja kuikutken

Gundari kuikut Tuhan

Reff: Bujur man baNdu Tuhan

ban ialemi dosangku

Meriah kel ukurku

Tuhan nasapken dosangku

30.

Pedua kaliken ituriken Jesus kerna kematenNa

Emaka itadingken Jesus ras ajar-AjarNa ingan e, janah berkat ia kempak Galilea. La ate Jesus ieteh ise pe i ja Ia ringan,

31.

sabap Ia sangana ngajari ajar-AjarNa. Nina man ajar-AjarNa, "Anak Manusia si isuruh Dibata iendesken pagi ku bas kuasa manusia, ibunuh manusia pe Ia; tapi kenca telu wari, mulihi Ia nggeluh."

32.

La ierti ajar-ajar kerna kata enda, tapi mbiar ia nungkun Jesus.

Lit.

​

:

Ketuahen kalak si megiken Kata Dibata, dingen simakekenca ibas geluhna si tep-tep wari, Haleluya.

Perp.

:

(iendeken)

Ha le lu ya, Ha le lu ya, Ha le lu … ya.

L.

¹⁴Tapi ertoto aku man BaNdu, o TUHAN, paksa si payo IakapNdu, aloi min aku o Dibata. Sabap mbelin kap lias AteNdu, sampati min aku alu keleng AteNdu si tetap.

P.

¹⁵Ula pelepas aku gedap i bas kubang, pulahi min aku i bas imbang ras lau si mbages nari.

L.

¹⁶Ula pediat aku iombakken lau si ergalumbang, ula pelepas aku itelen lubang si mbages, ntah sumur nukupken ayona ku babongku.

P.

¹⁷O TUHAN aloi min aku, sabap mehuli kap keleng AteNdu si tetap. Tulihken min aku, sabap mbelin kap perkuah AteNdu.

L.

¹⁸Ula IbunikenNdu DiriNdu nandangi aku suruh-SuruhenNdu, aku i bas kesusahen, pedas min sampati aku;

P.

¹⁹Mari min pulahi aku, bebasken aku i bas imbang-imbangku nari.

Lit.

:

Ngataken bujur e me persembahan si pehagaken Aku janah si patuh ngikutken Aku tentu Kukelini. (Masmur 50 : 23)

1.

Si pepulung me persembahenta,

Si endesken dage man Dibata.

Tanda m’riah ukur

ban pasu-pasuNa,

Si simpar b’reNa man banta.

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

2.

Tuhu simpar pemere Dibata

Man perjuma ras si erbinaga

K’rina si erdahin

Si ngarap man baNa

Ituahi pasu-pasuNa

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

3.

Pengataken bujur man Dibata

Enda mbelin ka tuhu gunana

Jadiken geluhta,

Kula ras tendita

Persembahenta si nggeluh

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

4.

Persembahen kami e o Tuhan

Eme sada bagin pemereNdu

ajariNdu kami

Ersembah man baNdu

Pehaga kinirajanNdu

Reff: Asa si nggo isikapken,

Asa si nggo itotoken.

Em pengataken bujurta,

kempak Dibata.

Lit.

Kegeluhen Jesus eme tanda keleng ate Dibata kempak manusia. Megenggeng IA ndalani percuban, gelah Dibata ermulia

Perp.

Erpadan kami o Tuhan, tetap kami megenggeng ibas ndalani kiniseran kegeluhen enda.

Lit.

Jesus reh ku doni enda labo guna diriNa tapi IA setia aminna gia ngenanami kiniseran guna keselamaten manusia.

Perp.

Erpadan kami o Tuhan, nggeluh ngusih Jesus si setia.

Lit.

Jesus meteh kiniseran si arus ibentasiNa. Tapi la IA surut i bas ngalaken kiniseran erdandanken keleng ateNa.

Perp.

Erpadan kami o Tuhan, kami la mindo gelah la jumpa perbeben. Tapi mindo kami gelah ibereNdu gegeh guna ngalaken perbeben e.

1.

Tegu aku anakNdu

Bas perdalan geluhku

Di aku paksa labuh

Ambatilah musuhku.

Reff. Tegu aku

Ibas perdalanenku

Kam me ngenca ku lebuh

CikepNdu tanku nteguh

2.

Kam bentengku si paguh

Gia musuhku ngupuh

Amin mara pe nderpa

La aku bera-bera.

Reff. Tegu aku

Ibas perdalanenku

Kam me ngenca ku lebuh

CikepNdu tanku nteguh

3.

Seh de paksa sipatku

Tuhan tetap temanku

Lalap malem ateku

Kam ngenca penampatku.

Reff. Tegu aku

Ibas perdalanenku

Kam me ngenca ku lebuh

CikepNdu tanku nteguh

“Dibata, si mada perkuah ate, si enggo nenahken kam ku kemulianNa si rasa lalap i bas Kristus, njadiken kam serta, tetap, megegeh dingen Paguh. IA nge si mada kuasa seh rasa lalap”. Amin

​

Perp. : A....min, A.......min, A......min

​